Bayram şənliklərinin təşkilatçıları uşaqların marağını təmin edə bilibmi?

Tarix: 30.03.2015 / 03:04
Bölmə: Sosial

Sevinc Nuruqızı: «Bu tədbirlər hazırlanarkən uşaq yazıçılarını dəvət etmirlər»

Nərgiz Allahverdiyeva: «Çox istərdim ki, uşaqlarla bağlı tədbirlər keçirilərkən burada peşəkarların əməyindən istifadə edilsin»

Uşaqların mənəvi tərbiyəsinin formalaşmasında mühüm rol oynayan bir sıra amillər var ki, bu onlar üçün əhəmiyyətlidir. Bilirik ki, nağıllar, cizgi filmləri, müxtəlif əyləncəli-maarifləndirici proqramlar, şənliklər uşaqları formalaşdırır, onları düşündürür, əyləndirir.

Hər bir uşaq bağçada, evdə görüb öyrəndikləri ilə yanaşı, el şənliklərindən də, proqramlardan da müxtəlif məsələləri əxz edir. Bilirik ki, hər il ənənəvi olaraq Bakıda ayrı-ayrı təşkilatlar, teatrlar, qurumlar tərəfindən uşaqlar üçün bayram şənlikləri təşkil edilir. Bu bayram şənliklərinin əhəmiyyəti ondan ibarətdir ki, burada uşaqlar şənlənir, nağıl qəhrəmanlarının iştirakı ilə əylənir, hətta bayram hədiyyəsi də qazanırlar. Onu da deyək ki, uşaqlar bayram şənliklərinə böyük maraq göstərir və sevimli nağıl qəhrəmanlarını, cizgi film personajlarını orada görürlər.

Hər il olduğu kimi, bu il də Novruz bayramı şənliklərini izləyə bildik və bir neçəcinə də qatıldıq.

Uşaqlar üçün Novruz şənliklərinin təşkil edilməsi olduqca müsbət haldır. Milli bayramın uşaqlar arasında təbliği, bayram personajlarının tanıdılması, onların dili ilə bu qudsal günün ifadə edilməsi həqiqətən də maraqlıdır.

İştirak etdiyimiz bayram şənlikləri Bakıda fəaliyyət, göstərən müxtəlif təşkilatlar, prodakşnlar tərəfindən təşkil edilmişdi. Ayrı-ayrı yerlərdə keçirilən tədbirlərin müsbət cəhətləri çoxdur. Novruz bayramı sırf milli bayramdır və burada milli nağıl personajlarının iştirakı daha vacibdir. Ancaq bayram şənliklərində nağıl qəhrəmanlarımızla yanaşı, xarici nağıl personajları-Maşa və ayı, Küpəgirən qarı, Buratino, Çippolino, Çəkməli Pişik və başqa qəhrəmanlar Kosa və Keçəllə yanaşı səhnədə görünürdü.

Uşaq psixoloqu Nərgiz Allahverdiyeva bizimlə söhbətində bildirdi ki, bayram şənliklərinin təşkilatçılığında kifayət qədər qüsurlar var. Onun sözlərinə görə, bu şənliklərin əksəriyyəti uşaq psixikasına yad təsirlər göstərir: «Novruz şənliklərinin ölkə miqyasında keçirilməsi təqdirəlayiqdir. Bu bizim milli bayramımızdır və onun təntənə ilə qeyd edilməsi vacibdir. Mən bir neçə şənlikdə oldum və onlardan xoşuma gələn də oldu, gəlməyən də. Yaxşı təşkil edilən tədbirlər də vardı ki, burada uşaqlar tam özünü ifadə edə bilirdi. Amma təəssüflər olsun ki, pul qazanmaq, gəlir əldə etmək məqsədilə tədbirlər təşkil edənlər də vardı. Elə tədbirlər oldu ki, uşaqlar düz-əməlli əylənə bilmədi. Çünki təşkilatçılıq zəif idi. Birincisi, tədbirlərin ssenarisi həddindən artıq zəif olur. Bilmirsən, bu ssenarini harda yazıblar, kim yazıbğ Bahar bayramı bizim milli bayramdır və səhnədə bizim öz nağıl personajlarımız, baharın rəmzi olan personajlar olmalıdır. Amma bəzi tədbir təşkilatçıları buna qətiyyən fikir vermir və səhnəyə Kosa və Keçəldən, Bahar qızından əvvəl Maşanı, ayını, Buratinonu və başqa qəhrəmanları çıxarır. Miki Maus salamlayır uşaqları, Makvin çıxır uşaqların qarşısına. Bizim başqa xalqlara hörmətimiz böyükdür, amma əvvəlcə özümüzü tanıdıb təbliğ etməliyik. Çox istərdim ki, uşaqlarla bağlı tədbirlər keçirilərkən burada peşəkarların əməyindən istifadə edilsin. Uşaqlarımız öz tarixini öyrənməlidir. Təəssüflənirəm ki, bəzən buna nail ola bilmirik. Amma bununla belə, çox yaxşı, yaddaqalan, sırf ənənələrimizə uyğun bayram şənlikləri də keçirildi. Uşaqların zövq aldığı, sevinib əyləndiyi tədbirlər də olub».

Uşaq yazıçısı Sevinc Nuruqızı «Bakı-Xəbər»ə bildirdi ki, valideynləri narahat edən məsələ bu sahəyə qeyri-peşəkar münasibətdir. Uşaq yazıçısının sözlərinə görə, uşaqlar üçün bayram şənlikləri təşkil edilərkən mütləq peşəkarlara müraciət edilməlidir: «Bu bayram şənliklərinin bəzisindən valideynlərin narazı qalmasının səbəbi bu işlə qeyri-peşəkarların məşğul olmasıdır. Bu tədbiri təşkil edənlər uşaq yazıçılarına müraciət etmirlər ki, onlar mükəmməl ssenarilər yazıb təqdim etsin. Bayram şənliklərinin yaxşı ssenarisi olmalıdır ki, uşaqlar şənlikdən zövq ala bilsin. Novruz şənliklərində səhnəyə əsasən Novruz qəhrəmanları və nağıl personajlarımız çıxarılmalıdır. Bunun əhəmiyyəti böyükdür. Biz o qəhrəmanları müasir uşağı maraqlandıran şəkildə təqdim edə bilərik. Bu günün öz xüsusiyyətləri var. Onu nəzərə almaq mütləqdir».

Sevinc xanım qeyd etdi ki, bu tədbirləri keçirən adamlar qarşısına yalnız pul qazanmaq məqsədini qoymalı deyil, uşaq psixikasına müsbət təsir edən, ona bayramını, milli atributlarını, nağıl qəhrəmanlarını tanıdan tədbir təqdim etməlidir: «Onların məqsədi yalnız pul qazanmaq olmalı deyil. Uşaq yazıçılarının iştirakı ilə olmalıdır bu tədbirlər. Bayram tədbirlərinin ssenarisini uşaq yazıçısı yazmalıdır ki, maraqlı, al-əlvan, rəngarəng olsun proqram. Uşaq nə isə öyrənsin, eyni zamanda da əylənsin. Amma bu tədbirlər hazırlanarkən uşaq yazıçılarını dəvət etmirlər. Yaxşı olar ki, bunu nəzərə alsınlar».

S.Nuruqızının dediyinə görə, başqa xalqların nağıl qəhrəmanlarının bizim uşaqlara tanıdılmasında mənfi heç nə yoxdur, amma əvvəlcə uşaqlara öz nağıl personajlarımız tanıdılmalıdır. O, ümid edir ki, növbəti tədbirlərdə uşaq yazıçılarının da mövqeyi nəzərə alınacaq: «Çünki bunun uşaqlarımıza faydası böyükdür. Bizi hər şeydən əvvəl uşaqlarımız maraqlandırmalıdır».

İradə SARIYEVA

sevinc-nuriqizi

DİGƏR XƏBƏRLƏR

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...