Zatulin erməniləri qızışdırır ki, Azərbaycan vətəndaşlığını qəbul etməsinlər.....
Rusiya Dövlət Dumasının deputatı, Komitə sədri Konstantin Zatulin yenidən təxribat xarakterli bəyanatlar verməyə, Azərbaycan-Rusiya münasibətlərinə kölgə salmağa çalışır. "Bakı-Xəbər" Media Qrupunun rəhbəri, politoloq Aydın Quliyev öz Facebook səhifəsində bu mövzu barədə fikirlərini paylaşıb. A.Quliyev yazır: "Zatulin erməniləri qızışdırır ki, Azərbaycan vətəndaşlığını qəbul etməsinlər....
Rusiyanın həqiqətən Azərbaycan- Ermənistan münasibətlərinin tənzimlənməsinə çalışdığına inanmaq istərdim. Lakin bəzi faktlar qarşıya suallar çıxarır. Məsələn, Prezident Putinin , Lavrovun və digərlərinin Bakı- Yerevan normallaşması barədə çağırışları ilə eyni vaxtda Zatulin kimi Azərbaycanda çox yaxşı tanınan bəzilərinin sülhə qarşı dağıdıcı ictimai fikirləri düşündürücüdür. Onun kimilərin bəyanatları faktiki olaraq xalqların barışığına mane olduğu halda , ona "dur" deyilmir.
Rusiya Dövlət Dumasının deputatı, komitə sədri Zatulin deyir- Azərbaycan Qarabağa qayıtmaq istəyən ermənilərin qarşısına qəbulolunmaz şərtlər qoyur, Azərbaycan vətəndaşlığının qəbul edilməsini tələb edir. Zatulinin fikrincə, bu olmaz, çünki Azərbaycan vətəndaşlığını qəbul edən erməni sabah Azərbaycan ordusuna çağırılacaq , əlinə silah veriləcək və bu halda onlar Yerevandan olan soydaşları ilə vuruşmağa məcbur ediləcəklər....
Zatulin tərəfdən təxribatın böyüklüyünə baxırsız?
Xalqların barışığına, sülhə bundan böyük təxribat olar?!
Əvvala , ermənilərə birbaşa çağırış və təlqin edilir ki, Azərbaycan vətəndaşlığını qəbul etməyin.
İkinci, Hələ sülh sazişi imzalanmamışdan şüurlara yeridir ki, Azərbaycanla Ermənistanın arasında heç vaxt sülh olmayacaq və müharibə vəziyyəti əbədi qalacaq.
Üçüncü, Ermənilər Qarabağa yalnız Azərbaycan vətəndaşlığını qəbul etmək şərtilə gələ bilərlər, Azərbaycan vətəndaşlığını qəbul etdikdən sonra isə bütün vətəndaşlar kimi orduya çağırılacaq, əlində silah Ermənistanla sərhədlərimizi qorumalıdır, bu halda sərhəddə Ermənistan ordusunun qarşısında bir etməni kimi yox,Azərbaycanın hərbçisi kimi dayanmalıdır. Şimali və Cənubi Koreyanın əsgərləri eyni millətdən olsalar da, başqa- başqa ölkələrin vətəndaşlarıdır. İki Koreyalının sərhəddə üz- üzə dayanması olar, iki erməninin sərhəddə üz- üzə dayanması olmaz?! Elə İran - Azərbaycan sərhədlərində türk kökənli azərbaycanlı qardaşlar əks tərəflərdə deyillərmi? Gündə onlarla azərbaycanlı öldürülmür ki...Yetər ki, dövlətlərin arasında sülh olsun, əsgərlər dinc şəkildə öz hərbi borclarını yerinə yetirəcəklər. Zatulinin şüuru elə zəhərlənib ki, sərhədlərdə dayanan əsgərlərin mütləq bir- birinə qarşı vuruşmalı olduqlarını hökm edir. Azərbaycanla Ermənistanın arasında sülh olsa, hansı millətdən olmasından asılı olmayaraq hər iki dövlətin əsgərləri bir- birinə qarşı yox , ikisinin birlikdə mübarizə apara biləcəyi o qədər vahid problem var ki...Məsələn, terrorçuluğa, qanunsuz miqrasiyaya, narkoticarətə, insan alverinə,qanunsuz silah ticarətinə və s. qarşı birlikdə silah çevirə bilməzlər?!...Zatulinin zəhərlənməsinin bir əlaməti də odur ki, Azərbaycan- Ermənistan sərhədlərində tək erməni kökənli əsgərlərin üz- üzə duracağından narahatlıq keçirir. Bəs təriflədiyiniz Ermənistanda ermənidən başqa millətlər yoxdu? Əgər Ermənistan da çoxmillətli ölkədirsə ( buna kimsə inanmır) , sabah Ermənistan ordusuna çağırılacaq rus kökənli əsgərin Azərbaycan ordusuna çağırılmış rus kökənli əsgərlə üz- üzə dayana bilməsi Zatulini niyə narahat etmir?
Dövlətlərin arasında sülh olacaqsa, sərhədlərdə hansı millətdən olan əsgərlərin dayanmasının fərqi olmayacaq.Əgər arada sülh yoxdursa, sərhədlərdə qarşı - qarşıya dayanmış əsgərlər həmişə bir- birinə düşmən kimi baxacaqlar, hətta eyni millətdən olsalar da ....
Ermənilır ya bu reallıqları qəbul edib qayıda bilərlər, ya da Qarabağa qayıda bilməzlər...
Zatulinin bunları anlaması lazımdır. Onu da anlamalıdır ki, belə bəyanatlarla öz prezidenti Putinin dediklərinə zidd gedir.
Bəlkə birlikdə razılaşıblar?..
Bunu deyə bilmirəm...."
Mətləb Salahov
