23 iyun 2025-ci ildə ABŞ Hərbi Hava Qüvvələrinin İranın nüvə obyektlərinə endirdiyi son zərbələrə cavab olaraq ABŞ-ın böyük şəhərləri - Nyu-York, Çikaqo, San-Fransisko, San Dieqo və başqa şəhərləri müharibə əleyhinə etirazlar bürüyüb. Nümayişçilər ABŞ və İsrailin hərəkətlərini pisləyən və münaqişənin kəskinləşməsinə dərhal son qoymağa çağıran plakatlarla küçələrə çıxıblar. Etirazçılar Donald Trampı beynəlxalq hüququ pozmaqda, müharibəyə təhrik etməkdə və qlobal sabitliyi təhdid etməkdə ittiham edərək onu hərbi cinayətkar adlandırıblar. Mitinqlərdə bu ölkələrin xalqları ilə həmrəylik ifadə edən Fələstin və İran bayraqları görünüb.
Etiraz aksiyalarıın “CAVAB” Koalisiyası və Sosializm və Azadlıq Partiyası kimi müharibə əleyhinə təşkilatlar koordinasiya edib. Nyu Yorklu etirazçı Qabriela Silva deyib: "Biz buradayıq, çünki ABŞ xalqı müharibə istəmir. Tramp və Netanyahu bizim rədd etdiyimiz qeyri-qanuni hücuma əl atıblar". San-Fransiskoda etirazçılar Fələstin bayraqları dalğalandıraraq, İrandakı münaqişə ilə Qəzzada davam edən və 55 mindən çox insanın öldüyü müharibə arasında əlaqənin olduğunu vurğulayırlar. San Dieqoda, Vaşinqton və Boston kimi digər şəhərlərdə nümayişçilər “Tramp getməlidir” kimi şüarlar səsləndiriblər. Vaşinqtonda keçirilən mitinqlərdə Vyetnam veteranı Ron Kaymakl Trampın hərəkətlərini “kral olmaq” cəhdi adlandırıb, iranlı mühacir Əli Taroh isə ABŞ-ın zərbələrinin İranda demokratik dəyişikliyə mane olduğunu bildirib.
Surxay Əliyev
