Ermənistanın Ombudsmanı Arman Tatoyan ölkə parlamentinin "Lanzarote Konvensiyası” kimi tanınan "Uşaqların cinsi istismardan və cinsi zorakılıqdan müdafiəsi haqqında” Avropa Şurası Konvensiyasını ratifikasiya etməsini vacib sayır. Bu barədə erməni mediası məlumat yayıb.
A.Tatoyan qeyd edib ki, Ermənistan bu konvensiyanı imzalamayan yeganə postsovet ölkəsidir: “Bu konvensiya uşaqlarımıza qarşı pedofiliyanın aradan qaldırılmasına öz töhfəsini verər. Bəli, Ermənistan postsovet ölkələri arasında sonuncu, Avropada isə bu konvensiyanı ratifikasiya etməyən ikinci ölkədir ”.
Qeyd edək ki, sözügedən konvensiya müəlliflərinin fikrincə, onun vəzifəsi uşaqları qorumaqdır. Konvensiyanın məqsədi əsasən uşaqların hüquqlarına hörmətlə yanaşmaq, fikirlərini, ehtiyaclarını və qayğılarını nəzərə alaraq rifahını təmin etməkdir. Bununla belə, uşaq hüquqlarının ən yaxşı qorunması prinsipini rəhbər tutur.
“Lanzarote Konvensiyası” dövlətlər qarşısında uşaqların hər cür cinsi hüquq pozuntularından qorunması öhdəliyini qoyur. Konvensiyaya imza atan ölkələrin bu kimi cinayətlərə görə günahkarları mühakimə etməsi qanunla təsbit edilir.
Göründüyü kimi, demokratiyadan, insan hüquqlarından danışan Ermənistan Avropa Şurasının ən vacib konvensiyalarından birini hələ imzalamayıb. Hansı ki, bütün MDB ölkələri sözügedən konvensiyaya qoşulub. Ən qəribəsi odur ki, özünü demokratiya bayraqdarı sayan, qərbpərəst kimi göstərən Nikol Paşinyan və onun komandası ötən iki ildə bu istiqamətdə hər hansı təşəbbüslə çıxış etməyib.
“Zorakılıq Ermənistanın dövlət siyasətinin tərkib hissəsidir”
Məsələyə münasibət bildirən şərqşünas Seyid Camal Əzimbəylinin sözlərinə görə, əslində, bu faktor ermənilərin əsl xislətini dünyaya göstərir: “Ermənistanın siyasəti təkcə digər ölkələrin ərazilərinə göz dikmək deyil. Bu ölkədə ən vacib insan hüquqlarının qorunması belə təmin edilmir. Zaman-zaman Ermənistanda baş verən müxtəlif zorakılıq halları buna əyani sübutdur. Bu, bir növ, ermənilərin xislətindən doğan xüsusiyyətdir. Dünyada baş verən ən qəddar zorakılıq hadisələrində, cinayətlərdə etnik mənşəli erməni terrorçuları iştirak edirlər. Müxtəlif qanunsuz fəaliyyətlərdə ermənilər öndə olublar. Qarabağ müharibəsi zamanı girov götürülən dinc azərbaycanlılara, o cümlədən, uşaqlara qarşı ağlagəlməz işgəncələr verdilər. İndiyə qədər girov düşən şəxslərin bir qismini Ermənistan Azərbaycana təhvil vermir. Hər vasitə ilə guya onlarda belə girovların olmadığını deyirlər. Təbii ki, belə millətin dövləti bu cür olar. Hansı konvensiyaya qoşulmaqdan söhbət gedir? Zorakılıq Ermənistanın dövlət siyasətinin tərkib hissəsidir. O baxımdan sözügedən məsələdə Ermənistanın gecikməsi təəccüblü deyil”.
Vidadi ORDAHALLI
