Süni mal qıtlığı yaradanlarla inzibati-hüquqi mübarizənin səmərəlilik şansları...

Tarix: 14.01.2016 / 02:19
Bölmə: İqtisadiyyat

Vahid Əhmədov: "İqtisadiyyat və Sənaye Nazirliyinin bu sahəyə nəzarət etməli olan xüsusi departamenti var"

"21 fevral devalvasiyasından sonra qiymətlərdə bir müddət artım olmadı"

Ölkə başçısı Nazirlər Kabinetində keçirdiyi son toplantıda süni qiymət artıranlara qarşı ciddi ölçü götürülməsinə dair əlaqədar qurumlar qarşısında məsələ qaldırdı. Prezident bildirdi ki, bu istiqamətdə yalnız inzibati cərimələr deyil, eyni zamanda cinayət məsuliyyətinə cəlb olunma da həyata keçirilməlidir.

Əlaqədar dövlət qurumlarının bu tapşırıqdan irəli gələn fəaliyyəti sahəsində ciddi neqativliklər aşkarlanıb. Məlum olub ki, bəzi işbazlar yaranmış vəziyyətdən maksimum qazancla çıxmaq üçün bütün əyri yollara əl atıblar.

İqtisadiyyat və Sənaye Naziriliyinin və Baş Prokurorluğun verdiyi məlumata görə, Azərbaycan Prezidenti İlham Əliyevin tapşırıqlarına müvafiq olaraq, nazirlik yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti və Baş prokuror yanında Korrupsiyaya Qarşı Mübarizə Baş İdarəsi tərəfindən manatın məzənnəsində baş vermiş dəyişiklikdən istifadə edərək süni qiymət artımı, məqsədli mal qıtlığı yaradılması və digər sui-istifadə hallarının qarşısının alınması məqsədilə təsdiq edilmiş birgə Tədbirlər Planına müvafiq olaraq bu kimi hallara qarşı təxirəsalınmaz qabaqlayıcı və inzibati, habelə istintaq-əməliyyat tədbirləri həyata keçirilir.

Belə ki, Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən aparılmış monitorinq zamanı "Giləzi - Quşçuluq Şirkəti" MMC, "Hacıqabul Quşçuluq Şirkəti" MMC və "Astel LTD" MMC-nin vəzifəli şəxsləri tərəfindən vəzifə səlahiyyətlərindən sui-istifadə etməklə yumurtanın pərakəndə satış qiymətinin bahalaşdırılması ilə istehlakçıların mənafeyinə mühüm ziyan vurulması halları müəyyən olunduğundan, müvafiq materiallar Baş prokuror yanında Korrupsiyaya Qarşı Mübarizə Baş İdarəsinə göndərilib və toplanmış materiallar əsasında 12 yanvar 2016-cı il tarixdə fakta görə Cinayət Məcəlləsinin 308.1 (vəzifə səlahiyyətlərindən sui-istifadə etmə) və 200.1-ci (istehlakçıları aldatma və ya pis keyfiyyətli məhsul istehsal etmə və satma) maddələri ilə cinayət işi başlanıb.

Hazırda təqsirkar şəxslərin müəyyən edilərək cinayət məsuliyyətinə cəlb edilməsi istiqamətində zəruri istintaq-əməliyyat tədbirləri davam etdirilir.

Bundan başqa, Bakı şəhər sakininin Baş prokuror yanında Korrupsiyaya Qarşı Mübarizə Baş İdarəsinin "161 - Qaynar xətt" əlaqə mərkəzinə daxil olmuş müraciəti əsasında həyata keçirilmiş təxirəsalınmaz istintaq-əməliyyat tədbirləri nəticəsində Bakı şəhəri, Nəsimi rayonu, Q.Quliyev küçəsi, 31C ünvanında yerləşən "Alfa med" Məhdud Məsuliyyətli Cəmiyyətin satış üzrə meneceri İbadulla Hüseynov tərəfindən "Grateziano" dərman vasitəsinin dəyərindən dəfələrlə artıq qiymətə satılması müəyyən edilib. Cəmiyyətin anbarına aparılmış baxış zamanı külli miqdarda gömrük bəyannaməsi olmayan dərmanlar aşkar olunub.

Eyni zamanda, şirkət tərəfindən 48 adda külli miqdarda müxtəlif dərman və tibbi ləvazimatlar aşkar edilib, həmin dərmanların Tarif (qiymət) Şurası tərəfindən müəyyən olunmuş qiymətlərdən daha artıq qiymətə satılması müəyyən edilib.

Toplanmış materiallar əsasında Cinayət Məcəlləsinin 308.1 və 200.1-ci maddələri ilə cinayət işi başlanmaqla "Alfa med" MMC-nin təsisçisi və faktiki rəhbərliyini həyata keçirən Əfqan Xudaverdiyev və İ.Hüseynov şübhəli şəxs qismində saxlanıblar. Hazırda cinayətkar şəbəkənin digər üzvlərinin müəyyən edilərək cinayət məsuliyyətinə cəlb edilməsi istiqamətində zəruri istintaq-əməliyyat tədbirləri davam etdirilir.

İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti və Baş prokuror yanında Korrupsiyaya Qarşı Mübarizə Baş İdarəsi bir daha sahibkarlıq subyektlərinə süni qiymət artımı, məqsədli mal qıtlığının yaradılması və digər sui-istifadə hallarına yol verməməyi tövsiyə edir və bu kimi hallara yol verən şəxslərin barəsində qanunla nəzərdə tutulmuş ən ciddi cəza tədbirlərinin görüləcəyi barədə xəbərdarlıq edir.

Görülən bu sərt tədbirlərin süni qiymət artımının qarşısının alınmasında nə kimi rolu olacaq?

İqtisadçı Vahid Əhmədov hesab edir ki, bu gün Azərbaycanda qiymət artımı ilə əlaqədar çox ciddi problemlər var: "Manatın məzənnəsinin düşməsindən istifadə edən bəzi işbazlar qanunsuz əməllərə əl atır, bununla əhaliyə daha çox ziyan dəyir. Bu sahəyə nəzarət etməli olan aidiyyəti qurumların səriştəsizliyi ucbatından vəziyyət getdikcə daha da pisləşir. İqtisadiyyat və Sənaye Nazirliyi bu işlə ciddi məşğul olmalıdır. Bu barədə dövlət başçısının xüsusi göstərişi var. İqtisadiyyat və Sənaye Nazirliyi faktiki olaraq çəkilib kənarda dayanıb, yaranmış vəziyyətlə maraqlanmır. Qiymətlər qalxır, kim necə gəldi qiymət təyin edir. Ərzaqları, geyimləri istənilən qiymətə satırlar, istədikləri vaxt mağazalardan yığışdırırlar, istədikləri vaxt da vitrinlərə qaytarırlar. İqtisadiyyat və Sənaye Nazirliyinin bu sahəyə nəzarət etməli olan xüsusi departamenti var. Bəs görəsən bu departament nə ilə məşğuldur? 21 fevral devalvasiyasından sonra qiymətlərdə bir müddət artım olmadı. Amma bu dəfə devalvasiyanın səhəri hər şeyin qiymətini qaldırdılar. Prezident deyir süni qiymət artımının qarşısını alın, süni qiymət artıranları cəzalandırın. Həmin tapşırıqdan sonra müəyyən hərəkətlənmə hiss edilir. Ancaq bu davamlı olmalıdır.

Manatın arxasında neft dayanır. Mərkəzi Bankın etdiyi dəyişikliklər onu deməyə əsas verir ki, yanvar ayının axırına kimi ciddi devalvasiya olmayacaq".

Məhəmmədəli QƏRİBLİ

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...