Banklarda manatla əmanətlərin azalmasının qarşısını almaq yollarını müzakirə edirik

Tarix: 14.01.2016 / 02:07
Bölmə: İqtisadiyyat

Oqtay Haqverdiyev: "İqtisadi və işgüzar fəallıq aşağı düşəcək"

"Manatla qoyulan əmanətlərin həcmi azalırsa, o zaman kredit vermək imkanları məhdudlaşır"

Azərbaycanda manatla olan əmanətlər son 6 ilin ən aşağı səviyyəsinə düşüb. Görünən odur ki, banklarda manatla olan əmanətlərin həcmi sürətlə azalır. Mərkəzi Bankın məlumatına əsasən, 2015-ci ilin noyabr ayının sonuna olan məlumata görə, banklarda manat əmanətlərinin məbləği 1 milyard 669,1 milyon manat təşkil edib.

Sonuncu dəfə banklarda bu səviyyədə manat əmanəti 2010-cu ildə qeydə alınıb.

Təkcə noyabr ayında banklarda manatda olan əmanətlər 54,7 milyon manat azalıb. Banklarda xarici valyutada (əsasən dollarda) olan əmanətlər isə 5 milyard 420,5 milyon manat məbləğində olub. Bu, cəmi 7 milyard 89,5 milyon manat olan əhalinin əmanətlərinin 76,5%-nə bərabərdir. Noyabrda xarici valyutada olan əmanətlər 28,6 milyon manat azalıb. Ötən ilin yanvar ayının sonunda cəmi məbləği 2 milyard 845 milyon manat olan xarici valyutadakı əmanətlər sentyabr ayında 5 milyard 534 milyon manata qalxmışdı.

Ümumiyyətlə, əhali banklardakı əmanətlərini geri götürməkdə davam edir. Noyabrda əhalinin banklardakı əmanətləri 83,4 milyon manat və ya 1,2 % azalaraq 7 milyard 89,5 milyon manata düşüb. Fevralın sonunda banklarda əhalinin əmanətləri 7 milyard 932,7 milyon manat məbləğində idi.

Bütövlükdə, banklarda manatla olan əmanətlərin dəfələrlə azalmasının ölkə iqtisadiyyatı üçün nə kimi fəsadları ola bilər?

Sözügedən məsələni dəyərləndirən iqtisadçı-ekspert Oqtay Haqverdiyevin fikrincə, manatda yerləşdirilən əmanətlər manatla kreditlərin verilməsi üçün kommersiya banklarının birinci resursudur: "Əmanətlərin strukturuna diqqət yetirəndə banklarda manatın azaldığı, dolların isə artdığı müşahidə edilir. Ümumilikdə, əmanətlərin həcmi azalmaqdadır. Bu da ölkədə vətəndaşların əmanətlərini bankdan çıxararaq evdə saxlamağa üstünlük verməsilə əlaqədardır. Vətəndaşlar manatla olan əmanətlərini dollara çevirərək evdə saxlamağa üstünlük verir. Onlar banklara etimad göstərmir və inanmır. Proses ilk növbədə fevraldakı məlum devalvasiyadan sonra sürətlənib. Yəni bu tendensiya devalvasiyanın nəticələrinə hesablanıb və indi özünü göstərməyə başlayıb. Əhali arasında növbəti devalvasiya təlaşı var. Ümumilikdə, manatla olan əmanətlərin azalması yaxşı hal deyil. Bunun iqtisadiyyat üçün müxtəlif mənfi fəsadları ola bilər. İqtisadi və o cümlədən işgüzar fəallıq aşağı düşəcək.

Əhalinin kreditlə təmin olunmasında çətinliklər yaranacaq. Nəzərə almaq lazımdır ki, bankların verdiyi kreditlərin əsas hissəsini əhalinin qoyduğu əmanətlər təşkil edirdi. Manatla qoyulan əmanətlərin həcmi azalırsa, o zaman kredit vermək imkanları məhdudlaşır. Bu da ümumən iqtisadi inkişafa mənfi təsir göstərir".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...