Elşad Həsənov: "Qarabağdan çıxarılan silahlı dəstələrinin böyük əksəriyyəti Fransaya aparıldı və onlara ciddi hərbi təlimlər keçildi"
Fransa və İran Zəngəzurda genişmiqyaslı toqquşmaların baş verməsinə zəmin yaratmaq üçün bölgəyə erməni terror qruplarını, eləcə də PKK terrorçularını gətirir. "Türkiyə" qəzetində Fransa və İranın Ermənistanda Azərbaycana qarşı gizli əməkdaşlığı barədə məqalə dərc olunub.
Məqalədə qeyd olunur ki, Fransa və İranın Ermənistan üzərində geosiyasi maraqları üst-üstə düşdüyündən, hər iki ölkə Zəngəzur dəhlizinin reallaşmasına əngəl yaratmağa çalışır.
"Fransanın maliyyələşdirdiyi minlərlə erməni quldur sərhədə gətirilib. İran və Hindistan da bölgəyə silah göndərir"
Bunu nə dərəcədə əsaslı saymaq olar?
Siyasi şərhçi Elşad Həsənov "Bakı-Xəbər"ə açıqlamasında bildirdi ki, son dövrlər Fransanın apardığı anti-Azərbaycan və anti-Türkiyə siyasəti nəticəsində Cənubi Qafqazda vəziyyət gərginləşməkdədir: "Fransa ilə İranın Ermənistan üzərindəki geosiyasi maraqları üst-üstə düşür. Onların hır ikisi Zəngəzur dəhlizinin açılmasını istəmir. Fransa ilə İranın maraqları digər cəbhələrdə də uzlaşır. İranda İslam inqlabını edən Xomeyni məhz Fransadan İrana gəlib inqilab etdi. Ona görə də İranın Fransa ilə geosiyasi maraqları üst-üstə düşür. Yaxın Şərqdə müharibə alovlanıb gedir, neçə illərdi İran Avropanı, ABŞ-ı təhdid edir, onlar da İranı hədələyir ki, dağıdacağıq. Ancaq heç nə baş vermir. Onlar Cənubi Qafqazı qarışdırmaq istəyir. Onların belə səyləri Cənubi Qafqazda böyük müharibəyə gətirib çıxara bilər. Bu müharibə yalnız Azərbaycana qarşı deyil, həm də Rusiya və Türkiyəyə qarşı olan bir hazırlıqdır. Fransa və Hindistan sürətlə Ermənistanı silahlandırır. Ermənistan revanş götürmək istəyir. Çünki dünya erməniliyi buna nail olmaq istəyir. Onlar öz zərərli ideyaları üçün Ermənistanı belə qurban verməyə hazırdılar. Ermənilər Zəngəzur dəhlizi ilə bağlı cığallıq edəndən sonra biz həmin yola alternativ olaraq İran ərazisini seçdik. Ermənistan buna da narazılıq etdi ki, bəs dəhlizi onların özü mühafizə edə bilər. Rusiya hələ ki, sakit durur. Ermənistan Rusiya bazasını ölkədən çıxarmaq istəyir. KTMT-dən çıxmağın bir addımlığındadır. Fransa və İranın terrorçuları gətirib sərhəddə yerləşdirməsi tam mümkündür. Qarabağdan çıxarılan silahlı dəstələrinin böyük əksəriyyəti Fransaya aparıldı və onlara ciddi hərbi təlimlər keçildi. Onların yenidən Azərbaycanla sərhəddə yerləşdirilməsi tam mümkündür. İranın da buna etiraz bildirməməsi tam anlaşılandır. Hesab edirəm ki, Fransanın apardığı bu yanlış siyasət Ermənistana böyük zərər verəcək. Biz ermənilərin istənilən təxribatına cavab verməyə hazırıq. Necə deyərlər, dəmir yumruq yerindədir".
Məhəmmədəli QƏRİBLİ
