Şiə İranpərəst Kataib Hizbullah yaraqlı qrupu Bağdadda amerikalı jurnalist Şelli Kitlsonu qaçırıb.
CNN müxbiri Aleks Plitsas bu barədə 31 mart çərşənbə axşamı sosial media platforması X-də məlumat verib. Qlobal İctimaiyyətlə Əlaqələr üzrə Dövlət Katibinin köməkçisi Dilan Conson daha sonra məlumatı təsdiqləyib. O, yalnız peşəsinə istinad edərək qaçırılan şəxsin adını çəkməkdən imtina edib.
"Dövlət Departamenti bu şəxsi ona qarşı təhdidlər barədə xəbərdar etmək vəzifəsini yerinə yetirib və onun tez bir zamanda azadlığa buraxılmasını təmin etmək üçün FTB ilə əməkdaşlıq etməyə davam edəcək", Conson özünün X səhifəsində yazıb. O, həmçinin qeyd edib ki, İraq hakimiyyəti "Kətaib Hizbullah"la əlaqəli və Kittlesonun qaçırılmasında iştirak etdiyi iddia edilən bir kişini saxlayıb.
Consonun paylaşımından bir neçə saat əvvəl İraq Daxili İşlər Nazirliyi amerikalı jurnalistin qaçırılmasında şübhəli bilinənlərdən birinin həbs olunduğunu elan edib. Bəyanatda bildirilir ki, kişi təqib zamanı avtomobili aşdıqdan sonra tutulub. Qalan şübhəlilər başqa bir nəqliyyat vasitəsi ilə qaçıblar. Polis Kittleson və şübhəlilərin axtarışını davam etdirir.
SAMİRƏ
