Fransada sosial gərginlik artır - taksi sürücüləri də etiraza başladılar
Fransada sosial etirazlar yenidən güclənir. Bu dəfə taksi sürücüləri də etiraz nümayişlərinə başlayıblar. Taksi və avtomobillərini kirayə verən sürücülərin həmkarlar ittifaqları bu gündən başlayaraq Fransada müxtəlif tələblərlə etiraz nümayişi keçirməyə çağırış edib.
Paris, Lion, Nitsa, Montpellier, Bordo və Nant kimi bir neçə böyük şəhərində sərnişin nəqliyyatı sürücüləri, o cümlədən taksi və fərdi kirayəlik avtomobil sürücüləri həmkarlar ittifaqlarının təşəbbüsü ilə etiraz aksiyalarına başlayıblar.
Həmkarlar ittifaqları bildirir ki, sürücülərin sayının həddindən artıq çox olması gəlirlərin azalmasına səbəb olur. Buna görə də onlar yeni sürücülərin fəaliyyətə başlamasına moratorium qoyulmasını və xidmət haqlarının artırılmasını tələb edirlər.
Mətləb Salahov
