Erməni ki erməni. Türkiyəli erməni əsilli millət vəkili Karo Paylan xarici işlər naziri Mövlud Çavuşoğluya müraciət ünvanlayıb. Belə ki, erməni deputat Laçın yolu ilə bağlı Çavuşoğluya yazılı sorğu göndərib.
Burada diqqəti çəkən məqam odur ki, müraciətin mətni əsl erməni həyasızlığını ortaya qoyur: “Qarabağı Ermənistanla birləşdirən yeganə nəqliyyat marşrutu olan Laçın dəhlizi bir aydan çoxdur ki, azərbaycanlı ekoloqlar və Azərbaycanın təhlükəsizlik qüvvələri tərəfindən “bağlanıb”. Laçın dəhlizinin “bağlanması” ilə əlaqədar Qarabağda ərzaq və dərman kimi əsas ehtiyaclara çıxış böhranı günü-gündən şiddətlənir. Qarabağdan olan “120 min” erməni təbii qaz və elektrik enerjisinin kəsilməsi səbəbindən sərt qış şəraitində ağır “humanitar böhran”la üzləşib. Qarabağda dərinləşən “humanitar böhran”ın həlli üçün nə edirsiniz? Qarabağı Ermənistanla birləşdirən Laçın dəhlizinin açılması üçün hansı diplomatik təşəbbüslərlə çıxış etmisiniz? Siz başa düşürsünüz ki, Laçın dəhlizinin “blokada”sı regionda sülhün bərqərar olması üçün fürsət pəncərəsini bağlayır? Dünyada baş verən bir çox humanitar böhranların həllində iştirak etməklə fəxr edən Türkiyə Qarabağda “blokada”da yaşayan “120 min” erməninin müdafiəsinə niyə barmağını belə qaldırmır?”.
“Hesab edirəm ki, Paylanın siyasi fəaliyyəti və Türkiyə dövlətçiliyinə yönəlik addımları araşdırılmalıdır”
Məsələyə münasibət bildirən İrəvan Azadlıq Təşkilatının sədri Təbriz Musayevin fikrincə, K.Paylanın bu dərəcədə həyasız mövqedən çıxış etməsi təəccüblü deyil: “Bu, şəxs erməni millətçiliyini özündə ehtiva edir. Paylan kürdyönümlü HDP-nin çətiri altında Türkiyə Böyük Millət Məclisinə yol tapıb. Bu partiyanın da tutduğu siyasi yol hamıya bəllidir. HDP terrorçu təşkilat olan PKK-nın əslində siyasi uzantısıdır. Bu partiya da Türkiyəni bölməyə can atır. Paylan kimi simasızlar da məhz bu cür siyasi qüvvələrin çətiri altında Türkiyənin milli maraqlarına qarşı fəaliyyətlə göstərirlər. Paylan parlamentdə təmsil olunduğu vaxtdan Türkiyənin milli mənafeyinə, dövlət maraqlarına qarşı fəaliyyətlə məşğuldur. Bununla bağlı nə mümkündürsə onu edir. Bunlar o qədər həyasız varlıqdılar ki, istənilən fitnəkarlığa gedirlər. Türkiyənin qədim dövlətçilik tarixi ola-ola, xarici işlər nazirinə siyasət öyrədirlər. Əvvəla, Azərbaycan Qarabağ erməniləri blokadaya almayıb. Bu, məxsusən ermənilərin uydurmasıdır. Məqsəd odur ki, Azərbaycana beynəlxalq mütəvidə güclü təzyiqlər olsun. Bu minvalla erməni separatçıları varlıqlarını legitimləşdirsinlər. O cümlədən, Qarabağda guya 120 erməninin yaşaması barədə deyilənlər ağ yalandır. Hesab edirəm ki, Paylanın siyasi fəaliyyəti və Türkiyə dövlətçiliyinə yönəlik addımları araşdırılmalıdır. O, millət vəkili mandatından məhrum edilməlidir. Belələrinə TBMM kimi mötəbər bir məclisdə yer olmamalıdır. Paylanla bağlı zamanında gərəkən tədbirlər görülsəydi, o belə cəsarət göstərib başından böyük danışmazdı. O üzdən hesab edirəm ki, belə məsələlərə son dərəcə həssas yanaşmaq lazımdır”.
Vidadi ORDAHALLI
