Trampın əmri ilə Milli Qvardiya qoşunlarının yeridildiyi Kaliforniyada hadisələr Ağ Evin siyasətindən narazı olanlarla silahlı qarşıdurmaya çevrilə bilər. Tramp üsyanı yatırmaq üçün daxili ərazilərdə federal qoşunların istifadəsinə icazə verən 1807-ci il qanununu işə salmaq qərarı verməsə də, Pentaqon artıq dəniz piyadalarını üsyankar Kaliforniyanın üstünə göndərməyə hazır olduğunu açıqlayıb. Müdafiə naziri Pit Heqsetin sözlərinə görə, onlar Los-Ancelesdən təxminən 100 mil məsafədə yüksək hazırlıq vəziyyətindədirlər. Ştatın qubernatoru Nyusomun Trampa “Kaliforniyaya nəzarəti geri alması” çağırışları cavabsız qalıb. Əksinə Ağ Ev immiqrasiya tədbirlərinə müdaxilə edən hər kəsin, o cümlədən dövlət işçilərinin həbs oluna biləcəyi barədə xəbərdarlıq edib. Qeyri-qanuni immiqrasiya ilə mübarizə aparmaq istəmədiyinə görə Trampın ironiya ilə “Nyuskum” adlandırdığı Kaliforniya qubernatoru Nyusom Ağ Evin miqrasiya axınını məhdudlaşdırmaq planlarının əsas rəqibidir. Seçkidə Trampa uduzduqdan sonra keçmiş vitse-prezident Kamala Harris Los-Ancelesdə məskunlaşıb və oradan Ağ Evi bölgədə vətəndaş sülhünü körükləməyə cəhd etdiyinə görə tənqid edir. Lakin ABŞ prezidentinin nöqteyi-nəzərindən, “Los-Anceles qeyri-qanuni mühacirlər və cinayətkarlar tərəfindən zəbt edilib” və “zorakı, üsyankar kütlələri deportasiya səylərini dayandırmaq üçün federal məmurlara hücum edir”.
Surxay Əliyev
