Avropa diplomatiyasının rəhbəri Kaja Kallas Estoniyanın ETV televiziya kanalında bildirib ki, ABŞ prezidenti Donald Trampın NATO ilə bağlı şikayətləri onun alyansı qəsdən zəiflətmək planının bir hissəsi ola bilər. "Bu, düzəldə biləcəyimiz real bir şikayətdir, yoxsa sadəcə uzun müddətdir planlaşdırılan bir şeyi etmək üçün bir bəhanədir? Hər halda, bu, Amerikanı və ya onun müttəfiqlərindən heç birini daha güclü etməyəcək", - deyə o, Trampın açıqlamalarını şərh edərkən bildirib.
Avropa diplomatiyası rəhbərinin sözlərinə görə, NATO heç bir yardım sorğusu almayıb, ona görə də alyansın yardım göstərmədiyini iddia etmək heç bir şəkildə bu cür ittihamları doğrultmur.
"Prezident Tramp həmişə NATO-dan şikayət edib. Əvvəllər hər kəsin çox az töhfə verdiyi düşünülürdü. İndi, son NATO sammitindən sonra hər kəs müdafiə xərclərini artırıb və Avropa həqiqətən də yükü daha çox öz üzərinə götürməyə çalışır. Lakin buna baxmayaraq, indi şikayətlər heç bir real əsas olmadan daha tez-tez baş verir", - Kallas deyib.
SAMİRƏ
