12/12/2019 17:47
728 x 90

Ermənilər Njdenin heykəlinin sökülməsini Qars müqaviləsinin 100 illiyi ilə bağlamağa çalışır

Mübariz Əhmədoğlu: “Bu tamamilə anormal və həqiqətdən uzaq yanaşmadır”

img

Armavirdə erməni nasistə xatirə lövhəsinin qoyulması, faşist havadarının qəhrəmanlaşdırılması Azərbaycan və Rusiya ictimaiyyətində haqlı narazılığa səbəb olub. Nasist havadarının xatirəsinin əbədiləşdirilməsi Böyük Vətən Müharibəsi zamanı alman faşistlərinə qarşı döyüşlərdə qanını tökmüş insanların xatirəsinin təhqir olunması kimi qəbul edilir.

Prezident İlham Əliyev Aşqabadda MDB Dövlət Başçıları Şurasının iclasında faşistlərin qəhrəman kimi qələmə verilməsini qətiyyətlə pislədi. Ölkə başçısı MDB məkanında faşizmin qəhrəmanlıq kimi qələmə verilməsinə yer olmadığını vurğuladı. Azərbaycan dövlət başçısının bu məsələdə qətiyyətli mövqe ortaya qoyması son nəticədə Rusiyanın Krasnodar diyarının Armavir şəhərində Qaregin Njdenin xatirə lövhəsinin sökülməsi ilə nəticələndi.

Qeyd edək ki, Njdenin xatirə lövhəsi sökülməzdən əvvəl Armavir Şəhər Dumasının deputatı Aleksey Vinoqradov tərəfindən qara boya ilə boyandı.

Bu arada erməni mediası iddia edir ki, guya Njdenin xatirə lövhəsinin sökülməsi Qars müqaviləsinin 100 illiyi ilə bağlıdır. Guya burada məqsəd təkcə heykəlin sökülməsi yox, 1921-ci ildə Moskvada imzalanan Rusiya-Türkiyə müqaviləsinin ləğvinin aktuallaşmasına qarşı çıxmaqdır: “Bu cür hadisələrin 2021-ci il ərəfəsində baş verməsi təsadüfi deyil. Bu, Rusiya-Türkiyənin Ermənistana təzyiq aktıdır”.

Qeyd edək ki, Qars müqaviləsi 1921-ci il mart ayının 16-da Rusiya Sovet Federativ Sosialist Respublikası ilə Türkiyə Böyük Millət Məclisi (1923-cü ildə qurulacaq Türkiyə Cümhuriyyətinin sələfi) arasında bağlanmış Moskva sülh müqaviləsinin tələblərinin yerinə yetirilməsi çərçivəsində həmin il oktyabr ayının 13-də Azərbaycan, Ermənistan və Gürcüstan SSR-nin daxil olduğu Zaqafqaziya Sovet Federativ Sosialist Respublikası ilə Türkiyə arasında imzalanıb. Müqavilə 1922-ci il sentyabr ayının 11-də qüvvəyə minib və bitmə müddəti müəyyənləşdirilməyib. Ermənilər isə müqaviləni ləğv etməyə çalışırlar.

Bütün hallarda, Njdenin xatirə lövhəsinin sökülməsinin guya Qars müqaviləsinin 100 illiyi ilə əlaqədar olması barədə ermənilərin iddiaları nə dərəcədə əsaslıdır?

  • “Bunun Qars müqaviləsi ilə hər hansı bağlılığı yoxdur”

Məsələyə münasibət bildirən Siyasi İnnovasiya və Texnologiyalar Mərkəzinin rəhbəri Mübariz Əhmədoğlunun sözlərinə görə, Njdenin lövhəsinin sökülməsini Qars müqaviləsi ilə əlaqələndirmək tamamilə absurd yanaşmadır: “Bu tamamilə anormal və həqiqətdən uzaq yanaşmadır. İndi də ermənilər Qars müqaviləsi məsələsini ortaya atıblar. Bunlar gör nə qədər xəstə təfəkkürə malikdirlər ki, nəyi nə ilə müqayisə edirlər. Onların yanaşmasına görə, guya bütün dünya günahkardır, bir ermənilər günahkar deyil. Onlar heç vaxt özlərində günah görməzlər. O dərəcədə anormal düşüncəyə malikdirlər. Njdenin lövhəsinin sökülməsi Prezident İlham Əliyevin Aşqabadda ortaya qoyduğu qətiyyətli mövqe ilə daha çox bağlıdır. Ölkə başçısı vaxtında və yerində çox tutarlı mövqe ortaya qoydu. Nəticədə bütün Rusiya ictimaiyyəti hərəkətə gəldi. Ona görə də bunun Qars müqaviləsi ilə hər hansı bağlılığı yoxdur. Njde məsələsi ermənilərin faşist mahiyyətini ortaya qoydu”.

Vidadi ORDAHALLI

Son xəbərlər