Əkiz, üçəm uşaqlı ailələrə yardım gündəmdə...

Tarix: 19.03.2015 / 01:29
Bölmə: Sosial

Nazir Quliyev: "Əkiz, üçəm uşağı olan ailələrə yardımın edilməsi qanunvericilikdə öz əksini tapmalıdır"

"Tək valideynin üç uşağa qayğı göstərməsi çətindir"
Əvvəllər Azərbaycanda əkiz, xüsusilə üçəm uşaqların doğulması hallarına nadir hallarda təsadüf edilsə də, son illərdə belə uşaqlı ailələrin sayı artıb. Dövlət Statistika Komitəsinin məlumatına görə, Azərbaycanda 2011-ci ildə 1506 əkiz, 33 üçəm, 2012-ci ildə 2176 əkiz, 39 üçəm, 2013-cü ildə 2270 əkiz, 42 üçəm, 2014-cü ildə 3148 əkiz, 60 üçəm doğulub.
Ümumilikdə, yalnız son 4 il ərzində Azərbaycanda 9100 əkiz, 174 üçəm dünyaya gəlib.
Aparılan araşdırmalara görə, əkiz və üçəm uşaqlar ən çox sosial durumu ağır olan ailələrdə göz açır.
Ekspertlər təklif edir ki, əkiz və üçəm uşağı olan ailələrə dövlət tərəfindən müəyyən sosial yardım təyin edilsin.
Məsələ ilə bağlı fikir bildirən uşaq hüquqları üzrə ekspert Nazir Quliyev bizimlə söhbətində qeyd etdi ki, çoxuşaqlı ailələrə yardımın edilməsi qanunvericilikdə öz əksini tapmalıdır: "Çoxuşaqlı ailələrin, xüsusən də əkiz, üçəm dünyaya gələn ailənin dəstəyə ehtiyacı böyükdür. Valideynlərdən biri yoxdursa, yaxud imtina edibsə, bu zaman digər valideynə mütləq köməklik göstərilməlidir. Bununla bağlı normaların qanunvericilikdə öz əksini tapması çox vacibdir. Uşaqların qidalanması, sağlamlığı və s. məsələlərə dövlət qayğısı olmalıdır. Tək valideynin üç uşağa qayğı göstərməsi çətindir. Ailənin maddi-texniki şəraitinin gücləndirilməsi ilə yanaşı, davamlı sosial yardımların göstərilməsinə də ehtiyac var. Uşaqların saxlanması, asudə vaxtının təşkili, sonrakı təhsil məsələlərində dəstəyə ehtiyac var. Ünvanlı sosial yardım ailəni müəyyən krizis dövründən çıxarmaq üçündür, davamlı proses deyil. Bir çox ölkələrdə, ailənin maddi durumundan asılı olaraq, 18 yaşa qədər hər bir uşağa ayda 150-160 avro pul verilir. Uşaq ali məktəbə daxil olursa, bu vəsaiti ikiqat alır. Ünvanlı sosial yardım ümumi ailə üçün ayrılır, uşaqpulu deyil. Bir çox ölkələrdə isə əkiz, üçəm doğulan uşaqlar üçün kifayət qədər yüksək məbləğ ayırırlar ki, müvafiq dövlət orqanları da həmin pulun uşaqların ehtiyaclarına xərclənməsinə nəzarət edir".
Ekspertin sözlərinə görə, təkcə qanunvericilikdə dəyişikliklər etmək yox, mövcud qanunların işlək mexanizmlərini də artırmaq lazımdır: "Bələdiyyə, icra hakimiyyətlərinin müvafiq əsasnamələrində həmin qurumların ailələrə müvafiq dəstək göstərməsi nəzərdə tutulub. Bunun üçün qanunda dəyişiklik edilməsini gözləməyə ehtiyac yoxdur. Həmin qurumlar ailənin problemini həll etmək üçün konkret tədbir görməlidir. Adıçəkilən qurumlar ailə ilə maraqlanıb, fərdi ehtiyaclarını öyrənib fərdi inkişaf planını hazırlamalıdır. Konstitusiyanın 17-ci maddəsində qeyd olunub ki, uşaqların hüquqlarının müdafiəsində dövlətin rolu böyükdür və bu prosesə nəzarət edir. Ona görə də bu uşaqların süni, yaxud təbii mayalanma nəticəsində dünyaya gəlməsini əsas tutaraq fərqli yanaşmaq olmaz. Düzdür, bizdə ailə planlaşdırılması da zəifdir. Bəzən ailə uşaqları saxlamaq imkanı olmasa da, 5-6 uşaq dünyaya gətirir. Amma bir tərəfdən də uşaq dünyaya gəlibsə, onun daha yaxşı şəraitdə saxlanması barədə düşünmək lazımdır. Hansı yolla doğulması vacib deyil. Biz kimisə 3-4 övlad dünyaya gətirdiyinə görə qınamamalıyıq, hər birimiz uşaqların saxlanması prosesinə dəstək olmalıyıq".

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...