26 noyabr 2017-ci il tarixində Azərbaycanın Dostları Assosiasiyasının dəstəyilə Parisdə milli muğam ifaçılığımızda özünəməxsus üsluba malik olan Qoçaq Əsgərov və məhşur fransız caz ifaçısı Pyer de Traqomenin rəhbərliyi ilə Muğam-Soul konserti keçirilib.
Mügənniləri səhnədə istedadlı musiqiçilərimiz Elnur Mikayilov (kamança), Kamran Karimov (nağara) və Vasif Huseynzadə (piano) müsaiyət edib. Azərbaycannın Dostları Assosiasiyasından “Bakı-Xəbər”ə verilən məlumata görə, konsert gecəsini Azərbaycanın Dostları Asosiasiyasının baş katibi Mirvari Fətəliyeva açaraq Azərbaycanın mənəvi sərvəti sayılan və UNESCO-nun Qeyri-maddi mədəni irsin Reprezentativ Siyahısına daxil edilən Muğam haqqında söhbət açıb. O, çıxışında deyib ki, Muğam Azərbaycan xalqının dünyadakı səsi kimi milyonlara yalnız zövq verici musiqi bəxş etmir, həm də milli kimliyimizi və ölkəmizin gerçəklərini olduğu kimi bütün dinləyicilərə çatdırmağa kömək edir. Daha sonra Azərbaycanın tanınmış musiqişünası Sənubər Bağırova muğam haqqında geniş məlumat verərək, fransız caz ustasının muğam sənətinə olan marağından, layihənin yaranma tarixindən söz açıb. O qeyd edib kı, milli sərvətimiz olan muğam füsünkar xususiyyəti ilə həmişə şərq musiqisinin mistikasına vurğun musiqisevərləri özünə cəlb edir. Dünyanın hər bir yerində musiqi həvəskarları bu əsrarəngiz və fəlsəfi musiqini sevir və araşdırır. Qeyd edək ki, konsert qrupun 17 noyabr tarixində Felmay italyan disk evinin imzası ilə Mugham Souls - Gochag Askarov & Pierre de Trégomain adlı albomunun Fransada işıq üzü görməsi münasibətilə təşkil olunub. Caz aləmi və dünya musiqisinə yeniliklər bəxş edən bu albom dərin mənəvi hisslərlə zəngin olan yaradıcı əməyin bəhrəsidir. Muğam-Soul müxtəlif mədəniyyətə məxsus olan iki ecazkar səs ustasinın bərabər çalişmasının nətcəsidir. Ilk dəfə muğamı Parisdə Qoçaq Əsgərovun albomlarını dinləyərək kəşf edən Pyer de Treqomen mugamın mistik aləminə heyran olur. O, 2016-cı ilin fevralında mugam sənətini ustadın ozündən öyrənmək üçün Bakıya gəlir. Onların görüşü və bərabər çalışmaları o qədər uğurlu olur ki, ətraflarına istedadlı musiqiçiləri toplayaraq milli muğamlarmızdan, şəxsi bəstələrindən və improvizasiyalardan ibarət repertuarla əməkdaşlığa başlayırlar. Caz aləmindən gələn Pier de Treqomen və muğamın sirlərindən bəhs edən Qoçaq Əsgərovun bərabər ifası ilə milli musiqimiz yeni bir həyat yaşayır. Fevral ayında Fransa Institutunun dəstəyi ilə qrupun Bakıda, Yarat müasir Incəsənət mərkəzində ilk konserti, iyul ayında isə Parisdə Azərbaycanın Dostları Assosiasiyasının dəvətilə daha iki konserti təşkil olunub.
Baki-xeber.com
