ABŞ-da seçkilərin nəticələri ilə bağlı ilk qeyri-rəsmi nəticələr açıqlanıb. Respublikaçılar Partiyasının namizədi Donald Tramp rəqibi Kamala Harrisi geridə qoyub. Trampın qazandığı nümayəndələrin sayı 270-i keçib, Kamala Harrisin isə 205 nümayəndə qazanıb. Qeyri-rəsmi nəticələrə görə, ABŞ-ın yeni prezidenti Donald Trampdır.
Tramp seçki üçün kritik ştat kimi görünən Pensilvaniya ştatında qalib gəlib və prezidentliyə lazım olan 270 nümayəndə sayını keçdiyi barədə məlumatlar paylaşılıb.
Donald Tramp 270 nümayəndə limitini keçdikdən sonra qələbə nitqini söyləmək üçün səhnəyə çıxıb. Trampı ailəsi və köməkçiləri müşayiət edib. Qələbə nitqinə Amerika xalqına, ailəsinə, dəstəkçilərinə və köməkçilərinə təşəkkür edərək başlayan Tramp "Tarix yazdıq" deyərək çətin, lakin uğurlu bir proses yaşadıqlarını bildirib.
Tramp Amerika xalqına "Mən sizin üçün hər gün döyüşəcəyəm" deyərək dünyaya "Müharibəyə son verəcəyəm" mesajını verib. Sərhədlərin bağlanması lazım gərəkdiyini bildirən Tramp, "İnsanların gəlməsini istəyirik, amma bunu qanuni şəkildə etməlidirlər" deyib.
Respublikaçıların həm Senat, həm də Nümayəndələr Palatasına nəzarət etdiyini bildirən Tramp dyib ki, "ABŞ bizə görünməmiş və çox güclü bir uğur qazandırdı".
NATO-nun baş katibi Mark Rutte qeyri-rəsmi nəticələrə görə 60-cı Ağ Ev yarışında qalib gələn Trampı təbrik edib.
XXX
ABŞ 47-ci prezidentini seçir. Respublikaçıların namizədi Donald Tramp və Demokratlar Partiyasının namizədi Kamala Harris arasında davam edən seçkilərin nəticələri bəlli olmağa başlayıb.
İlkin nəticələr Trampın rəqibi Kamala Harrisi üstələdiyini göstərir. Son məlumatlara görə, Tramp 230, Harris 209 nümayəndə qazanıb
40 ştatda seçki qutuları açılıb və səslərin hesablanması davam edir. "Associated Press" yazır ki, qeyri-rəsmi nəticələrə görə, Tramp Texasdakı yarışı qabaqlayıb. Tramp Texasda 40 nümayəndə qazanıb. Tramp, qeyri-rəsmi ilk nəticələrə görə, Alabama, Arkanzas, Florida, İndiana, Kentukki, Luiziana, Missisipi, Şimali Dakota, Nebraska, Ohayo, Oklahoma, Cənubi Karolina, Cənubi Dakota, Tennessi, Texas, Qərbi Virciniya və Vayominqdə qalib gəlib və 177 nümayəndə azanıb.
Demokrat Partiyasının namizədi Kamala Harris isə Konnektikut, Delaver, İllinoys, Massaçusets, Merilend, Nyu-Cersi, Nyu-York, Rod-Aylend və Vermont ştatlarında 99 nümayəndə ilə qalib gəlib.
"New York Times"ın məlumatına görə, hazırda 296 nümayəndə ilə Donald Trampın qələbə ehtimalı 83 faiz, Kamala Harrisin isə 242 nümayəndə ilə 17 faizdir.
ABŞ prezident seçkilərində seçicilər əsasən dəstəklədikləri partiyanın nümayəndələrinə səs verirlər. "Seçkilər Kollegiyası" adlanan bu sistemdə hər bir ştata müxtəlif sayda paylanan ümumilikdə 538 nümayəndə müəyyən edilir. ABŞ prezidenti seçkilərində namizədlər qalib gəlmək üçün ən azı 270 nümayəndə qazanmalıdır.
TAHİR
