Yadigar Məmmədli: "Cəmiyyətimiz yaxşı bilir ki, belə təşkilatların, layihələrin əsl niyyətləri nədir"
Məlum olduğu kimi, 2023-cü ilin noyabrında "AbzasMedia"nın bir neçə əməkdaşı həbs edilib. Onlar barəsində Cinayət Məcəlləsinin 206.3.2-ci (qaçaqmalçılıq) maddəsi ilə cinayət işi açılıb. Bundan başqa, bu il martın 6-da Toplum TV-nin ofisində hüquq-mühafizə orqanları axtarış aparıb.
III Respublika Platformasının spikeri Akif Qurbanov barəsində cinayət işi başlanılıb. Ona qarşı Cinayət Məcəlləsinin 206.3.2 (qaçaqmalçılıq qabaqcadan əlbir olan bir qrup şəxs tərəfindən törədildikdə) maddəsi ilə cinayət işi açılıb.
Uzun dövr ərsində Qərbin bir sıra institutlarının, USAİD-ın, başqa Avropa fondlarının azad media, azad jurnalistika adı altında müxtəlif ölkələrin, o cümlədən, Azərbaycanın daxiili işlərinə müdaxilə etmək cəhdlərini görmüşük. Müxtəlif media orqanlarını, qeyri-hökumət təşkilatlarını müəyyən cəlbedici ideyalarla işbirliyinə cəlb etmələri və sonda faktiki Azərbaycan dövlətinin, xalqın milli maraqlarının əleyhinə yönəltməklə ölkədə xaos yaratmaq layihələri həyata keçirmələri cəhdləri olub. Ancaq bu layihələri Azərbaycanda iflasa uğradılıb. Onların bu kimi fəaliyyətləri artıq o qədər ifşa edilib ki, Azərbaycan xalqının nəzərində onlar son 15-20 il ərzində bu layihələrinin uğurla həyata keçirilməsi şansları demək olar yoxdu. Çünki ölkə ictimaiyyəti artıq onları yaxşı tanımağa başlayıb.
"Elə detallar ortaya çıxır ki, bunun çox ciddi fəsadları olur"
Məsələ ilə bağlı "Bakı-Xəbər"ə açıqlama verən media eksperti Yadigar Məmmədlinin fikrincə, Azərbaycan müstəqillik qazanandan sonra bir sıra beynəlxalq təşkilatlara qoşuldu: "İnsan haqları, vətəndaş cəmiyyətinin inkişafı, media ilə bağlı beynəlxalq təşkilatlar burada fəaliyyət göstərməyə başladılar. O dövrdə heç kim bu qurumların fəaliyyətini saf-çürük etmirdi. Ancaq uzun zaman keçəndən sonra bəlli oldu ki, bu təşkilatların QHT və media sektorunda həyata keçirdikləri layihələrin həm də özlərinə maraqlı olan hissəsi var. Zaman keçdikcə bu, daha aydın görünməyə başladı. Onların maraqları bizim dövlət və milli maraqlarımızla kəsişməyə başladı. Bundan sonra Soros, USAİD və digər təşkilatlar qarşısında Azərbaycan qanunvericiliyinə uyğun fəaliyyət göstərmələri tələbi qoyuldu. Onlara xatırladıldı ki, ölkə qanunları çərçivəsində fəaliyyət göstərsinlər. Ondan sonra həmin təşkilatların bir çoxu Azərbaycanda işləmədi. Ona görə ki, öz qaranlıq məqsədlərini həyata keçirə bilmirdilər. Ölkənin daxili işinə müdaxilə etmələrinin qarşısı alınırdı. Bizdə artıq elə vəziyyət yaranıb ki, kimin kim olduğu bilinir. Cəmiyyətimiz yaxşı bilir ki, belə təşkilatların, layihələrin əsil niyyətləri nədir. Samanta Pauerin rəhbərlik etdiyi USAİD hansı məzhəbə qulluq edir. İlk baxışdan onların timsalında ölkədə vətəndaş cəmiyyətinin, medianın inkişafına xidmət etmələri görüntüsü yaranır. Əslində isə bu, heç də belə deyil. Elə detallar ortaya çıxır ki, bunun çox ciddi fəsadları olur. Ona görə də qabaqlayıcı addımların atılması doğrudur".
Vidadi ORDAHALLI
