12/12/2019 09:25
728 x 90

Ermənilərin yeni yuxusu - Adəmin, Həvvanın, Nuhun vətəni Ermənistan…

İsmayıl Tanrıverdi: “Bu xəritə tamamilə saxtadır və erməni yalanlarının təbliğinə həsr olunub”

img

Qondarma tarix yaratmaqda mahir olan ermənilər artıq tarixdə yaşamış peyğəmbərləri də “erməniləşdirməyə” başlayıblar. Ermənilər son illər davamlı olaraq “qədim sənədlərə” istinadən müxtəlif xəritələr çap edir, həmin xəritələri xarici dillərdə ayrı-ayrı ölkələrdə yayırlar. Onlar Rusiya ictimaiyyəti üçün “Armeniya-strana boqov, strana Adama, Yevı, Noya. Armeniya veçna kak sama zemlya” adlanan saxta xəritə çap edərək yayıblar.

Qeyd edək ki, sözügedən saxta xəritə sosial şəbəkələrdə yayılıb.

  • “…kəskin fikirlər yazdıqdan sonra Fransadakı erməni diasporu Lalanın “Facebook” səhifəsini bağlayıb”

BDU-nun Tarix fakültəsinin erməni araşdırmaları elmi-tədqiqat mərkəzinin böyük elmi işçisi İsmayıl Tanrıverdi “Bakı-Xəbər”ə bildirdi ki, ermənilər tərəfindən rus dilində nəşr edilən xəritəni ona Fransadakı erməni diasporunun fəal üzvlərindən Lala Nakobyan göndərib. “Bu saxta xəritənin şəklini mənə L.Nakobyan adlı bir qadın göndərib. O, Fransadakı erməni diasporunun fəal üzvlərindən biridir. Bu xəritəni mənə məqsədli şəkildə göndərib. Deyir ki, baxın, bu bizim əsl tarixi xəritəmizdir. Mən o qadının layiqli cavabını faktlarla verdim. Hətta erməni alimlərinin özlərinin əsərlərindən, fikirlərindən də ona verdiyim cavabda istifadə etdim. O mənə Ermənistanla, ermənilərlə bağlı çox material göndərir. Şübhəsiz, mən onun göndərdiyi saxta sənədlərlə bağlı öz fikrimi kəskin şəkildə bildirirəm və onların saxtakar, qondarma tarix yaradıcısı olduqlarını deyirəm. Həmin qadın məni bununla təxribata çəkmək istəyirdi, lakin buna nail ola bilmədi. Bu xəritə tamamilə saxtadır və erməni yalanlarının təbliğinə həsr olunub. Bu saxta xəritə sosial şəbəkədə yayıldıqdan sonra ermənilər özləri də o xəritəyə həddən artıq mənfi rəylər bildirdilər, onlar yazdıqları şərhlərdə bu xəritəni lağ obyektinə çeviriblər, ona ironiya ilə yanaşırlar. Hətta lağ edirlər ki, niyə Avstriyanı, başqa ölkələri də “qədim Ermənistan ərazisi” kimi xəritəyə salmamısınız. Ermənistanın və xaricdəki erməni diasporunun ermənilərlə bağlı saxta materiallar, xəritələr çap edib yaymasını ciddi şəkildə tənqid edən, bu saxtakarlıqlarla razılaşmayan ermənilər də çoxdur. Onlar qondarma tarixlə barışmırlar. Ermənilər bu saxta xəritədə Adəmin, Həvvanın, Nuhun, digər bu qəbildən olan şəxslərin Ermənistanla bağlı olduqlarını iddia edirlər. Əslində isə tarixi faktlar və həqiqətlər erməni yalanlarının əksini üzə çıxarır”.

İ.Tanrıverdinin sözlərinə görə, bu saxta xəritənin fotosunu ona göndərən L.Nakobyandan son günlər bir xəbər yoxdur. “L.Nakobyanın məni təxribata çəkmək üçün göndərdiyi həmin xəritə sosial şəbəkədə yayıldıqdan və geniş müzakirə edildikdən, ermənilər bu saxta xəritə ilə bağlı kəskin fikirlər yazdıqdan sonra Fransadakı erməni diasporu Lalanın “Facebook” səhifəsini bağlayıb” - deyə bildirən İ.Tanrıverdinin sözlərinə görə, onun özündən isə hər hansı bir xəbər yoxdur. 

İ.Tanrıverdi qeyd etdi ki, zaman-zaman ermənilər belə yalanlar yaymaqla özlərinin qondarma tarixlərini təbliğ etmək, tanıtmaq istəyirlər, amma onlar buna nail olmayacaqlar. Müsahibimiz hesab edir ki, bu gün ermənilər arasında erməni alimlərinin saxtakarlıqlarından bezən, onların yalanlarını ifşa edən kifayət qədər insan var.

İradə SARIYEVA

 

Son xəbərlər