Nazirliyin "qeysəriyyə komissiyasının" işinə reaksiyalar var

Tarix: 12.03.2015 / 00:46
Bölmə: Sosial

Nailə Hüseynova: "Qeysəriyyə əməliyyatlarının keçirilməsi ilə bağlı vəziyyətin araşdırılması üçün komissiyanın yaradılması təqdirəlayiqdir"

"Qeysəriyyə əməliyyatları ilə bağlı vəziyyəti araşdıran komissiya monitorinqi tək dövlət xəstəxanalarında deyil, özəl klinikalarda da aparmalıdır"

Xəbər verildiyi kimi, Azərbaycan Səhiyyə Nazirliyində qeysəriyyə əməliyyatları ilə bağlı vəziyyətin araşdırılması üçün yeni komissiya yaradılıb. Artıq bu komissiya tərəfindən dövlət tibb müəssisələrində qeysəriyyə kəsiyi əməliyyatının icrası vəziyyətini öyrənmək üçün araşdırmalara başlanıb.
Azərbaycan Səhiyyə Nazirliyinin yaydığı məlumata görə, qanunvericiliyə dəyişiklik edildikdən sonra dövlət tibb müəssisələrində qeysəriyyə kəsiyi əməliyyatı ilə bağlı qanunvericiliyin tələblərinə ciddi əməl olunur və bu məsələyə daha ciddi nəzarət edilir. Bütün əməliyyatlar barədə konsiliumda qərar verilir, anestezioloq əvvəlcədən xəstəyə baxış keçirir, əməliyyat üçün tibbi göstərişlər protokola uyğun aparılır.
Nazirlikdən bildirilib ki, dövlət tibb müəssisələrində əsaslı tibbi göstəriş olmadan qeysəriyyə kəsiyi əməliyyatının aparılması halları çox azdır: "Hazırda bütün dünyada həm döl, həm də ana tərəfindən qeysəriyyə kəsiyi əməliyyatının olunması üçün tibbi göstərişlərin sayı artıb. Bütün dünyada əvvəllər qeysəriyyə əməliyyatı ananın vəziyyəti nəzərə alınmaqla həyata keçirilirdi. Son bir neçə il ərzində uşağın mühafizəsi naminə qeysəriyyə kəsiyi əməliyyatı üçün tibbi göstərişlərin sayı da artıb. İndi əgər dölün vəziyyəti ilə əlaqədar tibbi göstəriş varsa, həmin ananın qeysəriyyə kəsiyi əməliyyatı olunmasına üstünlük verilir. Çünki yarımçıq uşaq doğuş yollarından keçəndə daha böyük travma olur. Ona görə də bu baxımdan qeysəriyyə göstərişləri nisbətən genişlənib. Elə hallar olur ki, hamiləlik tez başa çatmalıdır, çünki uşaq ana bətnində ölə bilər. Uşağın qısa müddətdə sağlam dünyaya gəlməsi üçün ana təcili qeysəriyyə əməliyyatı olunmalıdır. Qeysəriyyə kəsiyi əməliyyatı tezliyinin artması perinatal itkilərin azalmasına gətirir. Lakin qeysəriyyə kəsiyi əməliyyatlarının tezliyi 15%-dən yüksək olduqda, bu, perinatal itkilərin səviyyəsinə təsir göstərmir. Bu gün Azərbaycanda qeysəriyyə kəsiyi əməliyyatlarının tezliyi doğuşayardım müəssisəsinin səviyyəsindən asılı olaraq fərqlənir. III səviyyəli doğuşayardım müəssisələri isə əsasən ciddi mamalıq və ya ekstragenital patologiyası olan hamilələr üçün nəzərdə tutulduğundan, cərrahi doğuşların tezliyi də yüksəkdir. Perinatal mərkəzlərdə doğuşların 50 faizi də əməliyyatla başa çata bilər".
Mərkəzi Kliniki Xəstəxanın ginekoloqu, həkim Nailə Hüseynova bizimlə söhbətində qeyd etdi ki, qeysəriyyə əməliyyatları ilə bağlı vəziyyətin araşdırılması üçün yeni komissiyanın yaradılması təqdirəlayiqdir: "Həkim kimi deyə bilərəm ki, son zamanlar ana olmaq istəyən qadınlar övladını təbii doğuşla deyil, qeysəriyyə əməliyyatı ilə dünyaya gətirməyə üstünlük verir. Bəzən həkimlər də ana olacaq qadının istəyini qəbul edərək onu qeysəriyyə əməliyyatı edir. Həkim xəstəni müayinə etməlidir. Əgər qadının çanağı dar, təzyiqi yüksək və ya cift uşağın boynuna dolanarsa, o zaman qadın əməliyyatla övladını dünyaya gətirməlidir. Qadının səhhətində bu kimi hallar müşahidə olunmazsa, o zaman təbii doğuş vasitəsilə uşaq dünyaya gəlməlidir. Bu məsələ ictimaiyyət tərəfindən geniş müzakirə olunduğu üçün həkimlərin, demək olar ki, əksəriyyəti ana olacaq qadınların övladının təbii doğuş vasitəsilə dünyaya gətirməsinin vacib olduğunu bildirir".
Həmsöhbətimiz onu da əlavə etdi ki, qeysəriyyə əməliyyatları ilə bağlı vəziyyətin araşdırılması üçün yaradılan komissiya monitorinqi tək dövlət xəstəxanalarında deyil, özəl klinikalarda da aparmalıdır: "Özəl xəstəxanalarda qeysəriyyə əməliyyatına daha çox rast gəlinir".

DİGƏR XƏBƏRLƏR

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...