ABŞ prezidenti Donald Trampın yaxın çevrəsindəki iki yüksək rütbəli məmur arasında xüsusi şam yeməyi zamanı gərginlik yaranıb. Maliyyə naziri Skott Bessent Federal Mənzil Maliyyəsi Agentliyinin direktoru Bill Bill Pulteni yumruqla vurmaqla hədələyib.
Hadisə keçən həftə Vaşinqtonun Corctaun məhəlləsindəki “Executive Branch” klubunda Tramp administrasiyasının tanınmış simalarının toplantısında baş verib.
Şahidlərin sözlərinə görə, Bessent kokteyl saatı zamanı Pultenin prezident Trampa onun haqqında mənfi fikirlər söylədiyi öyrənib və onu təhqir etməyə başlayıb. Şahidlərin sözlərinə görə, Bessent "Niyə mənim haqqımda prezidentə nəsə deyirsən?... Ağzına bir yumruq vuraram" deyib.
Mübahisənin böyüməsinin qarşısını almaq üçün klubun sahibi Omid Malik məsələyə müdaxilə edib. Lakin Bessent Malikin də klubdan uzaqlaşdırılmasını tələb edib. Gərginlik zamanı Bessent Pulteyə meydan oxuyaraq "Ya mən, ya da o. Çölə çıxa bilərik" deyib. Pulte ona "danışmaq üçün?" sdeyə soruşub. Bessent isə "Xeyr. Səni öldürəcəm" cavabını verib.
Vəziyyət gərginləşdikdən sonra Malik tərəfləri ayıraraq Bessenti klubun başqa hissəsinə aparıb. Hadisə ilə bağlı Bessent, Pulte, Malik və ya Ağ Evdən heç bir açıqlama verilməyib.
Hər iki məmur Trampla yaxın əlaqələri ilə tanınır. İddialara görə, onlar arasında gərginlik Pultenin mənzil bazarına təsirini artırmaq cəhdləri və Bessentin yurisdiksiyasına müdaxiləsi səbəbindən artıb.
Trampın komandasındakı belə mübahisə əvvəllər də baş verib. Aprel ayında məlum olub ki, Bessent Oval Ofisin qarşısında İlon Mask ilə mübahisə edib və Maskı Xəzinədarlığın işinə müdaxilə etməkdə ittiham edib.
TAHİR
