“Facebook” son bir ayda Azərbaycanın xəbər saytlarının vətənpərvərlik məzmununda olan səhifələrini bloklayıb. Məsələ ilə bağlı Trend-ə açıqlama verən kibertəhlükəsizlik üzrə mütəxəssis Elman Mütəllim bildirib ki, “Facebook” əsasən initihar xəbərlərinə və vətənpərvərlik mövzusu ilə bağlı paylaşım edən səhifələri silib.
O bildirib ki, 2012-ci ildə verilən intihar xəbərinə görə səhifə silinib. Bu da yaxşı hal deyil. Belə hal Türkiyədə də baş vermişdi. Lakin orda məsələ üç gün ərzində öz həllini tapdı və səhifələr bərpa olundu. "Biz bağlanan səhifələrlə bağlı "Facebook"la əlaqə yartsaq da, heç bir nəticə olmadı. Əsasəndə vətənpərvərlik səhifələrinin silinməsi "Facebook" da işləyən düşmənlərimiz tərəfindən məqsədli şəkildə silinə bilər. "Facebook" etdiyimiz müraciətlərə rəsmi cavab vermir. Buna misal olaraq bir neçə vətənpərvərlik səhifələrimizin eyni gündə bağlanmağını göstərmək olar. Xəbər saytlarının səhifələrinə silinməzdən əvvəl bir neçə xəbərdarlıq gəlir. Həmin səhifələri əsasən intihar xəbərlərinə görə bloklayıblar. Ümumiyyətlə bu Azərbaycan səhifələrinə qarşı təxribatdır. Əvvəllər "Facebook"un rəsmi dəstək xəttinə (support) müraciət edəndə 10 gün ərzində bloklanan səhifələr bərpa olunurdu. Hazırda isə "Facebook"un rəsmi partnyor şirkətləri vasitəsiyə müraciətlər olunsa da, onlara da cavab verilmir", - deyə ekspert qeyd edib.
"Facebook" Azərbaycan vətənpərvərlərini niyə hədəfə alıb?
"Facebook"un kütləvi olaraq Azərbaycan istifadəçilərinin vətənpərvərlik səhifələrini kütləvi olaraq silməsinə münasibət bildirən ekspertlərin çoxu hesab edir ki, bu səhifələr bu platformada üstün mövqe tutan ermənilərin və erməni lobbisinə xidmət edənlər vasitəsilə qəsdən bağlanılır. "Facebook"u idarə edənlər arasında anti-Azərbaycan qüvvələrin olduğunu deyən mütəxəssislər hesab edir ki, bu bir çox hallarda “Facebook” rəhbərliyinin göstərişi ilə baş vermir. Amma bütün hallarda" Facebook "un Azərbaycan istifadəçilərini, xüsusən də vətənpərvərliyi, şəhidlərimizi, şəhidlik məktəbimizi təbliğ edən səhifələri hədəfə alması təsadüfi deyil. Bir çox hallarda" Facebook"un Azərbaycan istifadəçilərinə qarşı qərəzli münasibəti ortada olur və platforma səhifələri bərpa etmək istəmir.
“Baş verənlər Mark Zuckerbergin Azərbaycana qarşı olması…”
Siyasi şərhçi və media eksperti Azər Həsrət "Bakı - Xəbər"ə şərhində bildirdi ki, "Facebook"un vətənpərvərlik təbliğatı ilə bağlı olan səhifələri silməsi ilk dəfə deyil, əvvəlki illərdə də tez - tez, yaxud vaxtaşırı belə hallara rast gəlinib. "İlk dəfə deyil ki, "Facebook" Azərbaycan istifadəçilərinə aid olan vətənpərvərlik təbliğatı səhifələrini bağlayır, belə hallar əvvəllər də olub. Əlbəttə ki, “Facebook"un bəhanələri olub ki, biz qaydaları "pozduğumuz" üçün səhifələri silib və sair. Şəxsən mənim şəxsi profilimin, səhifəmin də silinməsinə cəhdlər olub. Yəni bu hadisə mənim də başıma gəlib və mən mübahisə açmışam və sübut etmişəm ki, onların iddiası əsassızdır. Yəni bunu da bacarmaq lazımdır. Bilirsiz, görünən odur ki, "Feysbuk"da da bizi istəməyən qüvvələr oturub bu işləri idarə edir, vətənpərvərlik səhifələrini bağlayırlar. Yaxud da onların hansısa formalarda bu işlərə müdaxilə imkanları var. Ona görə də, istənilən adi bəhanə üzərindən səhifələri silirlər. Yəni baş verənlər Mark Zuckerbergin Azərbaycana qarşı olması kimi anlaşılmamlıdır. Bunu sadəcə olaraq aşağıdakılar həll edir. Nə etmək lazımdır? Biz özümüz bu cür sosial platformalardan istifadə qaydalarını mənimsəməliyik. İkincisi, bütün fəaliyyətimiz o qaydalar çərçivəsində olmalıdır. Üçüncüsü isə əsassız şəkildə bizə qarşı hansısa addım atılanda bunu mübahisələndirməyi bacarmalıyıq. Şəxsən mən bacarıram və ona görə də istər şəxsi profilim, istərsə də səhifəm toxunulmazdır, uzun illərdir fəaliyyətdədirlər, heç bir problem yaşanmır. Təkcə bir neçə dəfə səhifədən videolar silinib, onu da mübahisələndirib bərpa etmişəm".
A.Həsrətin sözlərinə görə, mübahisələndirmək imkanı varsa gözləməli deyilik. O qeyd etdi ki, müşahidələrinə görə, təsadüfi, fəallığı olmayan, milli məsələlərdə heç nə etməyən adamlar tapılır "nöqtə, vergülünüzə ehtiyac var "Facebook" məni blokladı" yazırlar: "Yəni belə işlərlə məşğul olanlar da var. Realda doğrudan da bloklananlar var, amma ümumi götürəndə bəzi adamlar bunu sadəcə fürsətdə çevirmək istəyirlər. Guya "Facebook" bunların "üstün fəaliyyətlərini" gözü götürmədiyi üçün bloklayıb. Belə hallar da olur. Necə olur ki, bizi istər "Facebook-da, istər Tvitterdə, instaqramda Teleqramda və sairdə heç kim bloklamır, heç kimdən nöqrə, vergül istəmirik. İşimiz normal davam edir, amma heç kimin tanımadığı, bilmədiyi, heç bir fəaliyyəti ilə seçilməyən adamlar iki gündən bir çıxıb deyirlər ki, bizi "Facebook" blokladı. Yəni belə hallar da var. Ona görə də, bloklanan səhifələrin hansı səhifələr, necə səhifələr olması, həqiqətən də o işə görə bloklanıbmı kimi sual da vermək lazımdır. Həqiqətən də bəzi adamlardan da, bəzən şübhələnirəm. Niyə? Çünki işi başdan etmək üçün "Facebook" məni bloklayır deyib özünü sosial mediadan uzaq tutur. Təəssüflər olsun ki, aramızda belələri də var. Yəni özü qəsdən müəyyən problem yaradır, o problem üzündən bloklamır, adını da qoyur ki, "Facebook" mənə imkan vermir işləyim və bununla da gedib rahat özü üçün hərəkət edir, dünya da vecinə deyil”- deyə A.Həsrət vurğuladı.
İradə SARIYEVA
