19/10/2019 17:04
728 x 90

İlham Əliyevin dəqiq cavabına obyektiv reaksiya verən erməni saytını paşinyançılar dağıtdı…

img

Daxilində guya demokratiyanın olduğu ilə öyünən Ermənistanda növbəti qanusuzluq yaşanıb. Budəfəki vəhşilik media nümayəndələrinə qarşı törədilib. Erməni KİV-nin verdiyi məlumat görə, Ermənistan Konstitusiya Məhkəməsinin sədri Hrayr Tovmasyanın bacısı - Anjela Tovmasyan sahibi olduğu Hayeli.am ("Güzgü") saytında "Əliyevin Paşinyana gecikmiş, lakin güclü cavabı" başlıqlı məqalə dərc edib.

Bu məqaləyə görə, bir qrup Paşinyan tərəfdarı Anjela Tovmasyanı və onun qardaşını "anti-Qarabağ" mövqeyində ittiham edərək qəzetin redaksiyasına hücum təşkil edib. Onlar “Güzgü” mətbuat klubunun qapılarına yumurta atıb, plakatlar yapışdırıblar və bu media qurumunun bağlanmasını tələb ediblər.

Xatırladaq ki, Soçidə “Valday” Beynəlxalq Diskussiya Klubunun iclasının plenar sessiyasında iştirak edən Azərbaycan Respublikasının Prezidenti İlham Əliyev öz çıxışında erməni Baş nazir N.Paşinyanın bir neçə ay öncə Xankəndidə işlətdiyi "Qarabağ Ermənistandır və nöqtə" şüarına cavab olaraq  "Qarabağ Azərbaycandır və nida işarəsi" deyib.

Ermənistanda mediaya edilən bu hücum faktı nəyin göstəricisi sayıla bilər?

  • Azər Həsrət: “Sevindiricidir ki, Ermənistanın içində İlham Əliyevin çıxışını Paşinyana verilən dərs kimi qiymətləndirən adamlar tapılır, hətta bunu yazırlar da”

Media eksperti Azər Həsrət “Bakı-Xəbər”ə açıqlamasında bildirdi ki, baş verən hadisə barədə məlumatlıdır: “Təbii ki, biz Ermənistanın daxilində baş verən prosesləri də yaxından izləyirik. Baş verən hadisə bizim uzun illərdir hətta beynəlxalq tribunalardan səsləndirdiyimiz fikirlərin doğruluğunu sübut edir. Bir daha əmin oluruq ki, Ermənistanda heç bir demokratiyadan söhbət gedə bilməz. Həmin adla nə varsa, fiksiyadan başqa nəsə deyil. Hakimiyyətdə kimin olmasından asılı olmayaraq, Ermənistanın daxilində azadlıqlardan söhbət gedə bilməz. İstənilən şəxs Ermənistanda hakimiyyətə gələndə çalışır ki, ilk olaraq, öz iradəsini xalq yeritsin. Bu hadisə də o qəbildəndir. İlham Əliyevin “Valday” klubundakı çıxışı həqiqətən bəyənilən idi. Bunu yalnız Ermənistan və Azərbaycanda deyil, dünyanın müxtəlif ölkələrində, xüsusən də keçmiş MDB məkanında yaxından izləyib, ətrafında müzakirələr aparıblar. Hətta deyərdim ki, həmin çıxış ciddi rezonansa da səbəb olub. Məlum çıxış həqiqətən də Paşinyanaın cılız, yarımçıq fikirləri ilə müqayisə oluna bilməz. Ermənistanda az-çox ağlı başında olan adamlar bunu gözəl anlayırlar. Təbii ki, onların arasında bir qədər cəsarəti olan jurnalistlər də var. Onlar da bunu yazırlar. Paşinyan hakimiyyətinin əsl mahiyyəti budur. Üzə çıxır ki, sən demə, onun özündən əvvəlki dövlət başçılarını tənqid etməsi söz yığınından başqa nəsə deyilmiş. O daim deyirdi ki, həmin dövlət başçıları söz azadlığını boğublar. Baxın, görün özü nə edir? Bunu edən keçmişdə jurnalist olmuş şəxsdir. Bir tərəfdən də sevindiricidir ki, Ermənistanın içində İlham Əliyevin çıxışını Paşinyana verilən dərs kimi qiymətləndirən adamlar tapılır, hətta bunu yazırlar da”.

Məhəmmədəli QƏRİBLİ

Son xəbərlər