Yol qəzalarında sutkalıq ölüm statistikası dəhşət saçır

Tarix: 26.12.2014 / 01:23
Bölmə: Sosial

Natiq Ələkbərli: "Piyadalar keçiddən deyil, avtomobil yolundan istifadə etdiyi üçün yol-nəqliyyat hadisəsi baş verir"

Bahar Qafarova: "Yaxşı olardı ki, sürücülük vəsiqəsi almaq istəyən şəxslərin psixoloji durumu da nəzərə alınsın"

Son sutka ərzində Azərbaycan ərazisində baş vermiş yol qəzalarında 6 nəfər dünyasını dəyişib. Gün ərzində ölkə ərazisində ümumilikdə 14 yol-nəqliyyat hadisəsi qeydə alınıb. Nəticədə dünyasını dəyişən 6 nəfərdən başqa, 14 nəfər müxtəlif dərəcəli bədən xəsarətləri alıb.
Ölümlə nəticələnən qəzalardan 3-ü Bakıda, digər 3-ü isə rayonlarda baş verib. Belə ki, Lənkəranda minik avtomobili 20 yaşlı oğlanı vurub öldürüb. Xaçmazda isə "VAZ 2107"-nin "Shacman"a çırpılması minik avtomobilinin sürücüsünün ölümünə səbəb olub. Digər ağır qəza isə İmişlidə qeydə alınıb. Minik avtomobili körpünün üstündə maneəyə çırpılıb və sürücü dünyasını dəyişib.
Son günlər ərzində yol qəzalarının sayının artması və bu hadisələr zamanı xəsarət alanların vəfat etməsi ölkə ictimaiyyətini ciddi şəkildə narahat edir.
Müstəqil Nəqliyyatçılar Birliyinin sədri Natiq Ələkbərlinin sözlərinə görə, ölkədə yol-nəqliyyat hadisələrinin sayının artması təəssüf doğurur: "Aparılan araşdırmalar göstərir ki, bu məsələyə cavabdeh olan qurumlar öz işlərinin öhdəsindən layiqincə gəlmir. Bundan əlavə, piyadaların yolun təyin olunmamış hissəsindən keçməsi də ölkədə ölüm hallarının artmasına gətirib çıxarıb. Bakıda və bölgələrdə yolların yenidən qurulması və yollarda aparılan təmir işləri də qəzaların sayını artıran amillərdəndir".
Müsahibimizin sözlərinə görə, Bakıda keçidlərin azlığı da bu sahədə müəyyən problemlər yaradır: "Paytaxtın elə küçələri və prospektləri var, orada hər gün piyadaların vurulması qeydə alınır. Məsələn, Babək və Nobel prospektlərində, demək olar ki, hər gün piyadaların vurulması ilə nəticələnən hadisələr baş verir. Bu hadisələrin baş verməsinə səbəb isə piyadaların keçiddən deyil, avtomobil yolundan keçməsidir. Məlumdur ki, bu gün Bakıda avtomobillərin sayı sürətlə artır. Bu isə o deməkdir ki, hər gün yollara təcrübəsiz sürücülər çıxır. Bu da, öz növbəsində, bəzən ağır yol qəzalarına gətirib çıxarır. Eyni zamanda, sürücülərin spirtli içkilər qəbul edib rol arxasında oturması da çox vaxtlar ağır yol qəzaları ilə nəticələnir".
Psixoloq Bahar Qafarova isə qeyd etdi ki, avtoqəzaların sayının azalması üçün sürücülük vəsiqələrinin verilməsinə diqqətlə yanaşılmalı və həmçinin əhali arasında psixoloji maarifləndirmə aparılmalıdır: "Bu gün konkret psixiatrik problemi olan insanlar var ki, həm ictimai nəqliyyatı, həm də minik avtomobilini idarə edir. Yaxşı olardı ki, sürücülük vəsiqəsi almaq istəyən şəxslərin psixoloji durumu da nəzərə alınsın. Bu da problemin həllində qabaqlayıcı tədbir kimi dəyərləndirilə bilər. Bu istiqamətdə maarifləndirmə aparılması da çox vacibdir. Avtomobili yüksək sürətlə idarə edən insan bunun nə kimi faciələr yarada biləcəyinin fərqində olmur. O daha çox prosesin özündən həzz alır və baş verə biləcək faciənin fərqində olmur. Ona görə də xüsusən valideynlər övladlarına avtomobil alarkən diqqətli olmalı, qabaqlayıcı tədbirlər görməlidirlər".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...