Ali Baş Komandan, cənab Prezident İlham Əliyevin rəhbərliyi altında aparılan "Dəmir Yumruq" siyasəti, rəşadətli ordumuzun çevik igidlərinin qəhrəmanlığı və ümumxalq birliyi nəticəsində 2020-ci ildə aparılan 44 günlük Vətən müharibəsində 30 il işğal altında olan Qarabağ bölgəsi erməni separatçı qüvvələrinin nəzarətindən tam azad edilərək, Azərbaycan Respublikasının ərazi bütövlüyü, suverenliyi tam bərpa edilərək "Zəfər Günü" qeyd edildi.
Bu tarixi hadisədən sonra Ali Baş komandanın Qarabağ bölgələrinə sistematik səfərləri apardığı daxili və xarici siyasət, müzəffər ordumuzun komandan və zabitlərinə göstərdiyi qayğı, şəhidlərin yad edilməsi, onların ailə üzvlərinə daimi qayğı və maddi kömək göstərməsi, Qarabağ qazilərinə diqqət və hörməti, onlara göstərilən tibbi-sosial və reabilitasiya tədbirlərinin yüksək səviyyədə təşkili ilə yanaşı, eyni zamanda, Qarabağın bütün bölgələrində (Ağdam, Cəbrayıl, Füzuli, Zəngilan, Laçın, Kəlbəcər, Şuşa) aparılan irimiqyaslı və çoxşaxəli tikinti-bərpa işləri, "Böyük qayıdış" proqramına dəstək olaraq yerli sakinlərin öz dədə-baba yurduna qayıtmasına yaradılan sosial şərait regionun canlanmasına səbəb oldu. Belə bir şəraitdə ümummilli lider və Heydər Əliyev Fondunun prezidenti Mehriban xanım Əliyevanın apardığı davamlı sosial-iqtisadi lahiyələrə kömək, şəhid ailələrinə, qazilərə, hərbi və mülki əhaliyə dəstək və qayğısı, xalqımız tərəfindən yüksək qiymətləndirilir. Dövlət başçımız və Heydər Əliyev Fondunun prezidenti Mehriban xanım Əliyevanın apardıqları bu siyasətə uyğun olaraq və 28 may müstəqillik günü münasibəti ilə işğaldan azad olunmuş bir cox kənd və şəhərlərimizdə tədbirlər keçirilmişdir.
Hər bir şəxsin dəyəri onun əsl insan olması və həm də vətənə, xalqa xidməti ilə ləyaqəti isə müxtəlif mənəvi dəyərlərə söykənməsi vətənpərvərlik hissi ilə ölçülür. Tarix boyu qəhrəman övladlarımız bunu bütün dünyaya sübut etmişlər. Vətənimizin cəsur oğul və qızları torpağı yurdu üçün çalışıb vuruşub yaşayıb. Gələcək nəsillər onların həyat və döyüş yollarını öyrənməli tanımalı və bilməlidir. Onların şücaəti, igidliyi, vətənpərvərliyi və qorxmazlığı sayəsində bu gün torpaqlarımız əsarətdən azad edilmişdir. Qəhrəmanlıq millətə və xalqa xidmət hər cəbhədə olur. Gəlin xalqını, millətini, yurdunu sevən belə insanların bir neçəsi ilə - Şahverdiyev Yaşar, Musayev Bəxtiyar, Orucov Rafiq və Əliyev Firdovsi ilə də tanış olaq. Bu sadə böyük qəlbli vətən eşqli oğlanların hər biri zəhmətkeş insanlardır. Qeyd edək ki Orucov Rafiq 1-ci Qarabağ döyüşləri iştirakçısıdır.
Bu dörd dostun iştirakı və təşkilatçlığı ilə işğaldan azad olunmuş Azərbaycanımızın dilbər guşəsi Füzuli rayonun Şıxlı kəndində kənd sakinlərinin 24.05.2025-ci il tarixində görüş tədbiri keçirilmişdir.
Toplantını giriş sözü ilə kənd sakini Vətən İbrahimov açmış, dövlət himni səslənmiş, şəhidlərin ruhu 1 dəqiqəlik sükutla yad edilmişdir. Sonra, toplantı Şıxlı kəndinin ziyalıları və el ağsaqqalları professor Nadir Hüseynov, Vaqif Əliyev,Zahid Ağayev, Fəxrəddin Şahverdiyev, Vətən İbrahimov, Süleyman Süleymanov, Behbudov Mükafat, Elman Orucov, Əmrahov Əmrah,çıxış edərək, dövlət başçısı Ali Baş komandan İlham Əliyevin apardığı xarici və daxili siyasətini bəyəndiklərini və dəstəklədiklərini xüsusilə vurğulayaraq, regionda apardığı irimiqyaslı tikinti-bərpa işlərinin yüksək səviyyədə keçirildiyini alqışlamışlar.
Toplantı iştirakçıları erməni işğalçıları tərəfindən dağıdılmış Şıxlı kəndində yenidən məskunlaşmaq və habelə kənd qəbrstanlığının öz hesablarına bərpa edilməsinə icazə verilməsini xahiş etmişlər və edirlər!
