Həcc ziyarətinin qiyməti azərbaycanlı zəvvarların narazılığını artırmaqda davam edir

Tarix: 16.03.2015 / 01:47
Bölmə: Sosial

Elşad Miri: "Azərbaycandan həccə getmək üçün çəkilən xərclər hətta Avropa ölkələri, Türkiyə, İran və ABŞ-dan da yüksəkdir"

"Belə qiymətlərin qarşılığında zəvvarlara hansısa xidmət göstərildiyini demək mümkün deyil"

Builki həcc ziyarəti qiymətlərində iki dəfəyə yaxın artım zəvvarlarımız arasında birmənalı qarşılanmayıb. İslamın əsas vacib şərtlərindən hesab edilən həcc ziyarətinin qapıları, belə getsə, bu il imkanı nisbətən zəif olan möminlərin üzünə bağlı qalacaq.
Belə ki, Qafqaz Müsəlmanları İdarəsinin açıqladığı son tarifə əsasən, 2015-ci ilin ziyarət qiymətləri 600-2450 manat arasında dəyər yüksəlişi qazanıb.
Apardığımız araşdırma zamanı müəyyən etdik ki, builki qiymətlər belədir; 5750 manat otellərdə iki nəfərlik otaqlar üçün nəzərdə tutulub. 4700 manat isə 4-6 nəfərlik otaqların qiymətidir. Birincidən fərqli olaraq, ikinci qiymətlər müqabilində nisbətən aşağı xidmətlər göstəriləcək. 5750 manatlıq Həcc menyusunda gündə üç dəfə yemək veriləcək. 4700 AZN-ə isə gündə təxminən iki dəfə yemək veriləcək. Bu tipli bilet almış Həcc ziyarətçilərimiz nisbətən zəif xidmətli otellərdə qalmalı olacaqlar. Həccə getmək istəyən zəvvarlar 5750 və ya 4700 manatı aparıb banka ödəməlidirlər. Bundan sonra onlar bankdan aldıqları qəbzi Qafqaz Müsəlmanları idarəsinin Həcc şöbəsinə təqdim etməlidirlər. Təbii ki, vətəndaşlar qəbzlə yanaşı, bu zaman Həcc şöbəsinə şəxsiyyətini təsdiq edən sənədlərlə də gəlməlidirlər.
Əvvəlki illərə nisbətən qiymətlərin birdən-birə bu qədər qalxması nə ilə bağlıdır və bu bizim zəvvarların büdcəsinə uyğun sayıla bilərmi?
Qafqaz Müsəlmanları İdarəsinə yaxın olan ilahiyyatçılar bunun səbəbini belə izah edir ki, daha Səudiyyə Ərəbistanında ötənilki kimi aşağı səviyyəli otellər yoxdur. Çünki həmin otelləri artıq söküblər. Qiymət artımları da məhz bununla əlaqələndirilir.
Ancaq ilahiyyatçı Elşad Mirinin fikrincə, Azərbaycandan Həccə getmək üçün çəkilən xərclər hətta Avropa ölkələri, Türkiyə, İran və ABŞ-dan da yüksəkdir: "Mən də Həcc ziyarətində olmuşam. Ən bərbad təşkilatçılıq Qafqaz Müsəlmanları İdarəsinindir. Xidmət səviyyəsinin aşağı olmasına baxmayaraq, Azərbaycan əksər Avropa ölkələrindən də bahalı xidmət göstərir. Belə qiymətlərin qarşılığında zəvvarlara hansısa xidmət göstərildiyini demək mümkün deyil.
Məsələn, Avropadan gələn türkləri yerləşdirən təşkilat onlar üçün televiziya ayırmışdı, onları informasiya ilə, gündə üç dəfə yeməklə təmin edirdi, otel şəhərdən kənardadırsa, zəvvarları daşımaq üçün avtobuslar ayırmışdılar. Həmin avtobuslar 24 saat onların xidmətində idi. Onlar üçün səhiyyə xidməti təşkil edilmişdi, otelin özündə pulsuz internet var idi.
Məsələn, Türkiyədə həcc ziyarətini Dəyanət İşləri Bakanlığı həyata keçirir. Bu ziyarətə, kişilərlə yanaşı, qadınlar da gedir. Türkiyə bakanlığı qadın və kişi arasında fərq qoymayaraq aşbaz tuturdu ki, onlara yemək hazırlasın. Amma Azərbaycan tərəfində belə bir xidmət yoxdur. Bəzən zəvvarları Kəbədən çox uzaq bir məkanda yerləşdirirlər. Oradan Kəbəyə gəlib-getmək üçün əlavə nəqliyyat xərci çəkməlisən. Bu zaman ictimai nəqliyyat və taksi sürücüləri zəvvarlardan bir neçə qat artıq pul alır. İki il əvvəl mən ziyarət üçün 3500 manat ödəmişdim. Amma Avropadan gələn zəvvarlar 2500-2800 avro arasında xərc çəkmişdilər. İrandan Həccə getməyin qiyməti 1500-1600 dollar arası olub.
Türkiyədən isə bu qiymətə 2 nəfəri aparmaq olar. Bu baxımdan da qiymətlər olduqca bahadır".

DİGƏR XƏBƏRLƏR

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...