Rusiya xarici işlər naziri Serqey Lavrovun Adolf Hitlerin yəhudi kökləri olduğunu iddia etməsindən sonra İsrail Rusiya səfirini çağıraraq Moskvadan üzr istəməsini tələb edib.
Mayın 1-də İtaliya televiziyası Lavrovla müsahibə zamanı “prezident Vladimir Zelenski yəhudi olduğu halda Rusiya Ukraynanı "denasifikasiya etmək" lazım olduğunu necə iddia bilər” deyə sual edib.
Lavrov isə cavabında Rusiya prezidenti Vladimir Putinin Ukraynanın "denasifikasiyası" məqsədini müdafiə edərək Zelenskinin yəhudi irsinin Putinin mövqeyini sarsıtmadığını deyib:
"Onlar "Əgər biz yəhudiyiksə bu necə nasistləşmədir" sual etdikləri zaman, mənim fikrimcə, Hitler də yəhudi mənşəlidir, ona görə də bu heç nə demək deyil" .
Lavrov iddia edib ki, uzun müddətdir biz müdrik yəhudi xalqının ən böyük antisemitlərin yəhudilərin özləri olduğunu söylədiyini eşidirik.
İsrail Xarici İşlər Nazirliyi Yair Lapid Rusiya səfirinin "bağışlanmayan, qalmaqallı və dəhşətli tarixi səhv" adlandırdığı şərhlərə görə "sərt söhbətə" çağırılacağını bildirib:
"Yəhudilər Holokostda özlərini öldürmədilər" deyən Lapid bildirib ki, "Yəhudilərə qarşı irqçiliyin ən son həddi antisemitizmdə yəhudilərin özlərini günahlandırmaqdır".
Rusiyanın işğalını tənqid etməkdə daha ehtiyatlı davranan baş nazir Naftali Bennett də Lavrovun şərhlərini pisləyib: “Yəhudi xalqının Holokostundan siyasi xal toplamaq vasitəsi kimi istifadəyə dərhal son qoyulmalıdır".
Holokostda öldürülən 6 milyon yəhudinin xatirəsinə ucaldılan Yad Vaşem abidə kompleksinin sədri Dani Dayan Lavrovun sözlərini "həqiqi nasizm qurbanlarına təhqir və ağır zərbə" adlandırıb. İsrailin Kan radiosunda danışan Dayan deyib ki, Lavrov heç bir əsası olmayan antisemitizm konspirasiya nəzəriyyəsi yayır.
Lavrovun səsləndirdiyi ittihamın hansısa tarixi əsası varmı?
Tarix elmləri doktoru, professor Məhərrəm Zülfüqarlı “Bakı-Xəbər”ə açıqlamasında bildirdi ki, Lavrovun məlum fikri tamamilə yanlış və xəstə təxəyyülün məhsuludur: “ Rusiya kimi böyük bir ölkənin baş diplomatının belə səhv buraxması təsadüf sayıla bilməz. Yəqin ki, bu bilərəkdən atılan addımdır. Faşizm ideoloji cəhətdən sağ radikal təmayül sayılır. Kommunistlər isə sol radikal ideologiyanın arxasınca gedirlər. Bunlar bir medalin iki üzüdür və hər ikisi bəşəriyyətə fəlakətlər gətirib. Dünya faşist ideologiyasını əsasən İkinci Dünya müharibəsindən sonra tanıdı. 1930-cu ildə Almaniyada Hitlerin başçılıq etdiyi Nasional Sosialist Partiyası hakimiyyətə gəldi və dünyaya ağalıq konsepsiyasını ortaya qoydu. Onlar deyirdi ki, almanlar ən ali irqə aid olan arilərdi, qalanları isə ikinci dərəcəli millətlərdi. Onlar dünyaya ağalıq etməyi qarşılarına məqsəd qoymuşdular. Bu siyasətin qarşısında yəhudi xalqını gördükləri üçün onlar kütləvi məhv edirdilər. Tarixdəki “Holokost” qırğını da məhz bu ziddiyyətdən meydana gəlib. Ermənilər də uzun illər saxta “soyqırım” iddialarını “Holokost”la eyniləşdirmıyə çalışsalar da, elə yəhudi alimləri bu niyyətdəki saxtakarlığı ifşa etmişdilər. Buna görə də, ermənilərlə yəhudilərin arasında gizli düşmənçilik hökm sürüb. Lavrov da sırf ermənidir. Ona görə də belə qərəzli fikirlər səsləndirir. Rusiya görür ki, Ukraynadakı siyasəti tam iflasa uğrayıb. Onlar Ukraynada özləri faşist ideologiyasını bərqərar etmək istəyirlər. Bir sıra şəhərlərdə kütləvi qırğınlar törədirlər. İndi dünyanın bir çox ölkələrində sağ təmayüllü radikal partiyalar fəaliyyət göstərir. Məsələn, Fransada seçkiyə qatılan Lipenin partiyası bu qəbildəndi. Onlar açıq bəyan edirdi ki, Fransa yalnız fransızlar üçündür. Erməni faşizmindən ən çox zərər çəkən isə bizlərik. Lavrovun indiki fikrinin kökündə erməni xisləti hiss edilir. Hitleri Zelenski ilə eyniləşdirib onları yəhudiliklə əlaqələndirmək Rusiyanın düşdüyü çıxılmaz vəziyyətdən xəbər verir. Bunların hamısı yəhudi xalqına qarşı atılan böhtandır. Bu yalan fikri ilə Lavrov Rusiyanı növbəti dəfə dünyada biabır etdi. Rusiyanın demokratik qüvvələri və ziyalıları Lavrovun cavabını özləri verməlidir”.
Məhəmmədəli QƏRİBLİ
