Dolların "rubl kursu" SSRİ-ni dağıtmış "75 psixoloji" həddinə çatır

Tarix: 17.12.2014 / 02:19
Bölmə: Siyasət

Əhəd Kazımlı: "Yaddaşın təzələnməsi deyilən bir proses baş verə bilər"

"Dollarla rublun məzənnəsi arasında olan həmin hədd Rusiyanın yaşlı və orta nəslinin yaxşı yadındadır"

Rusiya rublu bazar ertəsi tarixi minimumları təzələyib. Rusiya KİV-lərinin yaydığı məlumata görə, bu zaman dollar psixoloji 60, avro isə 75 rublluq baryeri aşıb. Mütəxəssislərin fikrincə, son günlər rublun kursu neftin qiymətindən aralanıb və xüsusi olaraq əlaqəli deyil. Kurs fundamental faktorlardan əlahiddə dəyişir.
Maliyyəçilərin sözlərinə görə, situasiyaya yalnız Mərkəzi Bank təsir edə bilər - banklar üçün rubl likvidliyini daha çox məhdudlaşdırmaqla və bazara genişmiqyaslı müdaxilələr etməklə.
Qeyd edək ki, rublun dollara nisbətdə sürətlə ucuzlaşması eyni zamanda Rusiya əhalisi arasında psixoloji ruh düşkünlüyünə səbəb olub. Bəzi analitiklərin fikrincə, bu olduqca təhlükəli tendensiyadır və istənilən vaxt inqilabla nəticələnə bilər.
Bu məsələdə mistik yanaşmanın da təsirinin böyük ola biləcəyindən ehtiyatlananlar az deyil. Ehtimallara görə, rublun ucuzlaşması 73 və ya 75 rəqəminə yaxınlaşarsa, bu, əhalini nostalji hissinə qapada bilər. Əsaslandırma isə belədir ki, SSRİ-nin dağılması da rublun dollarla nisbətinin bu rəqəmlər civarında qərar tutmasından sonra başladı. Bu paralellərin Rusiyanın durumuna təsir etmək gücü nə dərəcədə inandırıcıdır?
Ukraynadakı separatçıların keçmiş komandanı, Rusiya Baş Kəşfiyyat İdarəsinin zabiti İqor Strelkov da çıxışı zamanı Rusiyada inqilabın ola biləcəyini istisna etməyib. O bunu bir neçə faktorla əlaqələndirib və iqtisadi böhranı da həmin sıraya aid edib:
"Putin hazırkı siyasətinə davam edərsə, Haaqa Məhkəməsində kamera qonşusu olacağıq. Təbii ki, ora qədər canlı olaraq aparılsaq. İqtisadi böhran və Donbasdakı rus xalqına edilən xəyanət Rusiyada "Moskva Meydanı" adlanacaq etirazların başlamasına və inqilabın baş verməsinə səbəb ola bilər. Ukrayna atəşkəs dövründə ordusunu çox sürətli şəkildə yenilədi. Yazda xarabalığa çevrilən Donbasda xalq Putinə nifrət edəcək. Nəticədə NATO-dan hərbi qüvvə yardımı alan Ukrayna hücuma keçəcək və Rusiya yardım etməzsə, ölkənin şərqində yaradılmış "xalq respublikaları" məhv ediləcək".
Bu məsələnin sırf psixoloji faktorla bağlı olduğunu nəzərə alaraq, sözügedən sahənin mütəxəssislərindən rəy öyrəndik.
Psixoloq Əhəd Kazımlı qəzetimizə açıqlamasında bildirdi ki, psixologiyada belə hallara tez-tez rast gəlinir: "Yaddaşın təzələnməsi deyilən bir proses baş verə bilər. Bu məsələdə müəyyən önəmli və yaddaqalan xatirələr, yerlər, rəqəmlər başlıca rol oynayır. Çox vaxt intihar və daha böyük kataklizmlərlə nəticələnən bu proseslə adi həyatda çox rastlaşılır və bunun izahı psixoloji problemlərin olması ilə izah edilir. Məsələn, insan birdən-birə uzun illər əvvəl baş vermiş bir hadisəni yadına salır. Buna stimulu isə hansısa əlamətdarlıqlar verir. Belə vəziyyətdə hər şey ola bilər. Sizin dediyiniz məsələ isə fərdi yox, kütlə psixologiyasına aid olan bir problemdir. Dollarla rublun məzənnəsi arasında olan həmin hədd Rusiyanın yaşlı və orta nəslinin yaxşı yadındadır.
Bu da Rusiya əhalisinin əhəmiyyətli bir hissəsi deməkdir. Kütləvi panikaya səbəb ola biləcək bir hal baş verə bilər. Qeyd edim ki, artıq Rusiyada bu tendensiyanın əlamətləri nəzərə çarpır".

DİGƏR XƏBƏRLƏR

Tarix: 12.04.2026 / 09:14

Mehriban Əliyeva Pasxa bayramı ilə bağlı paylaşım edib - FOTO

Tarix: 12.04.2026 / 06:12

Tramp Çini “böyük problemlərlə” təhdid etdi - İrana silah verərsə…

Tarix: 11.04.2026 / 17:48

Hikmət Hacıyev "Sülh Körpüsü" təşəbbüsünün iştirakçıları ilə görüşdən paylaşım etdi

Tarix: 11.04.2026 / 16:42

Qəbələdə “Sülh Körpüsü” təşəbbüsü çərçivəsində növbəti görüş keçirildi

Tarix: 11.04.2026 / 15:34

Azərbaycan və Ermənistan nümayəndələrinin Hikmət Hacıyevlə görüşü olub - FOTO

Tarix: 11.04.2026 / 15:04

İslamabadda ABŞ-İran danışıqları başlayır – sülh yolunda beş əsas maneə…

Tarix: 11.04.2026 / 11:26

Türkiyədə hərbçilərimizin də iştirak etdiyi “Anatolian Phoenix - 2026” təlimi davam edir - VİDEO

Tarix: 10.04.2026 / 22:23

Simonyanla Zaxarova KTMT-nin üstündə yenə atışdılar - “emosional siyasətçi”...

Tarix: 10.04.2026 / 21:24

Ermənistan dəmiryolları uğrunda Rusiya-Qazaxıstan diplomatik “çəkişməsi”...

Tarix: 10.04.2026 / 20:54

ABŞ şirkətləri Zəngəzur dəhlizindən gedir...(?)

Tarix: 10.04.2026 / 19:23

Azərbaycan və Ermənistan nümayəndələrinin iştirakı ilə dəyirmi masa keçirilir

Tarix: 10.04.2026 / 16:05

Livan üzrə Trampla Netanyahunun birgə dəhşətli planı var...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 05.04.2026 / 18:22

Rəsmi Bakıdan Kremlə təpki - “...qəbuledilməzdir”

Tarix: 04.04.2026 / 15:54

Azərbaycan 5 ildən çoxdur mina problemi ilə təkbaşına mübarizə aparır...

Tarix: 02.04.2026 / 19:15

Putin etiraf etdi - “Qarabağın tanınması KTMT-nin siyasətini dəyişdi”...

Sosial şəbəkələrdə insanlara kütləvi hörmətsizlik qadağan edildi...