Estetik əməliyyat zamanı ölüm faktları yeni qanuna ehtiyac yaradıb

Tarix: 30.03.2015 / 03:59
Bölmə: Sosial

Adil Qeybulla: «Estetik əməliyyat sahəsi ilə bağlı qanunvericiliyə xüsusi maddə əlavə olunmalıdır»

Dilqəm Məhərrəmov: «Plastik əməliyyat sahəsində hüquqi boşluq mövcuddur»

Son zamanlar Barbi gəlinciyinə oxşamaq dəb halı alıb. İnsanlar bir ətək xərc çəkərək əməliyyat olunur və görkəmini tamamilə dəyişir. Həmin insanlar görkəmini dəyişmək üçün estetik əməliyyat olunmaq istəyinə düşürlər. Qeyri-peşəkar plastik cərrahiyyə cəmiyyət üçün təhlükəyə çevrilib.

Aparılan araşdırmalara görə, son 5 ildə Azərbaycanda 30 minə yaxın insan plastik cərrahların qapısını döyüb. İnsanlar televiziyada gördükləri şou-biznes nümayəndələrini, Hollivud aktrisalarını özlərinə ideal seçirlər. Onlara bənzəmək üçün kosmetoloq və cərrahlara müraciət edənlər isə bəzi hallarda mövcud olan gözəlliklərini, hətta həyatlarını itirirlər.

Xatırladaq ki, iki həftə öncə 18 yaşlı tələbə də belə bir əməliyyatın qurbanı oldu. Burnundan plastik əməliyyat olunmaq istəyən Mürsəlova Leyla Namiq qızı əməliyyat zamanı dünyasını dəyişdi. Hazırda əməliyyatın keçirildiyi klinikanın fəaliyyəti müvəqqəti dayandırılıb və faktla bağlı araşdırmalar aparılır. Amma nə araşdırmalar, nə də acı sonu nəzərə almayan yaxınlarının peşmanlığı gənc qızı geri qaytarmayacaq.

Növbəti bədbəxt hadisə gözəlləşmək istəyən Afət Baxışovanın başına gəlib. Belə ki, A.Baxışova botoks əməliyyatına müraciət edib. Adıçəkilən xanım ayağına gel vurdurub. Və hazırda ayağını itirmək təhlükəsi ilə üz-üzə qalıb. Plastik əməliyyat keçirən Afət Baxışova mətbuata açıqlamasında deyib ki, belə getsə, onun ayağı amputasiya olunacaq. Belə ki, qadın ayağından əməliyyat olunub. Əməliyyatdan sonra onun ayağında balaca qızartı olub. Beş ay ərzində isə bu qızartı şişə çevrilib. İndi o, ağrıdan gəzə bilmir. Həkimlər isə qadının ayağında yad cismin olduğunu və onu çıxarmağın mümkün olmadığını deyirlər.

Plastik əməliyyatın qurbanı olan şəxslər az deyil. Estetik əməliyyatdan narazı qalanlar əsasən burnundan əməliyyat etdirənlərdir.

Ekspertlər təklif edir ki, plastik əməliyyatla bağlı xüsusi qanun hazırlansın. Mütəxəssislərin fikrincə, ölkədə plastik cərrahiyyə sahəsində hüquqi boşluq mövcuddur.

Məsələ ilə bağlı fikir bildirən professor, həkim-ekspert Adil Qeybulla «Bakı-Xəbər»ə açıqlamasında qeyd etdi ki, plastik əməliyyat tibb sahəsində tətbiq olunan yeni əməliyyat növüdür: «Plastik əməliyyatın digər əməliyyatlardan fərqli cəhəti odur ki, buna daha çox sağlam insanlar müraciət edir. Xarici ölkələrin təcrübəsinə nəzər salsaq aydın olar ki, orada əməliyyat olunmaq istəyən şəxs öncə psixoloqla məsləhətləşir. Psixoloq həmin xəstənin əməliyyata ehtiyacı olub-olmadığını müəyyən edir. Əgər xəstənin estetik əməliyyata ehtiyacı yoxdursa, o zaman psixoloq xəstəyə əməliyyata lüzum olmadığını anladır. Psixoloqla söhbətdən sonra xəstələr estetik əməliyyat etdirmək fikrindən daşınırlar. Yox, xarici görkəm korreksiya tələb edirsə, o zaman xəstə psixoloji cəhətdən plastik əməliyyata hazırlanır. Belə bir qayda Azərbaycanda da tətbiq olunarsa, ümid edirəm ki, müsbət nəticələr əldə edərik».

A.Qeybullanın sözlərinə görə, son zamanlar qadınların ictimai-siyasi həyatda rolu artıb: «İstər şou-biznes sahəsində və ya dövlət strukturunda çalışan qadınlar xarici görkəmlərində hər hansı bir qüsurun olmasını istəmirlər. Bu səbəbdən qadınlar estetik əməliyyata müraciət edir.

Onu da deyim ki, estetik əməliyyata müraciət edən kişilərin sayı qadınlardan az deyil».

Həmsöhbətimiz qeyd etdi ki, plastik əməliyyat sahəsində hüquqi boşluq mövcuddur. Bu sahədə qanunvericiliyə xüsusi maddə əlavə olunmalıdır.

Plastik cərrah Dilqəm Məhərrəmovun sözlərinə görə, əməliyyatdan sonra ən çox rast gəlinən problemlərdən biri də göz qapağının funksiyasını müəyyən qədər itirməsi, açıq qalması və normal bağlanmamasıdır. Bu zaman göz yaşının göz kənarından axması kimi şikayətlər ola bilir. Çünki göz qapaqlarına müdaxilə olunub və ordakı piylər götürülüb. Buna boş göz sindromu deyilir ki, insanın estetik gözəlləşməsinə yox, əksinə, insanın estetik gözəlliyini müəyyən qədər itirməsinə səbəb ola bilər. D.Məhərrəmov da plastik cərrahiyyə sahəsində hüquqi boşluğun olduğunu düşünür.

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...