İbrahim Rüstəmli: "… Fransa ayağısürüşkən kimi qeyri-ciddi təsir bağışlayır"
Fransanın boşboğazlığı özünü Ukrayna siyasətində də aydın şəkildə göstərir. Ukraynanı müharibıyə hamıdan çox çağıran Makron bu məqsədlə cəmi 400 milyon avro xərcləyib. Almaniyanın isə 17 milyard avrodan çox xərclədiyi bildirilir. Fransa bəlkə hələ yardım da etməyib, bu yardım üçün sadəcə vəd edib.
Gördüyümüz kimi, Fransa Ukraynaya hərbi yardım göstərməkdə digər bir Avropa ölkəsindən onlarla dəfə geri qalır. Onları müqayisə belə etmək mümkün deyil.
Emmanuel Makron sonuncu dəfə 2022-ci il iyunun 16-da Ukraynaya səfər edib. Kiyevdə o, həmçinin Almaniya kansleri Olaf Şolts və onunla birlikdə gələn İtaliyanın sabiq baş naziri Mario Draqi Vladimir Zelenski ilə görüşüb. Bundan sonra onun 3 dəfə Ukraynaya səfəri planlaşdırılsa da, səfər baş tutmayıb. Böyük ehtimalla, artıq Makron personası Ukrayna üçün arzuolunmaz amilə çevrilib.
Hərbi-siyasi şərhçi, ehtiyatda olan polkovnik-leytenant İbrahim Rüstəmli "Bakı-Xəbər"ə açıqlamasında bildirdi ki, Fransa siyasəti hər zaman ikiüzlü olub: "Onlar Ermənistan kimi öz mövqeyində heç vaxt stabil olmayıb. Bu ölkənin tarixinə nəzər salanda da biz bu ikiüzlülüyün şahidi oluruq. İspaniya Fransa kralını dəmir barmaqlıqlar arasında Madridin küçələrində gəzdirəndə o, Osmanlı imperatoruna müraciət etmişdi ki, onu belə biabırçələqdan qurtarsın. Hətta söz vermişdi ki, bunu etsə, onun xalqı dünya durduqca Osmanlının qulu olmağa hazırdır. Bu gün isə görürük ki, Türkiyənin ən radikal düşmıni məhz Fransadır. Görün nə qədər iyrənc siyasət həyata keçirirlər. Bir tərəfdən Avropanı Rusiyaya qarşı tətikləyir, digər yandan isə Ukraynaya ən az dəstək verən ölkə olur. Bunun da nəticədində Ukrayna xalqı zülm çəkir. Müharibənin doğurduğu acı fəsadlar 100 ilə kimi davam edir. Fransa ənənəvi olan mövqeyini ortaya qoyur. Onun əsas məqsədlərindən biri də Cənubi Qafqazda yerləşməkdir. Dünyada itirdiyi mövqelərini Cənubi Qafqazda bərpa etməyə çalışır. Bu ölkə Əlcəzairdə 1 milyon, Uqandada 800 min, Liviyada 100 minlərlə insanı qanına qəltan edib. İndi həmin yerlərdən onları qovurlar. Yeni məkanlarda qərar tutmaq üçün Rusiyanın zəiflənməsi lazımdır. Bunun üçün də Ukrayna müharibəsini qızışdırırlar. Fakt da budur ki, onlar yalnız populist çıxışları ilə yadda qalırlar. Əməli işə keçdikdə isə boyun qaçırırlar. Siz digər ölkələrin etdiyi yardıma baxın, sonra Fransanınkına. Almaniya daha konkret mövqe ortaya qoyur, ancaq Makron kimi danışmır. Bütün bunlar göstərir ki, Fransa ayağısürüşkən kimi qeyri-ciddi təsir bağışlayır. Bu, yalnız Ukrayna məsələsində özünü göstərmir, digər mövzularda da aydın büruzə verir. Xurşidbanu Natəvanın heykəlinə edilən vəhşilik bunu bir daha göstərdi. Bu cür cılız yanaşma tərzi Fransa üçün xarakterikdir. Nə qədər ki, Makron hakimiyyətdədir, bu davam edəcək. Bir adam ki, arvadından, oğlundan yaşda kiçik ola, beləsindən ciddi nəsə gözləməyə dəyməz".
Məhəmmədəli QƏRİBLİ
