22/09/2020 22:26
728 x 90

ADU-da “İnsan alverinə qarşı maarifləndirmə işi” mövzusunda seminar-mühazirə keçirildi - FOTO

img

Dekabrın 13-də Azərbaycan Dillər Universitetində DİN-in və Təhsil Nazirliyinin “İnsan alverinə qarşı maarifləndirmə işi” mövzusunda birgə seminar-mühazirə keçirilib. Tədbirdə Nəsimi RPİ-nin əməkdaşları, QHT-lərə Dövlət Dəstəyi Şurasının nümayəndəsi, KİV iştirak edib. Tədbiri giriş   sözü ilə ADU-nun rektorun məsləhətçisi Anar Osmanlı açaraq, insan alveri ilə bağlı qisametrajlı  film nümayiş etdirilib, daha sonra  söz “Polisə Dəstək”  İB-nin sədri Şəmsəddin Əliyevə  verilib.

Şəmsəddin Əliyev  insan alveri, bunun insanların sosial davranışlarına, iradə azadlığına və psixikasına neqativ təsir etməsi, insan alverini doğuran səbəblərin aradan qaldırılması və bu işin nəzarətdə saxlanılması, habelə onun xəbərdarlığı və profilaktikasında vətəndaşların iştirakı barədə iştirakçılara məlumat verib, DİN-in statistik məlumatını diqqətə çatdırıb. Bildirib ki,

statistik məlumatlarına görə 2018-ci il ərzində 144(+2) insan alveri cinayəti müəyyən edilib, 28(+11) nəfərdən ibarət 13(+5) cinayətkar qrup zərərsizləşdirilərək insan alverinin qurbanı olmuş 98(+27) şəxsin cəmiyyətə reinteqrasiyası təmin edilib.

Seminar-mühazirə zamanı insan alverinə qarşı mübarizənin təşkilində mühüm faktor kimi qəbul edilən qurbanların cəmiyyətdə ayrıseçkiliyə məruz qalmasının qarşısını almaq, onların təhlükəsizliyini təmin etmək, bu cinayətlərə görə cəzanın labüdlüyünə nail olmaq, habelə maarifləndirmə xarakterli profilaktik tədbirlərin həyata keçirilməsinin zəruriliyi barədə də məlumat verilib.

Bildirilib ki, insan alveri ilə mübarizədə ictimaiyyətlə əlaqənin gücləndirilməsi və bu cinayətin qarşısını almaqda ictimai dəstəyin təmin edilməsi “Azərbaycan Respublikasının İnsan Alverinə Qarşı Mübarizə üzrə Milli Fəaliyyət Planı”nın tələblərindən irəli gəlir. Vətəndaş cəmiyyətinin missiyası kimi mübarizəyə dəstək verilməsi “İnsan alveri haqqında” 28 iyun 2005-ci il tarixli AR Qanununun tələblərinə ictimai nəzarətin əyani təzahürüdür. Məişət zorakılıqları, erkən nikahlar, əxlaqsız yuvaların saxlanılması və dilənçiliyin formaları insan alverinə şərait yaradan əlamətlərdəndir. Bu mənada, tədbirlərin gənclər arasında keçirilməsi şəxsiyyət, cəmiyyət və dövlət üçün təhlükəli əməllərdən, sağlamlığa ziyan vuran, ictimai mənəviyyatın pozulmasına təsir edə biləcək, hüquqa zidd hərəkətlərdən qorunmaq və bu istiqamətdə olan mübarizə işinə ictimai dəstəyin təmin edilməsinə də geniş imkan yaranır.

Layihənin həyata keçirməsində Respublika Daxili İşlər, Təhsil, Gənclər və İdman nazirliklərinin müvafiq orqanları, həmçinin yerli İH orqanları yaxından iştirak edir. Tədbirin strateji mövqeyi əhali arasında insan alveri cinayətlərinin anlayışını, insanın canlı əşya kimi, köləliyə bənzər üsulla alınıb-satılmasını vətəndaşlara çatdırmaq və onları belə hərəkətlərdən çəkindirmək, bu barədə KİV – lərdə məlumat vermək, əhalini maarifləndirmək, bu cinayətlərə xas hüquqpozmaların qarşısını almaqla bağlıdır.Təlimlərin geniş tələbə auditoriyalarında davam etdirilməsi insan alverinin risq qruplarına aid olanlara yardım etməkdən və vətəndaşları geniş mənada maarifləndirilməsindən irəli gəlir.

Tədbirdə Nəsimi RPİ-nin azyaşlılar üzrə Baş inspektoru Yeganə Zeynalova və “Azərbaycanım” beynəlxalq jurnalının Baş redaktoru Emin Nəsirli çıxış edib. Tədbirin sonunda iştirakçılara “İnsan alverinə qarşı maarifləndirmə işi” adlı kitabça paylanıb.

Baki-xeber.com

Son xəbərlər