AŞPA tərəfindən Azərbaycan əlehyinə qərəzli münasibətin sərgilənməsi, bu qurum tərəfindən ölkəmizə qarşı çirkin kampaniyaya start verilməsi ən çox müzakirə olunan məsələdir. Bakı-Xəbər" Media Qrupunun rəhbəri, politoloq Aydın Quliyev öz Facebook səhifəsində bu barədə fikirlərini bölüşüb.
Politoloq yazır: "Avropa- Azərbaycan münasibətləri tarixində heç vaxt olmamış mərhələ yaşanmaqdadır. Bundan sonra mümkündür ki, Azərbaycan Avropanın bəzi başqa strukturlarından, məsələn, Avropa məhkəməsinin yurisdiksiyasından da çıxsın. Mümkündür ki, özünü Azərbaycana müttəfiq sayan hansısa ölkələr Avropa strukturlarından çıxsınlar. Bunlar gələcəyin işidir...
Bütün hallarda Azərbaycan oturub "AŞPA- nın başları olan Fransa və Almaniyanın" onu qurumdan çıxarmaqlarını gözləyə bilməzdi, öz şərəfini qorumaq xatirinə qabağa düşməli idi və düşdü də. Lakin baş vermiş hadisənin məsuliyyəti tamamilə AŞPA rəhbərliyinin üzərindədir.
Əvvəla, AŞPA Azərbaycanla bağlı siyasətinin müəyyənləşdirilməsində bəzi ölkələrin, əsasən Fransa və Almaniyanın təsirlərinə uymağa həmişə üstünlük verib. Azərbaycanla "alman - fransız dillərində danışıb".
2. Dağlıq Qarabağ münaqişəsinin davam etdiyi bütün tarix ərzində onun həllini əngəlləyən ATƏT Minsk Qrupunun Qərbdən olan həmsədrlərindən bircə addım da irəli getmədi.Eyni vaxtda həm Azərbaycanın ərazi bütövlüyünü əldə bayraq etdi, həm də ermənilərin öz müqəddəratını təyin etməsi hüququnu önə çəkdi. Qarabağ separatizmini altdan- altdan ustalıqla həvəsləndirdi.
3. Azərbaycan Vətən müharibəsində bütün oyunları pozanda onlar da Fransa ,Almaniya və digər erməni müttəfiqləri kimi " yerin altından üzə çıxdılar". Laçın yolu ilə bağlı qətnamələrin qəbulu, Qarabağa Qərb missiyalarının gəlişinin dəstəklənməsi, Antiterror tədbirlərinə "Erməniləri Qarabağdan kütləvi qaçırdan hərbi əməliyyat" adı qoyulması ,guya ərazidə etnik təmizlənmənin baş verməsi kimi nağılların uydurulmuş bunun əlamətləri idi.
4. Bütün bunların arxasında öz iştiraklarını ört- basdır etmək üçün Azərbaycanda insan haqları mövzusunu yenidən gündəmə gətirdilər.
Yəqin ki, Azərbaycanın qabaqlayıcı addım ataraq AŞPA- dan özünün çıxmasını gözləmirdilər.Hesab edirdilər ki, Azərbaycan əsasən müdafiə və özünəbəraət mövqeyinə keçəcək,Avropa ilə barışıq yolları axtaracaq, Ermənistanla sülh ritorikasını onların istədiyi tempə salacaq və sair.Nəticədə əsas məqsəd Azərbaycan- Ermənistan sülh prosesini Qərb formatları çərçivəsində ya uzun və nəticəsiz bir prosesə çevirmək, ya da Rusiyanın patronajlığına keçməsin deyə onu tamamilə pozmaq idi...
Təəssüf, Avropa təşkilatları Qafqazda sülh prosesini pozmağa nail oldular.Çünki sülh prosesinin yeganə ardıcıl və təşəbbüskar tərəfi olan Azərbaycana qərəzli və ədalətsiz münasibət göstərdilər, Azərbaycanı Avropa ilə əməkdaşlığı kəsməyə vadar etdilər. Onsuz da Ermənistan sülh prosesində Rusiyanın iştirakını istəmirdi, var gücü ilə bu formatın baş tutmasının qarşısını alırdı. Çalışırdı ki, danışıqlar əsasən Qərbin təşkilatçılığı ilə davam etsin .Azərbaycanla münasibətlərdə qarşılıqlı etimadsızlığı elə bir dərinliyə saldılar ki, Qərbin bayrağı altında Azərbaycan- Ermənistan sülh danışıqları mümkünsüz hala gəldi. Bundan sonra Azərbaycan vasitəçi tərəf kimi Qərbə etimad göstərməyəcək, Moskvanın vasitəçiliyini isə Yerevan onsuz da istəmir....
Belə... Qərbi təbrik etmək olar, sayələrində Azərbaycan- Ermənistan sülh prosesi pozuldu. Həm də elə bir həddə pozuldu ki, prezidentlər bir yana qalsın, hətta XİN başçılarının görüşlərinin nə zaman ,harada baş tutacağı qeyri - müəyyənliyə qərq oldu..."
Mətləb
