24/11/2020 13:48
728 x 90

Bakı-Ceyhanın çəkilişində kəsilən bir ağaca görə Azərbaycanı "şişə taxanlar” ermənilərin törətdikləri yanğınlara kor olublar...

Telman Zeynalov: “Ekoloji qurumların bunu görməzdən gəlməsi xristian təəssübkeşliyi ilə bağlıdır”

img

Azərbaycan neft-qaz kəmərlərini, Bakı-Tiflis-Qars dəmir yolunu çəkəndə hansısa meşə massivi, su hövzəsi layihənin keçdiyi əraziyə düşəndə o dəqiqə ekologiya ilə məşğul olan beynəlxalq təşkilatlar etiraz edirdilər. Bu səbəbdən elə olurdu ki, tikinti işləri aylarla yubanırdı. Gürcüstanda, İtaliyada necə hay-küy qaldırdıqları hamıya bəllidir.

Neçə gündür ermənilər Kəlbəcərdə, Ağdamda meşələri yandırır, ağacları kütləvi surətdə kəsirlər, ancaq bir dənə ekologiya ilə məşğul olan beynəlxalq təşkilat buna etiraz etmir. Ayın 10-dan başlayaraq, birgə bəyanat əsasında köç edən ermənilər zəbt etdikləri evləri talan edib yandırır, hətta meşələrimizə qarşı ekoloji terror törədirlər. Onlar ağacları kəsərək özləri ilə aparırlar. Hətta heyvanları belə qəddarlıqla tələf edirlər. Hansı ki, bununla bağlı görüntüləri dünyanın bütün aparıcı media orqanları göstərir. İşğalçı Ermənistan terror aktlarını davam etdirərək təkcə region üçün deyil, planetin ekoloji tarazlığı üçün də qiymətli olan təbiət abidələrini, flora və faunanı məhv edir. Bununla da Ermənistan, faktiki olaraq, Azərbaycan təbiətinə qarşı ekoloji terror törədir. Maraqlıdır, beynəlxalq aləm və bilavasitə ekologiya sahəsində fəaliyyət göstərən nüfuzlu təşkilatlar niyə susurlar? Niyə bu vandalizmin və barbarlığın qarşısını almaq üçün ciddi addımlar atmır, lazımi münasibət bildirmirlər?

  • “Onlar istəmirlər ki, Ermənistan törətdiyi bu vandallıqlara görə dünyada biabır olsun”

Məsələyə münasibət bildirən Milli Ekoloji Proqnozlaşdırma Mərkəzinin rəhbəri Telman Zeynalovun sözlərinə görə, ekoloji qurumların bunu görməzdən gəlməsi xristian təəssübkeşliyi ilə bağlıdır: “Susqunluq ancaq bununla bağlıdır. Yoxsa, belə olmasaydı, o dəqiqə buna reaksiya verərdilər. Bu kimi təşkilatlar Avropa dövlətlərinin nəzarətindədir. Onlar istəmirlər ki, Ermənistan törətdiyi bu vandallıqlara görə dünyada biabır olsun. Bax, budur məsələnin kökündə duran amil. Utanmadan hələ Azərbaycanı günahlandırırlar. İddia edirlər ki, guya azərbaycanlılar ermənilərin tarixi abidələrini dağıdırlar. Hansı ki, belə bir şey yoxdur. Ermənilər 30 illik işğal dövründə bizim abidələrimizi məhv ediblər. Kəlbəcərdə törətdikləri ekoloji terror onların əsl xislətinin vandallıqdan ibarət olduğunu bir daha sübut edir. Təcavüzkar Ermənistan Kəlbəcərdə meşələri qəsdən qırmaqla və yandırmaqla işğal altında saxladığı ərazilərdə 30 il həyata keçirdiyi ekoloji terroru davam etdirir. Erməni işğalçılarının tək xalqımıza qarşı deyil, təbiətimizə və təbii sərvətlərimizə qarşı da böyük terrorçuluq siyasəti həyata keçirmələri onların necə vəhşi və qaniçən bir millət olduğunu bir daha sübut edir. Çünki onların ömür boyu heç nəyi olmayıb, onun-bunun dəstəyilə yaşayan bir millət olub. Öz dövləti, öz təbii sərvəti olmayan oğru bir millət heç vaxt başqasının dövlətinə, sərvətinə hörmətlə yanaşa bilməz. 30 ilə yaxındır Azərbaycanın yerüstü, yeraltı sərvətlərini talayırlar, torpaqlarımızda ekoloji terror törədirlər. Hesab edirəm ki, xaricdə yaşayan azərbaycanlılar etiraz aksiyaları keçirib bunu dünyaya bəyan etməlidirlər. Bəlkə o zaman onların kor olan gözləri açılsın”.

Ekspert hesab edir ki, nə qədər çətin olsa da, biz bunu beynəlxalq ictimaiyyətin diqqətinə çatdırmalıyıq.

Vidadi ORDAHALLI

Son xəbərlər