Suraxanı rayonunun sosial-iqtisadi inkişafı: real vəziyyət və perspektivlər

Tarix: 14.01.2016 / 01:51
Bölmə: İqtisadiyyat

İstənilən rayon barədə ilkin məlumat mənbələrindən biri də həmin rayon icra hakimiyyətinin rəsmi saytıdır. Azərbaycanda qəbul edilən qanunvericilik aktlarına görə hər bir rayon icra hakimiyyətinin belə saytı olmalıdır. Bu faktor eyni zamanda icra hakimiyyətinin operativ işini elektron dövlət çərçivəsində stimullaşdırır.

Suraxanı Rayon İcra Hakimiyyətinin rəsmi saytı ətrafında apardığımız araşdırma nəticəsində müəyyən etdik ki, rayonda baş verən bütün ictimai-siyasi, mədəni, xeyriyyəçilik məqsədli tədbirlərin hər biri barədə ətraflı və dəqiq məlumat verilib. Saytda, eyni zamanda, rayonun idarəetmə strukturu barədə müfəssəl məlumatların verilməsi, cəmiyyətlə məmurlar arasındakı təması bir qədər də asanlaşdırmış olur. İnsafən demək lazımdır ki, belə məlumatların doğruluğu baxımından digər rayonlarla müqayisədə Suraxanı Rayon İcra Hakimiyyətinin rəsmi saytı çox irəlidədir. Eyni statusda olan əksər saytlarda göstərilən əlaqə nömrələri elə olub ki, gün ərzində çoxlu sayda zənglər etsək də cavab verən tapılmayıb. Deməli formal xarakter daşıyıb, gözdən pərdə asmaq üçün edilib.

1934-cü il noyabr ayının 3-də yaradılan və 1990-ci ilin aprel ayına kimi Orconikidzenin adını daşıyan və hazırda 212 min nəfərə yaxın əhalisi olan Suraxanı rayonuna Bülbülə, Əmircan, Qaraçuxur, Yeni Suraxanı, Hövsan, Zığ qəsəbələri və "Dədə Qorqud" yaşayış sahəsi aiddir. Bu qəsəbələrin hər birinin sürətli sosial-iqtisadi inkişafı Suraxanı rayonunun simasının daha da dəyişməsinə, onun respublikamızın abad və inkişaf etmiş bölgələrindən birinə çevrilməsinə gətirib çıxarıb. Necə deyərlər, Suraxanı rayonunda aparılan geniş abadlıq-quruculuq işləri onun simasına yeni nəfəs, yeni ruh gətirməkdədir. Belə ki, son illərdə Heydər Əliyev Fondunun vitse-prezidenti və İDEA İctimai Birliyinin sədri Leyla xanım Əliyevanın təşəbbüsü ilə keçirilən "Ümumrespublika yaşıllaşdırma marafonu"nda həvəslə iştirak edən Suraxanı rayonunda ağacəkmə kampaniyası geniş vüsət alıb. Bu çərçivədə də keçirilən ağacəkmə kampaniyasında rayon sakinləri tərəfindən qısa müddətdə 10 minə yaxın ağac əkilib. Hazırda da davam edən ağacəkmə kampaniyası nəticəsində Suraxanı tədricən Bakının ən yaşıl rayonlarından birinə çevrilməkdədir. Rayonun küçələrinin yaşıllaşdırılması ilə bağlı keçirilən tədbirlər nəticəsində Səttar Bəhlulzadə, İlqar Məmmədov və Xanlar Ələkbərov küçələrində yeni ağaclar əkilmiş, ümumi sahəsi 12,0 min kv.m olan yaşıllıq salınmışdır. Buna paralel olaraq, rayonda neftlə çirklənmiş ərazilərin təmizlənməsi, gölməçələrin qurudulması prosesi də uğurla davam etdirilir. Nəticədə rayon ərazisindəki 5 hektar sahəni tutan 24 gölməçə qurudularaq yerində yaşıllıqlar salınıb, lay suları və neftlə çirklənmiş 8,17 hektar torpaq sahəsi təmizlənərək istifadəyə yararlı vəziyyətə gətirilib. Eyni zamanda rayon ərazisindəki Zığ və Bülbülə göllərinin təmizlənməsi, onların ətraflarının abadlaşdırılması, yaşıllaşdırılması və yaxın gələcəkdə bu ərazilərin vətəndaşların sevimli istirahət zonalarından birinə çevrilməsi istiqamətində də tədbirlər davam etdirilir.

Suraxanı deyəndə, hər şeydən əvvəl ağlımıza Atəşgah məbədi gəlir. Zəngin mədəniyyətə və nümunəvi tolerantlığa malik Azərbaycan xalqının qədim irsini tanıdan bu abidə beşguşəli daxili həyəti əhatə edən hücrələrdən və həyətin ortasında tikilmiş üstü günbəzli dördbucaqlı od məbədindən ibarətdir. Şəhər karvansaralarını xatırladan Atəşgah müqəddəs odun - təbii yanar qazın saxlandığı və oda sitayiş ayinlərinin icra edildiyi məkan idi. Abidə Midiya dövrünə aid olsa da, onun üzərində hind dilində yazılan yazılar onun 1713-cü ildə Hindistanın Multan vilayətindən gələn atəşpərəst tacir və zəvvarlar tərəfindən tikildiyini göstərir.

Atəşgah məbədinə yeni can 2007-ci ildə verilib. Prezident İlham Əliyevin 19 dekabr 2007-ci il tarixli Sərəncamı ilə bu abidə dövlət tarix-memarlıq qoruğu elan edilib. Dövlət başçısının 2009-cu ildə verdiyi yeni Sərəncama əsasən, burada həm də arxeoloji tədqiqat işlərinin aparılması və Atəşgah tarixi muzey mərkəzinin yaradılmasının əsası qoyuldu. Məbəd çox dəyərli tarixi abidə kimi UNESCO-nun qeyri-maddi mədəni irs siyahısına daxil edilib.

Prezidenti İlham Əliyevin 27 dekabr 2013-cü il tarixli Sərəncamı ilə qoruğun ərazisində arxeoloji tədqiqat işlərinin aparılması və Atəşgah tarixi muzey mərkəzinin yaradılması üçün Prezidentin Ehtiyat Fondundan 1 milyon manat vəsait ayrılıb.

Qeyd edək ki, "2014-2016-cı illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqramı"nda Suraxanı rayonu üzrə 54 tədbir nəzərdə tutulub, onların 4-ü icra olunub, 20-nin icrasına başlanıb, başa çatdırılan və başlanan tədbirlər sözügedən dövlət proqramındakı tədbirlərin 44,5 faizini təşkil edibir.

Ümumiyyətlə, bu dövr ərzində Qaraçuxur qəsəbəsində 146 saylı orta məktəb üçün 25 əlavə sinif otağından ibarət tədris korpusu, idman və akt zalları tikilərək istifadəyə verilib, Əmircan qəsəbəsində 5 saylı və Yeni Günəşli yaşayış sahəsində 262 saylı uşaq bağçaları əsaslı təmir olunub. Qaraçuxur və Bülbülə qəsəbələrində idman zallarının, Yeni Günəşli "V" yaşayış sahəsində idman meydançasının, Əmircan qəsəbəsində RİH tərəfindən 100 yerlik uşaq bağçasının, Yeni Günəşli "D" yaşayış sahəsində şahmat məktəbinin və yanğından mühafizə bölməsinin binasının tikintisi davam etdirilib. Qaraçuxur qəsəbəsində Cəlal Qurbanov, İlqar Musayev, Zaur Şərifov, Abbas Fətullayev, Nizami İsmayılov, Fərman Kərimzadə və Abbasqulubəy Şadlinski küçələrində və Yeni Günəşli yaşayış sahəsində rayonun idarə və müəssisələrin köməkliyi ilə abadlıq-quruculuq işlər görülüb. Küçələrin ətrafında yerləşən qeyri-yaşayış obyektlərinin fasadları müasir üslubda yenidən qurulub, binaların fasadları, hasarlar, müxtəlif dirəklər rənglənib, ətraf ərazilər iri qabaritli tullantılardan təmizlənib.

Bütün bu göstəricilərlə yanaşı, rayonda həlli vacib olan problemlər də az deyil. Hər il qış aylarında, yağış yağan kimi Bakının küçələrinin böyük hissəsi su altında qalır. Bu küçələrin bəziləri sovet dövründə çəkilmiş kanalizasiya xətlərinin yararsız hala düşməsinə görə, bəziləri isə ümumiyyətlə kanalizasiya xətlərinin olmaması ucbatından bərbad hala düşür.

Köhnə küçələr bir yana dursun, yeni asfalt salınmış küçə və prospektlərin, yeraltı keçidlərin bəzilərində də vəziyyət eynidir. Yağış yağdısa, süni gölə hazır olmaq lazımdır.

Suraxanı rayonu, Hövsan qəsəbəsi, Oqtay Şabanov küçəsinin bərbad durumundan xəbər vermək istərdik. Azı 8 ildir ki, asfalt üzü görməyən bu küçə heç kimin yadında düşmür.

Bəhs etdiyimiz küçədə yaşayan vətəndaşlar yağış yağan zaman küçəyə çıxmaq istəmirlər. Çünki bu yolu getmək elə də asan iş deyil. Hövsan qəsəbəsi ərazisində qəsəbədaxili yollar bərbad vəziyyətdədir. İlk Avropa Oyunlarından qabaq qəsəbəyə gələn yol təmir edilsə də, qəsəbənin giriş hissəsində işlər dayandırılıb. Yağış yağan zaman Oqtay Şabanov küçəsi də bərbad hala düşür. Çünki nə normal asfalt var, nə də kanalizasiya. Sakinlər qapılarının önündə quyu qazaraq, məsələni həll etməyə çalışırlar.

Məhəllə sakinlərinin sözlərinə görə, Suraxanı rayon İcra Hakimiyyəti 8 ildir ki, bu küçəni unudub: "Yağış yağan zaman burada sanki həyat "ölür". Heç kim evdən bayıra çıxmır. Kim işləyirsə, o məcbur olub, bu "çay"dan keçir. Bunun üçün də xüsusi "silahımız" var. Dizə qədər olan rezin çəkmələri geyinirik. Qəsəbədən çıxandan sonra əlimizdə tutduğumuz təmiz ayaqqabını geyinib, işə gedirik. Olmasa, mümkün deyil. Adam utanır. Evimizə qonaq da gəlmir. Çünki küçənin palçığına bələddirlər.

Kimin maşını varsa, ona bir az rahatdır. Çünki zibillik çox uzaqdadır. Bu səbəbdən insanlar zibili yalnız avtomobillə atmağa nail ola bilir.

Hazırda qış fəslinin olmasını nəzərə alsaq deyə bilərik ki, Suraxanı Rayon İcra Hakimiyyətinin qarşısında duran hazırkı prioritet məsələ rayonun qış mövsümünə hazırlığını yüksək səviyyədə təmin etməkdir. Bunu nəzərə alan rayon İcra Hakimiyyəti başçısı İlqar Abbasovun sərəncamı ilə xüsusi tədbirlər planı təsdiq edilib. Bu tədbirlər planı istilik qazanxanalarının enerji daşıyıcıları ilə fasiləsiz təmin olunması, mərkəzi istilik sisteminə qoşulmuş yaşayış binalarının, ictimai iaşə obyektlərinin keyfiyyətli istiliklə təchiz edilməsi, mənzil-kommunal təsərrüfatında zəruri təmir işlərinin aparılması, qış mövsümündə nəqliyyatın normal fəaliyyət göstərməsi üçün küçə və yolların işlək vəziyyətdə saxlanması kimi həyati vacib məsələləri nəzərdə tutur.

Vətəndaşların müraciətlərinə həssaslıq göstərilməsi, problemlərin vaxtında həll edilməsi sahəsində rayon icra hakimiyyətində müsbət təcrübə formalaşıb. Burada heç bir müraciət diqqətdən kənarda qalmır. Hərtərəfli araşdırılır, ilk növbədə, müraciətlərin yaranma səbəbləri təhlil edilir, qaldırılan məsələlərin həlli üçün müvafiq tədbirlər görülür.

Bu məqsədlə də "qaynar xətt" fəaliyyət göstərir. Suraxanı Rayon İcra Hakimiyyətinin başçısı İlqar Abbasov vətəndaşların şikayət və problemlərini yerindəcə həll etmək üçün mütəmadi olaraq səyyar görüşlər keçirir. Bu müstəvidə də 1715 nəfərin iştirakı ilə 27 səyyar görüş keçirilib, bu ilin yanvar-sentyabr aylarında rayon icra başçısı tərəfindən 759 nəfər qəbul edilib. Bu görüşlərdə və qəbullarda ortaya çıxan problemlərin və şikayətlərin həlli məqsədi ilə rayon rəhbərliyi tərəfindən müvafiq qurumlara göstəriş və tövsiyələr verilib. Ümidvarıq ki, bu yazı müsabiqəsində toxunulan neqativliklərin aradan qaldırılması istiqamətində də rayon rəhbərliyi zəruri tədbirləri həyata keçirəcək.

Məhəmmədəli QƏRİBLİ

Yazı Suraxanı Rayon İcra Hakimiyyəti və Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun birgə keçirdiyi müsabiqəyə təqdim edilir.

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...