Ermənistanda qurduğu laboratoriyada Azərbaycana qarşı genetiq-etnik silahlar hazırlamasına ciddi şübhələr var…
ABŞ-ın Ermənistandakı hərbi bioloji fəaliyyəti ilə bağlı yeni faktlar ortaya çıxıb. Belə ki, Rusiya mətbuatı bununla bağlı ACCU Referans Tibbi Laboratoriyası ilə ABŞ-ın Ermənistandakı hərbi attaşesi polkovnik-leytenant Kevin Stil arasında yazışmaları üzə çıxarıb.
Sənədlərdə dabaq virusunun (SAT-2 serotipi) modifikasiyası ilə bağlı araşdırma aparıldığı, bioloji nümunələrin isə Türkiyə-Ermənistan sərhədindən toplandığı iddia edilib.
Bildirilir ki, 2020-ci ildə Ermənistanın səhiyyə naziri Arayik Arutyunyan USAID ilə Millətin Genetik Sağlamlığı proqramının həyata keçirilməsinə dair müqavilə imzalayıb. Bu proqramın rəsmən irsi xəstəliklərin qarşısının alınması üçün həyata keçirildiyi bildirilsə də, sızan sənədlərdə genetik məlumatların hərbi bioloji tədqiqatlarda istifadə edildiyi göstərilir. Deməli, bu laborator tədqiqatlar hərbi məqsədlər üçun, daha dəqiq ifadə etsək, genetik və etnik silahların sınaqları və hazırlanması üçün istifadə edilib. ABŞ hökumətinin Ermənistanda generik-etnik silahlar hazırlaması Azərbaycan və İrandan başqa heç bir ölkəni hədəfləyə bilməz. İranın hədəfə alınmasına isə, yəqin ki, İrəvan razı olmaz. Həm İrəvanın, həm də Vaşinqtonun hədəf kimi seçilməyə razılaşdığı region ölkəsi yalnız Azərbaycandır.
Genetik və etnik silahlar nədir, onlardan hansı məqsədlər üçün istifadə edilir?
Genetik silahlar və ya etnik silahlar irqi, etnik, cinsi və ya digər genetik olaraq müəyyən edilmiş xüsusiyyətlərə əsaslanan populyasiyaya seçici təsir göstərmək üçün nəzərdə tutulmuş hipotetik bioloji silah növüdür. Bu, genetikanın nailiyyətlərinin hərb sferasına tətbiqindən ibarət vasitələr toplusudur. Son dövrlərə qədər bu sahədə ən perspektivli xətt kimi genetik seleksiya prinsipi aktual idi. İnsanın genetik kodunun (genomun) deşifrəsi, insan embrionlarının klonlaşdırılmasının, canlıların transgen dublikatının yaradıla bilməsinin mümkünlüyü və s. kimi kəşflərlə bu sahədəki bütün digər axtarışlar da arxa plana keçdi və dərhal da kəşfin hərb sferasında tətbiq yerləri araşdırılmağa başlandı.
Ümumi olaraq, bu kəşfin hazırda hərbi sahələrdə tətbiqinin, əsasən aşağıdakı istiqamətləri xüsusi diqqət mərkəzindədir:
Rəqib əhali və əsgərlərinin beyninə yad şüarları, baxışları, ideologiyaları onların genetik kodunun transformasiyası vasitəsilə yeritmək;
Fiziki güc, dözümlülük, regenerasiya və çeviklik parametrlərinə görə adi insanı qat-qat üstələyən süni insanlar (biorobotlar, androidlər, kiberlər, transgen mutantlar və s.) və ya digər tip canlılar yaradıb orduları onlardan təşkil etmək, yaxud hansı formadasa hərbi məqsədlər üçün onlardan istifadə etmək mümkündür:
Təhlükəli profillər (məs., yanğınsöndürmə, minaaxtarma, kamikadzelik və s.) üzrə istifadə etmək üçün infantil (dərrakəsiz) mutantlar (zombilər, manqurtlar...) yetişdirmək;
Beyninin adi insanlar üçün passiv olan qatları oyandırılmış bu cür mutantlar yaratmaqla, bir sıra sub və ekstra-sensor effektlər əldə etmək, o cümlədən, telepatiya, telekinez, teleportasiya və s. kimi qabiliyyətlər əldə edilə bilir. Bunlardansa, müvafiq əməliyyatların (məs., kəşfiyyatın və ya təxribatın) effektini artırmaq məqsədilə istifadə etmək və analoji funksiyaya xidmət edən bir sıra bahalı cihazlara (məs., radarlara, gizli qulaqasma qurğularına...) və ya əməliyyatlara qənaət etmək;
Xüsusi profillər üzrə istifadə etmək üçün intellektlərinin fərqli sferası hiperinkişaf etdirilmiş mutantlar yetişdirmək;
Hiperhissiyyatlı və ya hiperintellektli mutantları fərqli formada komplektləşdirərək, fərqli proqram rejimində düşünə bilən "biokompüterlər" şəbəkəsi yaratmaq ki, kompüterlərin belə həll edə bilmədiyi bir sıra problemləri onların qrup təfəkkürü vasitəsilə həll edə bilmək;
Liderləri təhlükəli məqamda onların dublikatları arasında it-bata salmaq;
Rəqib liderlərin dublikatı vasitəsilə rəqib cəbhəsinə yalançı əmrlər, göstərişlər vermək;
Rəqib cəbhəsində onların liderinin və ya adi adamların dublikatlarını yaymaqla, onların hamısını çaşbaş salmağa, hamının bir-birindən şübhələnməsinə, son olaraq rəqib cəbhəsinin dezoriyentasiya olunaraq, iflic vəziyyətinə düşməsinə nail olmaq və s.məqsədlər qarşıya qoyulur.
ABŞ ilə Ermənistan arasında bu cür hərbi-biiloji fəaliyyətlə bağli əməkdaşlıq mediada çox tez-tez işıqlandırılıb. Bu barədə Azərbaycan mediasi dəfələrlə yazıb. Yuxarıda göstərilən digər istiqamətlərin hamısından Ermənistan 44 günlük müharibədə Azərbaycana qarşı istifadə edə bilərdi. Lakin görünür, bu silahların əldə edilməsinə vaxt çatmayıb.
ABŞ-ın Ermənistandakı hərbi attaşesi Kevin Stil bundan əvvəl Azərbaycanda eyni vəzifəni tutub
Bu məsələ onu göstərir ki, ABŞ hələ Ermənistanla Azərbaycan arasında münaqişənin belə tezliklə bitəcəyini gözləmirmiş. Ona görə də Ermənistanda bu cür laboratoriyalar qurub, Azərbaycana qarşı daha səmərəli hərbi mübarizə metodlərı hazırlayırmış.
Hətta ABŞ-ın USAID təşkilatı Azərbaycan haqqında kəşfiyyat məlumatlarını mənimsəmiş şəxslərdən də istifadə edib. Belə ki, ABŞ-ın Ermənistandakı hərbi attaşesi polkovnik-leytenant Kevin Stil bundan əvvəl Azərbaycanda eyni vəzifəni tutub. Sözsüz ki, Azərbaycanda uzun müddət hərbi diplomat kimi fəaliyyət göstərən Kevin ölkəmiz haqqında daha çox məlumatlara malik olub. Bu laboratoriyalar üçün xalqın adət-ənənələr, milli xüsusiyyətlər, çoxluğun psixologiyası və s. kimi məlumatlar belə kəşfiyyat məlumatları hesab edilir. Hərbi ekspert Üzeyir Cəfərov bizimlə söhbətində vurğuladı ki, çox nadir hallarda hərbi attaşe bir ölkədə olub, daha sonra qonşu ölkəyə təyinat alır. Bu, hərbi diplomatiyanın yazılmamış qanunudur ki, hərbi attaşe növbəti təyinatını ya əvvəlki yerinə, ya da tamamilə yad regiona alır. Kevin Stilin Azərbaycandan sonra Ermənistana təyinat alması da şübhə doğurur ki, USAID-in Ermənistanda qurduğu laboratoriyada aparılan hərbi təyinatlı genetik tədqiqatlar Azərbaycana qarşı yönəldilmiş genetik-etnik silahların hazırlanmasına xidmət edirmiş.
Sızdırılan sənədlərə görə, ABŞ Müdafiə Nazirliyinin nəzarəti altında aparılan araşdırmalarda virusun (FMD, SAT-2 serotipi) modifikasiyası üzərində sınaqlar aparılır. Rəsmi açıqlamalarda bu araşdırmalar "nəzarət" və "patogen izlənməsi" kimi təsvir edilsə də, təfərrüatlar bioloji silahların hazırlanması iddialarını gücləndirir.
Akif NƏSİRLİ
