Qan qohumlarının evliliyinə qadağa təklifi gəldi

Tarix: 31.03.2015 / 03:11
Bölmə: Sosial

Nailə Hüseynova: «Qan qohumlarının nikaha girməsi qanunla qadağan olunmalıdır»

Aytəkin Kamranqızı: «Qohumlar arasında evlilik birmənalı şəkildə ətraflı təhlil olunmur»

«Deyirlər əmiqızı ilə əmioğlunun nikahı göydə kəsilib», «A bala, gəl özümüzünkülərdən alaq, ətimizi yesə də, sümüyümüzü atmaz» kimi deyimlərini tez-tez eşidirik. Yüz illərdir bu deyimlərə uyğun ailələr qurulur. Yəni qan qohumları olan əmi, xala, bibi uşaqları evlənirlər, gələcəkdə bu səbəbdən hansı problemlərlə qarşılaşacaqlarını da bəzən düşünmürlər.

Bir çox hallarda isə xəstə övladların dünyaya gəlməsinə səbəb olurlar.

Artıq bəzi ölkələrdə qan qohumlarının nikaha girməsi qadağan olunub. Belə bir qadağanın Azərbaycanda da tətbiq olunması gözlənir.

Sosioloq Aytəkin Kamranqızı bizimlə söhbətində bildirdi ki, qohum evliliyi, xüsusilə ən yaxın qohumlar arasında evlilik birmənalı şəkildə ətraflı təhlil olunmur: «Əgər hansısa xalaoğlu öz xalası qızını sevirsə və arada bir sevgi varsa, bu cür sevgi əsasında qurulan evliliyə cəmiyyət loyal yanaşır. Ümumiyyətlə, Azərbaycan və bəzi Şərq cəmiyyətlərində, o cümlədən Şimali Amerika və Afrikada qohum evliliyi geniş yayılıb. Bir çox hallarda «qızımı kənar adama verməyim» prinsipi ilə evlilik ortalığa qoyulur ki, bu da ənənələrdən və ailə köklərindən irəli gəlir».

Sosioloqun sözlərinə görə, tibbi tərəfdən də bu kimi evliliklər bəzi hallarda yaxşı nəticələnmir: «Tibb işçiləri həyəcan təbili çalırlar ki, qohumla evlənən insanlar öncədən müəyyən testlərdən keçməli və daha sonra evlənmək qərarı verməlidirlər. Onlar bildirirlər ki, yaxın qohumların evlilik münasibətlərindən dünyaya gələn uşaqda müəyyən fiziki və əqli qüsurların olması ehtimalı var. Təbii ki, bu cür hallar kütləvi deyil və bunun dəqiq statistikasını demək də çətindir. Modern cəmiyyətlərdə qohum evliliklərinə münasibət heç də yaxşı deyil. Ənənəvi cəmiyyətlərdə bu kimi evliliklərə münasibət müsbətdir. Modern cəmiyyətlərdə qohum evliliyi, əgər arada sevgi yoxdursa, birmənalı şəkildə qəbul edilmir. ABŞ-ın 24 ştatında ən yaxın qohumların evliliyi rəsmi şəkildə qadağan edilib. Bütün bunlar onu göstərir ki, bu problem aktualdır və müzakirə olunur. Azərbaycan reallığı da dünyada gedən tendensiyadan kənar deyil. Müasirlik və ənənəvilik arasında gedən mübarizə bu məsələdə fərqli baxışları ortalığa qoyur. Ona görə də nikaha daxil olmaqdan öncə tibbi müayinələr məsələsi gündəmə gəlir ki, bu həm qohum evliliyi, həm də qeyri evlilikdə sağlam övladın dünyaya gəlməsini təmin etmək məqsədi daşıyır. Amma hər bir halda sevgi və ənənələrin gücünün qarşısında müqavimət göstərmək çox çətindir. Bu gün dünyada qurulan evliliklərin 20 faizi məhz yaxın qohumların evliliyidir».

Həkim-ginekoloq Nailə İsmayılova qeyd etdi ki, qan qohumu olan nikahlardan dünyaya gələn körpələr bir sıra problemlərlə rastlaşır: «Qohumluq münasibətləri üzərində qurulan ailədə dünyaya gələn körpədə bir çox problemlər, xromosom çatışmazlığı, əzələ boşluğu, əqli çatışmazlıq, taun və nevroloji xəstəliklər aşkarlanır. Bu problemlər arasında nevroloji xəstəliklər daha çox üstünlük təşkil edir. Yaxın genlər birləşəndə bu cür problemlərdən yaxa qurtarmaq qaçılmazdır. Gənclər qohumluq münasibətlərindən daha çox yadlarla ailə həyatı qurmağa üstünlük verməlidir. Hamiləlik dönəmində ana bətnində heç bir problem yaşanmır, körpə dünyaya gəldikdən sonra müəyyən problemlər ortaya çıxır. Bəzən olur ki, qohumlar evlənməzdən öncə tibbi müayinədən keçir və onların ailə qurmasına heç bir problem görünmür. Amma övlad dünyaya gələn zaman o uşaqda qüsur hiss olunur. Bu səbəbdən də düşünürəm ki, qan qohumlarının nikaha girməsi qanunla qadağan olunmalıdır».

DİGƏR XƏBƏRLƏR

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...