Yay fəslində çimərliklərə axın edən insanların sayı artdıqca, təəssüf ki, boğulma hallarının da şahidi oluruq. Son illər müşahidə edilən bir maraqlı və təhlükəli tendensiya var: çimərlikdə boğulmaların əksəriyyəti axşam saatlarında – el arasında “şər vaxtı” deyilən dövrdə baş verir. Bu hadisələrin sadəcə fiziki səbəblərlə izah olunması yetərli deyil. Enerji baxımından bu hadisələrin təhlili vacibdir.
Dənizin aurası və enerji qatları
Dəniz təkcə fiziki bir varlıq deyil, o həm də canlı auraya malik olan, böyük bir enerji topluluğudur. Günəşin şüası ilə qızan və gün ərzində müxtəlif elektromaqnit dalğaları ilə zənginləşən dəniz suyu axşamüstü enerjisini dəyişir. Bu dəyişiklik nəticəsində dənizdəki aura müsbətdən neqativə doğru keçir.
Xalq arasında “şər vaxtı” dedikləri (təqribən saat 16-20 arası) dövr — Günəşin batmağa başladığı, işığın azaldığı, kölgələrin uzandığı vaxtdır. Bu zaman, təkcə dəniz deyil, ümumən təbiətdə enerji boşluğu və dalğalanması baş verir. Şər vaxtı, enerji baxımından "tərəddüdlü keçid zonasıdır".
İnsan bədənindəki neqativ enerji ilə dəniz aurasının toxunması
Çimməyə gələn insanların bir çoxunun bədənində gün ərzində yığılan stres, qorxu, qəzəb, məyusluq və digər neqativ enerjilər toplanır. Bu insanlar dənizə daxil olduqda, dənizin dəyişmiş – neqativ enerjili aurası ilə rezonansa girirlər. Bu rezonans neqativin neqativlə birləşməsidir və çox zaman patoloji enerji partlayışına səbəb olur.
Bu qarşılıqlı enerji zərbəsi bir neçə nəticə doğura bilər: -Sinir sisteminin bloklanması; -Əzələlərin qəfil qıc olması (kramp); -İstiqaməti və tarazlığı itirmə; -Panik atak və nəfəs darlığı. Bütün bunlar suda olan insanın müdafiə reflekslərini zəiflədir və onun batmasına şərait yaradır.
Şər vaxtı enerji tərəddüdləri
Elmi-lədun nöqteyi-nəzərindən şər vaxtı – enerjinin qeyri-sabitləşdiyi saatdır. Günəşin torpaqla olan enerjisi zəifləyir, Ay enerjisi isə hələ tam aktivləşməyib. Bu ikili keçid dövründə: -Aura qatları genişlənir, -Fəza və su ortamlarında neqativ enerji yükləri artır, -İnsan bədəni təbii müdafiəsini müvəqqəti itirir. Bu səbəbdən istər dənizdə, istərsə də çöldə şər vaxtı həddən artıq fiziki aktivlik məsləhət görülmür.
Maarifləndirici tövsiyələr
1. Çimərliklərdə çimmək üçün ən təhlükəsiz zaman səhər və günorta saatlarıdır. 2. Axşamüstü (şər vaxtı) çimərliyə yalnız gəzinti üçün getmək tövsiyə olunur. 3. Gün ərzində çox emosional və gərgin gün keçirmiş şəxslər dənizə yalnız enerji tarazlığını bərpa etdikdən (neqativ enerjidən təmizləndikdən) sonra daxil olmalıdırlar. 4. Efir enerjisi ilə harmoniyaya düşmək üçün əvvəlcə torpaqla – qumla təmasda olmaq, təmkinli nəfəs alma məşqləri etmək məsləhətdir. 5. Aura təmizliyi aparmadan dənizə daxil olmaq tövsiyə edilmir – xüsusilə də axşam saatlarında.
Nəticə: Boğulmaların tək səbəbi fiziki yorğunluq və ya üzmə bacarığının olmaması deyil. Dənizin aura dəyişməsi və insan bədənində yığılan neqativ enerjinin birləşməsi ciddi təhlükələr yaradır. Qeyd edim ki, bədəndə neqativ enerji olduqda insanda qorxu, həyəcan, depressiya, baş, boyun, kürək, belə, qıç, diz ağrıları, uroloji xəstəliklər, ürək-damar xəstəlikləri, poliplər, şişlər, qadınlarda mastopatiya, analıq orqanları xəstəlikləri və s müşahidə olunur. Bu cür ağrı və xəstəliklərin biri və ya bir neçəsi olan insan axşamüstü saatlarında dənizə daxil olarkən öz enerjisini və şüurunu itirə bilər. Bunun qarşısını almaq üçün bədənində neqativ enerji hiss edən insan axşamüstü saatlarında dənizə girməməlidir (bu enerjidən təmizləndikdən sonra dənizə girə bilər)
Paşa Yaqub , Həkim, elmi-lədun bilicisi
