Nikah üçün tibbi arayışın tətbiqi iyundan o yana keçməyəcək

Tarix: 11.03.2015 / 01:09
Bölmə: Sosial

Gülnarə Sultanqızı: "Evlənməzdən öncə tibbi arayışın təqdim olunmasının cəmiyyətə yalnız xeyri olacaq"

Rasif Bağırov: "Cəmiyyətin mənəvi və fiziki sağlığına təminatçı olan mühitin yaradılması önəmlidir"

Azərbaycanda evlənmək istəyənlər iyunun 1-dən tibbi arayışı olmadan nikaha daxil ola bilməyəcək. Milli Məclisin Sosial siyasət komitəsinin sədri Hadı Rəcəblinin mətbuata verdiyi açıqlamaya görə, 3 aydan sonra tibbi arayış təqdim etməyən cütlüklərin nikah bağlaması mümkün olmayacaq.
Hadı Rəcəblinin sözlərinə görə, yeni evlənənlərin tibbi müayinədən keçməsi pulsuz həyata keçiriləcək. Həkimlər qəbul edilmiş bu qərarın vaxtında verildiyini və bunun sayəsində gənclərdə nikahdan qabaq yaranmış bir çox infeksion xəstəliklərin qarşısının alınmasında böyük rol oynayacağını deyir.
Tibb sahəsi üzrə ekspert Rasif Bağırovun sözlərinə görə, bu proses asan deyil: "Məsələn, qan xəstəlikləri əsasən irsi xarakter daşıyır. Hemofiliya, talassemiya kimi xəstəliklər irsidir. Qohumluğundan, milliyyətindən, dinindən asılı olmayaraq, eyni xəstəliyin daşıyıcılarının dünyaya gətirdiyi uşaqların talassemiya xəstəsi olma risqi böyükdür. Gərək valideynlər övladlarına tibbi müayinənin əhəmiyyətini başa salsınlar. Ailə sistemimiz min illərin sınağından çıxmış, öz özəllikləri olan, üzümüzü ağ edən dəyərlərimizdəndir. Ailə qurmamışdan əvvəl sağlamlıq haqda arayışın tələb olunmasından çox səhiyyə sistemimizin, cəmiyyətin mənəvi və fiziki sağlığına təminatçı olan mühitin yaradılması önəmlidir. Arayışlar qadağa yaratmasa və cütlüyün daha sağlam olmasına xidmət edərsə, təqdir edirəm".
Tanınmış ginekoloq, həkim Gülnarə Sultanqızının sözlərinə görə, Ailə Məcəlləsinə edilən dəyişikliyə əsasən, evlənmək istəyənlər tibbi müayinədən keçdiklərini təsdiqləyən arayışı müvafiq quruma təqdim etdikdən 1 ay sonra nikah bağlaya bilər: "Bəzən gənclər utandıqları üçün müayinədən keçmir, ancaq onlar anlamırlar ki, öz ailə həyatının sağlamlığı, uğuru üçün müayinədən keçməsi lazımdır. Üç aydan sonra artıq ailə quran gənclər məcburi tibbi müayinədən keçməli olacaq. Bunun cəmiyyətə xeyri olacaq.
Əgər nikaha qədər cinsi yaxınlıq yaşanıbsa, bu da müxtəlif infeksiyalara, anomaliyalara, nəsil artırmaq üçün problemlərin olmasına səbəb ola bilər. Hər iki tərəf yoxlanarsa və hər ikisinə sağlamlıq barədə arayış verilərsə, bu hal daha təhlükəsiz olar.
Bəzən evləndikdən sonra məlum olur ki, infeksiya var və illərlə ər-arvad fasiləsiz müalicə olunur. Həm maddi, həm psixoloji, həm də fiziki cəhətdən bu, insanlar üçün çətin olur. Və yaxud ailə qurduqdan sonra məlum olur ki, bunların övladı ola bilməz. Bu yoxlamalar çox vacibdir. Nikahdan öncə oğlan və qız chek-up(ümumi və əhatəli sağlamlıq testi) olsa, çox yaxşı olardı. Bu, gələcəkdə yaşana biləcək problemlərin qarşısını alardı".

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...