Valideyn himayəsindən məhrum uşaqlar üçün yaradıcı və psixoloji inkişaf layihəsi

Tarix: 18.07.2025 / 15:43
Bölmə: Sosial

Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, "Kimsəsiz Uşaqların Sosial Müdafiəsi" İctimai Birliyi tərəfindən icra edilən "Sənət və duyğu harmoniyasının təbliği" adlı sosial yönümlü layihə uğurla davam edir. Layihənin əsas istiqaməti valideyn himayəsindən məhrum olan uşaqların psixoloji reabilitasiyası və onların yaradıcı potensialının inkişaf etdirilməsidir. Bu məqsədlə Gəncə şəhərində yerləşən Sosial Xidmətlər Agentliyinin 4 saylı Uşaq Evi Sosial Xidmət Müəssisəsində art-terapiya əsaslı rəsm kursları təşkil olunub. Layihə "Duyğulara sənətlə toxunuş" şüarı ilə həyata keçirilir. Bu şüar layihənin əsas fəlsəfəsini özündə ehtiva edir. İncəsənətin şəfalı və güclü təsiri vasitəsilə uşaqların daxili aləminə, hiss və duyğularına müsbət yöndə təsir göstərmək, onların psixoloji travmalarını azaltmaq və emosional tarazlığı bərpa etmək. Layihəyə rəhbərlik edən Lamiyə İsazadə "Kimsəsiz Uşaqların Sosial Müdafiəsi" İctimai Birliyinin sədri olaraq uzun illərdir valideyn himayəsindən məhrum uşaqlarla bağlı mühüm sosial təşəbbüslərin müəllifidir. Onun rəhbərliyi ilə bir sıra sosial layihələr uğurla icra olunmuş, minlərlə uşağın sosial müdafiəsi və psixoloji dəstəklə əhatə olunması təmin edilmişdir. Layihənin psixoloji dəstək hissəsi "Serotonin" Neyro psixoloji Mərkəzinin əməkdaşı, təcrübəli və peşəkar psixoloq Alsu Süleymanova tərəfindən icra olunur. Psixoloq Alsu Süleymanova hər bir uşağın fərdi ehtiyaclarını nəzərə alaraq onların davranış modellərini təhlil edir, rəsmlər üzərindən emosional vəziyyətlərini qiymətləndirir və məqsədyönlü psixoloji müdaxilə üsullarını tətbiq edir. Təsviri incəsənət üzrə dərslərə isə Gəncə Dövlət Universitetinin rəsm müəllimi, peşəkar müəllim Nəzrin Ağayeva rəhbərlik edir. Onun pedaqoji və yaradıcılıq təcrübəsi uşaqlarla aparılan dərslərdə müsbət nəticələr verməkdədir. Rəsm dərslərində uşaqlara həm texniki bacarıqlar aşılanır, həm də özlərini ifadə etmək üçün azad yaradıcılıq mühiti yaradılır. Layihə çərçivəsində təşkil olunan yeddinci dərs "təsviri sənətlə uşaqların psixoloji vəziyyətinin təyini" mövzusuna həsr olunmuşdur. Bu dərsin əsas məqsədi uşaqların sərbəst şəkildə çəkdiyi rəsmlər vasitəsilə onların daxili aləmini, emosional vəziyyətini, qorxularını və duyğularını müəyyən etməkdən ibarət olmuşdur. Təcrübələr göstərir ki, təsviri sənət, xüsusən də rəsm, uşaqlar üçün bir növ qeyri-verbal ünsiyyət vasitəsidir. Bu yolla uşaqlar bəzən sözlə ifadə edə bilmədikləri hisslərini kağıza köçürə bilirlər. Onların çəkdiyi obrazlar, seçdiyi rənglər, kompozisiya quruluşu və digər vizual elementlər psixoloji diaqnostika üçün çox dəyərli məlumatlar təqdim edir. Mütəxəssislərin fikrincə, rəsm çəkmək uşaqların həm sağ, həm də sol beyin yarımkürələrinin koordinasiyalı işləməsinə kömək edir. Bu isə onların diqqət, yaddaş, yaradıcılıq, emosional tarazlıq və özünəinam kimi vacib psixoloji göstəricilərinin formalaşmasına və inkişafına müsbət təsir göstərir. Yeddinci dərs nəticəsində əldə edilən vizual materiallar və psixoloji müşahidələr əsasında hər bir uşaq üçün fərdi yanaşma müəyyən edildi. Növbəti mərhələdə uşaqlarla fərdi psixoloji məşğələlər, qrup terapiyası və bədii fəaliyyətlər daha məqsədyönlü şəkildə davam etdiriləcək. Məqsəd, hər bir uşağın emosional yükünü azaltmaq, psixoloji sabitliyini möhkəmləndirmək və gələcək həyatına sağlam psixoloji baza ilə addımlamasını təmin etməkdir. Bu layihə bir daha sübut edir ki, dövlət və QHT sektorunun əməkdaşlığı çərçivəsində həyata keçirilən sosial təşəbbüslər, cəmiyyətin ən həssas təbəqələrinə, o cümlədən valideyn himayəsindən məhrum uşaqlara real dəstək göstərmək gücünə malikdir. "Sənət və duyğu harmoniyasının təbliği" layihəsi bu baxımdan həm pedaqoji, həm psixoloji, həm də mənəvi baxımdan mühüm ictimai əhəmiyyət daşıyır

DİGƏR XƏBƏRLƏR

Tarix: 06.11.2026 / 14:43

Nazirdən məktəblərlə bağlı MÜHÜM AÇIQLAMA...

Tarix: 06.11.2026 / 13:39

Deputat onkoloji xəstəliklərin də müalicəsinin tibbi sığorta ilə qarşılanmasını təklif etdi...

Tarix: 06.11.2026 / 11:54

Zəfər günü ilə bağlı Bakı, Sumqayıt, Gəncə və Naxçıvanda hərbi yürüşlər olacaq

Tarix: 06.11.2026 / 10:37

Sosial şəbəkələrdə böhtan və təhqirə məruz qalanlar nə etməlidir? – Hakimdən açıqlama...

Tarix: 06.11.2026 / 09:41

Efirin görünməyən qəhrəmanları, xalqın eşidilən və görünən yaddaşı

Tarix: 06.11.2026 / 09:35

Fatmayıda evdə partlayış - 2 nəfər xəsarət aldı

Tarix: 05.11.2026 / 23:15

Azıx mağarası: Erməni saxtakarlıqları və tarixi həqiqətlər

Tarix: 05.11.2026 / 22:41

Vətən eşqi, Sadiq Hüseynov üçün vəslinə yetə bildiyi bir “təlatüm” idi

Tarix: 05.11.2026 / 22:23

Tarixçi - alim və pedaqoq Naibə Əhmədovanın elmi-pedaqoji fəaliyyətinin 60 illik zirvəsi

Tarix: 05.11.2026 / 21:21

Mətbuat Şurasının yeni tərkibdə ilk iclası keçirilib - FOTO

Tarix: 05.11.2026 / 18:56

Azərbaycanlı professorun Türkiyədə rektor seçilməsinə imkan verməzlər... Həm də indi...

Tarix: 05.11.2026 / 18:22

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...