Hadı Rəcəbli müəllim təəssübkeşlərinin qəzəbinə tuş gəldi

Tarix: 13.03.2015 / 02:39
Bölmə: Sosial

Millət vəkili fikirlərinə aydınlıq gətirdi
Firudin Cəlilov: "O özü gedib daş daşıyıb divar hörsün və görsün ki, müəllimlər nələr çəkir"
Vahid Əhmədov: "Müəllimlər öz ixtisaslarına uyğun iş yerlərində çalışa bilər"

Milli Məclisin Sosial siyasət komitəsinin sədri Hadı Rəcəblinin mətbuata müsahibəsində "Müəllimlərə dərsdən kənar fəhləlik təklifi" ümumilikdə geniş müzakirələrə səbəb olub.
Xüsusən də sosial şəbəkələrdə. Deputatın işsizliklə bağlı məsələlərdə müəllimləri nümunə gətirməsi birmənalı qarşılanmayıb.
Qeyd edək ki, millət vəkilinin müsahibəsində aşağıdakı hissə daha çox müzakirələrə səbəb olub: "Əgər bu gün müəllim 150-200 manat maaş alır və dolana bilmirsə, o, işdən sonra da başqa nə iləsə məşğul olmalıdır. Lənkəranın Veravul kəndində Balabəy müəllim adlı bir şəxs var. O, günün birinci yarısı müəllimlik edir, nahardan sonra isə gedib daş hörür, ustalıq edir. Qazandığı pulla da ailəsini saxlayır. O bunu heç də eyib hesab etmir. Bunun nəyi pisdir ki?".
Bütövlükdə, müəllimlərin dərsdən sonra pul qazanmaq üçün fəhləlik etməsinə ekspertlər necə yanaşır? Şagird müəllimin dərsdən sonra fəhləlik etdiyini görəndə bu, istər-istəməz, ona münasibətdə etimadsızlıq yarada bilərmi?
Məsələyə münasibət bildirən sabiq təhsil naziri, təhsil eksperti Firudin Cəlilov buna tənqidi prizmadan yanaşdı: "Hadı Rəcəbli belə bir təklif irəli sürürsə, gedib özü daş daşısın, divar hörsün. Yəni o özü gedib daş daşıyıb divar hörsün və görsün ki, müəllimlər nələr çəkir. Müəllimlərin az maaş almasında Hadı Rəcəblinin böyük rolu var. Çünki o, Milli Məclisin Sosial siyasət komitəsinin sədri kimi belə qanunların qəbul olunmasında aktiv rol oynayır".

İqtisadçı millət vəkili Vahid Əhmədov məsələyə bir qədər fərqli prizmadan yanaşır: "Müəllimlərin, həkimlərin maaşları müəyyən qədər artırılmalıdır. Azərbaycanda orta əməkhaqqı ilə onların maaşları arasında fərq var. Hesab edirəm ki, müəllim və həkimlər yalnız öz ixtisasları ilə məşğul olmalıdır. Onlar bizim balalarımızı yetişdirən insanlardır. Ona görə də başqa işlərdə işləməsini qəbul etmirəm. Həkimlər də sağlamlığımızı qoruyur. Düzdür, işdən sonra əsas iş yerindən əlavə başqa iş yerində də çalışa bilərlər. Məsələn, həkimlər dövlət xəstəxanasından əlavə özəl xəstəxanalarda da çalışır. Müəllimlər də, öz ixtisaslarına uyğun iş yerlərində çalışa bilər".
"Mən müəllim ailəsində böyümüşəm. Dörd qardaşımın xanımları, iki bacım, qızım, oğlanlarımın xanımları, həyat yoldaşım müəllimdir. Özüm də müəlliməm, bu adla fəxr edirəm, dərs deyirəm".
Bunu APA-ya açıqlamasında Azərbaycan Milli Məclisinin Sosial siyasət komitəsinin sədri Hadı Rəcəbli sonuncu müsahibəsində müəllimlərlə bağlı fikirlərinin yaratdığı müzakirələrə cavab olaraq bildirib.
H.Rəcəbli qeyd edib ki, onun müsahibəsi qətiyyən müəllimlərə həsr olunmayıb: "Bəzi media orqanları bilərəkdən mənim dediklərimi kontekstdən çıxararaq, bunu müəllimlərə mənfi mənada yönəltməyə çalışıblar. Müsahibənin yalnız bir cümləsi tanıdığım bir müəllimin ustalığından bəhs edib".
Deputat deyib ki, Azərbaycan Prezidenti bu yaxınlarda müəllimlərin maaşlarının artması ilə bağlı sərəncam imzalayıb: "Bu söhbət gündəmdə buna görə ola bilər. Prezidentimiz müəllimlərin maaşlarının artırılması ilə bağlı mütəmadi sərəncamlar imzalayır. Müəllimlərin də digər sahələrdə çalışanlar kimi sosial rifahının yaxşılaşdırılması həmişə dövlətin gündəmindədir. Mənim müsahibəmin isə fəlsəfəsi odur ki, adamlar qənaətcil olmalı, çox pul qazanmaq üçün daha çox çalışmalıdırlar".
H.Rəcəbli bildirib ki, özü də əmək fəaliyyətinə 15 yaşından fəhlə kimi başlayıb: "Mənim müsahibəm müəllimlərə yönəlmiş deyil. Mən müsahibədə insanların əməkdən utanmalı olmadıqlarını, çalışmağa həvəsli olmalarını qeyd eləmişəm. Müsahibəni kontekstdən çıxarırlar. Həmin adamlara demək istəyirəm ki, təxribata, təhrikçiliyə son qoysunlar".

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...