Ukraynaya həlak olmuş daha 1245 hərbçinin meyiti qaytarılıb, bununla da Rusiya Federasiyası ilə İstanbul razılaşmasının repatriasiya hissəsi tamamlanıb. Belə ki, yuxarıda qeyd olunan razılaşma çərçivəsində Ukrayna tərəfi 6057 cəsəd qəbul edib.
Hərbi Əsirlərlə Davranış üzrə Koordinasiya Qərargahının “Telegram” kanalında bildirilir ki, ölənlərin şəxsiyyətinin müəyyən edilməsi üçün ekspertizalar Daxili İşlər Nazirliyinin hüquq-mühafizə orqanları və ekspertiza müəssisələri tərəfindən aparılacaq.
Repatriasiya Hərbi Əsirlərlə Davranış üzrə Koordinasiya Qərargahı, SBU, Ukrayna Silahlı Qüvvələri, Daxili İşlər Nazirliyi, İnsan Hüquqları üzrə Müvəkkilin aparatı, Xüsusi Vəziyyətlərdə İtkin Düşmüş Şəxslərin İşləri üzrə müvəkkilin katibliyi, Fövqəladə Hallar üzrə Dövlət Xidmətinin və digər strukturların əməkdaşlığı sayəsində həyata keçirilib.
Koordinasiya Qərargahı, həmçinin göstərilən köməyə görə Beynəlxalq Qızıl Xaç Komitəsinə minnətdarlığını bildirib.
Qeyd edək ki, İstanbulda keçirilən danışıqların ikinci raundunda Ukrayna və Rusiya ölənlərin cəsədlərinin “6000-dən 6000-ə qədər” düsturuna əsasən qaytarılması barədə razılığa gəliblər. Repatriasiya tədbirləri iyunun 11 və 13, 14, 15-də baş tutub. Tərəflər, həmçinin yaralıların, ağır xəstələrin və 18-25 yaşlı şəxslərin təsirinə məruz qalan ikinci irimiqyaslı məhbus mübadiləsi barədə razılığa gəliblər. Məhbus mübadiləsi iyunun 9, 10, 12 və 14-də baş tutub. Ötən şənbə günü azad edilənlər arasında 2022-ci ildən əsirlikdə olan hərbçilər, xüsusilə Mariupolun müdafiəçiləri, habelə zabitlər var.
ZÜMRÜD
