Ukrayna Rusiyanın Voronej vilayətindəki Baltimor hərbi hava bazasına güclü zərbələr endirib. Açıq mənbəli kəşfiyyat qrupu CyberBoroshno tərəfindən anliz edilən peyk görüntülərinə görə, modernləşdirilmiş S-300 hava hücumundan müdafiə sistemi sıradan çıxarılıb və ən azı iki Su-24 bombardmançı təyyarəsi məhv edilib. Bazanın hava hücumundan müdafiə imkanları və radar stansiyaları məhv edilib.
Hücumun Rusiyanın 47-ci qvardiya bombardmançı alayının və 108-ci hava hücumundan müdafiə raket alayının yerləşdiyi bazaya qarşı həyata keçirildiyi bildirilir. Peyk görüntüləri 76N6 radar stansiyasına və bazadakı 30N6 hədəf radarına ciddi ziyan vurduğunu göstərdi.
CyberBoroshno analitikləri bu iki radarın məhv edilməsinin bölgədə yerləşən bütün S-300 batareyasını zərərsizləşdirdiyini bildiriblər.
Ən azı bir aydır bazada saxlanılan iki Su-24 bombardmançı təyyarəsinin hücumdan sonra artıq orada olmadığı görünür. Peyk görüntüləri təyyarələrin dayandığı yerlərdə yanıq izləri olduğunu göstərir. Bildirilir ki, sözügedən təyyarələr Ukrayna sərhədində radar və elektron müşahidə əməliyyatları üçün istifadə edilib.
Məhv edilmiş 76N6 radarı orta və yüksək hündürlükdə hədəflərin aşkarlanmasında istifadə edilir. 30N6 radarı isə raketin qarşısının alınması üçün işıqlandırma və istiqamət verir.
Ukrayna bundan əvvəl işğal altında olan Zaporojye bölgəsində Rusiyanın S-300V buraxılış qurğusunu məhv edib.
TAHİR
