Qasım Hacıyev: “Ləğv olunmuş, tarixin tozlu arxivində dəfn edilmiş qondarma bir qurumun adından saxta medal verilməsi Paşinyan hökumətini də narahat etməlidir”
Azərbaycanla Ermənistan arasında davam edən sülh prosesinə zərbə vurmaq istiqamətində Ermənistandakı və xaricdəki müəyyən qüvvələr təxribatçı davranış sərgiləyirlər. İsveçrənin bəzi hökumət qurumları, deputatları, təşkilatları yaranmış sülh mühitini zədələmək üçün sanki yarışa giriblər. Fevralın 4-də İrəvanda qondarma rejimin ofisində artıq yox olmuş, tarixin tozlu səhifələrinə gömülmüş qondara rejimin “prezidentinin” vəzifəsini icra edən A.Danielyan İsveçrənin Milli Şuranın deputatları E.Fontobel, E.Altemat və Beynəlxalq Xristian Həmrəyliyi təşkilatının rəhbəri C.Eybneri qəbul edib və görüşdə Qarabağdan könüllü köçüb getmiş ermənilərin “hüquqları”, onların “qayıdış hüququnun tanınması” yolunda aparılan işlər müzakirə edilib. E.Fontobel qondarma rejimin medalı ilə təltif edilib.
Qondarma “Arsax”ın saxta medalının adı çəkilən deputata təqdim edilməsi və onun o medalı qəbul etməsi Ermənistan rəhbərliyin də tərəfdar olduğu sülh gündıliyinə qarşıə böyük təxribatdır.
Tarix elmləri doktoru, professor Qasım Hacıyev baki-xeber.com-a bildirdi ki, İsveçrə də daxil olmaqla bir sıra dövlətlər Azərbaycanla Ermənistan arasında sülh müaviləsinin bağlanmasını istəmirlər, onlar yenidən münaqişənin qızışmasında maraqlıdırlar. Q.Hacıyev hesab edir ki, xristian dövlətləri “erməni məsələsini” öz alətlərinə çevirmək və onlara dövlət qurmaq üçün XVIII, XIX, XX əsrlərdən başlayaraq bu cür yanlış siyasət yürüdürlər. “Bunun üçün həmişə vasitələr axtarıblar, tapıblar və bunlardan istifadə olunub. Heç bir erməni təşkilatı, eləcə də erməni dövləti ermənilərə aid olan torpaqlarda yaradılmayıb. Çünki onların torpağı yoxdur. Bunların hamısı indi olduğu kimi ermənilərin geri qayıtmasına çalışan İsveçrə kimi Avropa dövlətləri tərəfindən təşkil olunub. Qriqoryan dini bayrağı altında birləşən və xristian həmrəyliyini arxasına alan ermənilərdən istifadə etmək üçün hər bir dövlət öz mənafeyinə uyğun şəkildə ermənilərə gün ağlayıblar.
Ermənilər xaraktercə elədir ki, həm mənəvi, həm də milli strukturlarında alət olmağa meyl çoxdur. Avropa qaraçı-dilənçi ermənilərə üz verəndə bilir ki, ermənilər yenə Azərbaycana qarşı ərazi iddiası ilə çıxış edəcək. Yəni bunların öz fikri yoxdur, başqalarının sözü ilə oturub dururlar.
Qarabağ problemi artıq öz həllini tapıb, Azərbaycanla Ermənistan arasında sülh prosesi gedir, normallaşma başlayıb, artıq müəyyən sahələrdə qarşılıqlı addımlar atılır. Eyni zamanda da Azərbaycanla Ermənistan arasında sülh müqaviləsinin paraflanması ABŞ-da baş tutub, Avropa bu mühüm tarixi məsələdə kənarda qalıb. Proseslərdən kənarda qalan Avropa dövlətləri yenidən təxribat toxumu əkmək üçün əllərindən gələni edirlər.
Artıq “Arsax” deyilən bir qurum yoxdur. Amma İsveçrə də daxil olmaqla bəzi dövlətlər bu qurumu varmış kimi göstərib təxribat törətmək istəyirlər. İsveçrəli deputatların İrəvana gəlib belə bir görüş keçirməsi qəbuledilməzdir. Hesab edirəm ki, Ermənistan hökuməti əgər sülh məsələsində səmimidirsə bu təxribatla bağlı sərt mövqe bildirməlidir. Ləğv olunmuş, tarixin tozlu arxivində dəfn edilmiş qondarma bir qurumun adından saxta medal verilməsi Paşinyan hökumətini də narahat etməlidir. Gündə Avropadan bir deputat gəlib “Arsax” deyilən keçmiş qurumu diri göstərməyə cəhd edərsə bu Paşinyanın yürütdüyü siyasətin üstünə kölgə salır.
Qondarma qurum özünü 2024-cü ilin yanvar ayının 1-də tamamilə ləğv edib. Bunlar hansı qurumdan danışırlar? Bunlar ölünü diriltmək istəyirlər. Bir həqiqəti bilməlidirlər ki, ölü heç vaxt dirilməz”.
Q.Hacıyevin sözlərinə görə, Ermənistan hökumətinin üzərinə düşən əsas iş bu cür təxrubatlara yol verməməkdir. Professor Hacıyev vurğuladı ki, artıq bir sıra xarici dövlətlərin diplomatları, eləcə də Ermənistanın baş naziri Nikol Paşinyan ermənilərin Qarabağa qayıdığının mümkün olmadığını bəyan edib. “Bu halda İsveçrənin bu oyunu anlaşılan deyil. Ermənilərin Qarabağa qayıtması məsələsi müzakirə olunmur və bu məsələ artıq qapanıb. Odur ki, Paşinyan hökuməti separatçı tör-töküntülərinə qarşı tədbir görməlidir. Əks halda onlar sülhün baş tutmasına əngəl olmaq üçün daha böyük təxribatlar törədəcəklər. Gələcəkdə sülh müqaviləsi bağlanarsa İsveçrə kimi qarışdırıcı dövlətlərin təkidilə Ermənistandakı müəyyən qüvvələr o sülh müqaviləsinə qarşı da pozuculuq edəcəklər. Bu baxımdan, Paşinyan hökumətinin üzərinə böyük məsuliyyət düşür”-deyə Q.Hacıyev əlavə etdi.
İradə SARIYEVA
