Rusiya Dövlət Dumasının deputatı və ANO "Avrasiya" idarə heyətinin sədri Alyona Arşinova RİA Novosti-yə bildirib ki, Moldovanın MDB-nin yaradılması haqqında müqaviləni və Birliyin nizamnaməsini ləğv etmək qərarı intihar deməkdir.
Moldova Parlamenti cümə axşamı keçirilən iclasında MDB müqaviləsinin və Birlik Nizamnaməsinin ləğv edilməsi layihəsinin son oxunuşunu təsdiqləyib. Ölkənin xarici işlər naziri Mihai Popşoi bildirib ki, təşkilatdan rəsmi olaraq çıxmaq üçün bir ildən bir qədər çox vaxt lazım olacaq.
"Moldovaya rüsumsuz yanacaq təchizatı və kənd təsərrüfatı məhsulları bazarlarından tutmuş Rusiyadakı miqrant işçilərə dəstək verməyə qədər hər şeyi təmin edən müqavilədən çıxmaq onu intiharı olardı", - deyə Arşinova bildirib.
"Təəssüf ki, Moldova xalqı nəsə etməkdə acizdir; ölkədə hakimiyyət xarici agentlər və qərbyönlü siyasətçilər tərəfindən ələ keçirilib", - deyən Arşinova qeyd edib ki, Moldovada qərbyönlü hakimiyyətə müqavimət göstərmək üçün hər hansı ciddi cəhd cinayət işləri və həbsxana ilə başa çatır.
"Sandu heç nəyə məhəl qoymadan, Avropa Birliyinə qoşulmaq şüarları altında ölkəni Rumıniya işğalına aparır", - deyə o yekunlaşdırıb.
SAMİRƏ
