12/12/2019 17:26
728 x 90

Ermənilər faşist Njdenin qisasını ruslardan Qriboyedovu təhqir etməklə aldılar

Qasım Hacıyev: “Ermənistan hökuməti Qriboyedovun heykəlinin təhqir edilməsini təşkil etməklə göstərmək istəyir ki, siz Njdedən əl çəkməsəniz, biz də heykəli kökündən çıxarıb ata bilərik”

img

Ermənilərin Qafqaza, xüsusən də Azərbaycan torpaqlarına köçürülməsi planının müəllifi və əsas icraçısı olan rus diplomatı, şair və dramaturqu Aleksandr Qriboyedova qarşı ermənilər nankorluq edirlər.

Halbuki, Qriboyedovun erməniləri bizim ərazilərə köçürərək onlardan azərbaycanlılara qarşı alət kimi istifadə etmək ideyası olmasaydı, çar hökuməti onların Qafqaza köçürülməsi haqqında bəlkə də düşünməzdi. Amma tarixi reallıq budur ki, ermənilərin kütləvi olaraq İran və Türkiyə ərazisindən Azərbaycan torpaqlarına köçürülməsi, onların burada məskunlaşdırılması layihəsinin müəllifi Qriboyedov olub. O Qriboyedov ki, vaxtilə ermənilər ona İrəvanın mərkəzində heykəl ucaldıblar, indi isə bu heykəli təhqir edirlər. Səbəb isə Rusiyanın faşist Njdenin heykəlinin sökülməsi ilə bağlı etdiyi çağırışlar, bəzi Rusiya vilayətlərində Njdeyə aid büstlərin sökülməsi göstərilir. 

Erməni mətbuatının yazdığına görə, İrəvanda dekabrın 2-də axşam saatlarında rus diplomatı, şair və dramaturqu Aleksandr Qriboyedovun abidəsi təhqir olunub. Bu haqda “Vereleg” adlı erməni saytı yazır. Abidəni təhqir edən və onun üzərinə qırmızı boya tökən isə yerli millətçi-fəal Şaqen Arutyunyandır. Arutyunyan özü bu haqda “Facebook”da bildirib. “Rusiya imperiyasının səfiri, şair Qriboyedovun abidəsinə Njdenin xatirə lövhəsinin təhqir olunmasına cavab olaraq qırmızı boya tökdüm” - deyə erməni millətçisi qeyd edib. Məlumatlara görə, o, “Vahid milli təşəbbüslər” partiyasının lideri Şant Arutyunyanın oğludur. “Mən bunu bilərəkdən dekabrın 2-də-Ermənistanın bolşevikləşdirilməsi və Rusiya xarici işlər naziri Sergey Lavrovun Bakıya səfəri günündə etdim” -Ş.Arutyunyan bildirib.

Xatırladaq ki, noyabrın 13-də Rusiyanın Krasnodar vilayətinin Armavir şəhərində yerli deputat Aleksey Vinoqradov faşist Njdeyə erməni kilsəsinin həyətində qoyulmuş xatirə lövhəsini qara boyayıb. Daha sonra yerli sakinlər lövhənin sökülməsi məsələsini qaldırıblar. Noyabrın 30-da lövhənin söküldüyü məlum olub.

Siyasi analitiklər və tarixçilər qeyd edirlər ki, ermənilər faşist cinayətkarı və başkəsəni Qaregin Njdenin qisasını böyük rus şairindən və diplomatından alıblar. Onlar haqlı olaraq vurğulayırlar ki, ermənilər indiki coğrafiyada, xüsusən də Dağlıq Qarabağda yaşadıqlarına görə məhz Qriboyedova və onun təmsil etdiyi Rusiya imperiyasına minnətdar olmaq əvəzinə, nankorluqlarından qalmırlar. Onlar hesab edirlər ki, Qriboyedovun abidəsi də bu minnətdarlığın ifadəsi kimi İrəvanda ucaldılmışdı. İndi isə ermənilər abidəni və Qriboyedovun ruhunu təhqir edirlər. Bu, erməni nankorluğunun bariz nümunəsidir və Rusiyanı düşündürməlidir. Bu da onların fikridir.

  • “Birinci vitse-prezident Mehriban Əliyevanın Rusiyaya rəsmi səfəri zamanı əldə edilən uğurlar, onun ardınca isə Lavrovun Bakı səfəri Ermənistan hakimiyyətinin ciddi narahatlığına səbəb olub”

Azərbaycan Milli Elmlər Akademiyasının Qafqazşünaslıq İnstitutunun ermənişünaslıq şöbəsinin müdiri, professor Qasım Hacıyev “Bakı-Xəbər”ə bildirdi ki, faşist Qaregin Njdenin qisasını böyük rus şairi və diplomatının heykəlindən almaq böyük nankorluqdur. Q.Hacıyevin sözlərinə görə, ermənilərin Qriboyedovun heykəlini bu şəkildə təhqir etməsi yalnız Njdeyə görə deyil, həm də Azərbaycan və Rusiya arasında inkişaf edən səmərəli ikitərəfli əlaqələrlə bağlıdır. Müsahibimizin dediyinə görə, bu gün Rusiyada faşist Njdenin İrəvandakı heykəlinin sökülməsi ilə bağlı başlanan hərəkat, eləcə də Rusiya vilayətlərində onun heykəlinin sökülməsi prosesinin həyata keçirilməsi erməniləri möhkəm qəzəbləndirib. Ermənilərin Qriboyedovun heykəlini təhqir etməsinin kökündə böyük siyasi mənanın gizləndiyini deyən Q.Hacıyev hesab edir ki, erməni şovinstləri bu addımı atmaqla həm də Rusiyanı şantaj etmək məqsədi güdürlər. “Bu gün Ermənistanda vəziyyət nəzarətdən çıxıb. Orada nə baş verirsə, hökumət “bizim bu işdən xəbərimiz yoxdur” deyir. Başa düşə bilmirəm, bu necə ölkədir ki, baş verənlərdən hökumətin xəbəri olmur. Njdeyə heykəl qoyulur, indiki hakimiyyət deyir bizim xəbərimiz yoxdur. Tələt Paşanın başını kəsən mənfur terrorçuya heykəl qoyulur, heykəldə Tələt paşa təhqir olunur, hökumət yenə də özünü xəbərsiz kimi aparır. İndi də ermənilərin Qafqaza, xüsusən də Azərbaycan torpaqlarına köçürülməsinin banisi olan Qriboyedovun heykəli təhqir olunur, hökumət yenə də hər hansı bir açıqlama vermir, iş yenə də ictimaiyyət nümayəndələrinin boynunda qalır. Qriboyedov olmasaydı, heç ermənilərin ayaqları bizim torpaqlara dəyməzdi. Ermənilər öz “xaç ata”ları Qriboyedovun heykəlini təhqir etməklə Rusiyanı şantaj etmək istəyirlər. Ermənistan hökuməti Qriboyedovun heykəlinin təhqir edilməsini təşkil etməklə göstərmək istəyir ki, siz Njdedən əl çəkməsəniz, biz də heykəli kökündən çıxarıb ata bilərik, hələlik isə onu təhqir etməklə kifayətləndik. Son zamanlar Rusiya və Azərbaycan arasında əlaqələrin daha da inkişaf etməsi, ölkəmizin Birinci vitse-prezidenti Mehriban Əliyevanın Rusiyaya rəsmi səfəri zamanı əldə edilən uğurları, onun ardınca isə Lavrovun Bakı səfəri Ermənistan hakimiyyətinin ciddi narahatlığına səbəb olub. Rusiya və Azərbaycan arasında yaxınlaşmalar Ermənistanı narahat etməyə bilməz. Faşist Njdenin heykəlinin sökülməsinin vacibliyi ilə bağlı çağırış Azərbaycan Prezidentinə məxsusdur. Bu da erməniləri narahat edir”.

Q.Hacıyev, həmçinin, bildirdi ki, Qriboyedovun ölümü də ermənilərin fitnəsi, hiyləsi və məkri ilə baş verib. Qriboyedovun İranda vəhşicəsinə öldürülməsinin səbəbkarının müsəlmanlar deyil, ermənilər olduğunun tarixi faktlarla sübut edildiyini deyən Q.Hacıyev bildirdi ki, o, ermənilərin əli ilə elə ermənilərə görə öldürülüb: “Ermənilər nankor toplumdur. Qriboyedovun öldürülməsi də ermənilərlə bağlıdır. Onu İranda müsəlmanlar yox, ermənilər öldürüblər. Sonra bunu müsəlmanların üstünə atmaq istəyiblər, amma buna nail ola bilmədilər. İndi də Qriboyedovun heykəlini təhqir ediblər, amma Ermənistanda ermənilərdən başqa millət yaşamadığı üçün, bunu heç bir millətin boynuna qoya bilməyiblər. Ermənilər onlara görə öldürülən Qriboyedova qarşı ən böyük tarixi nankorluqlarını ortaya qoydular”.

İradə SARIYEVA

Son xəbərlər