Prezident qeyri-neft sektorunda inhisarçılığı ölkənin strateji hədəflərinə niyə təhlükə saydı...

Tarix: 13.01.2016 / 02:40
Bölmə: İqtisadiyyat

Nicat Hacızadə: "İnhisarçılıq bizim üçün neftin qiymətinin düşməsindən daha qlobal problemdir"

"Qeyri-neft sektorunun inkişafı üzrə aparılan siyasətə yeni idarəetmə prizmasından baxmaq lazımdır"

Nazirlər Kabinetinin iclasında Prezident İlham Əliyevin çıxışından belə məlum oldu ki, illərdir ölkə iqtisadiyyatında mövcud olan inhisarçılıq halları qeyri-neft sektorunun inkişafına maneələr yaradıb. Prezident bildirib ki, yerli sahibkarlar da Azərbaycan iqtisadiyyatına daha çox sərmayə qoymalıdır:

"Dövlət qurumları isə - həm mərkəzi dövlət orqanları, həm yerlərdəki icra orqanları onlar üçün bütün şəraiti yaratmalıdırlar. Onların işinə müdaxilə etməməlidirlər, əksinə, onları təşviq etməlidirlər və mütəmadi qaydada məlumat verməlidirlər ki, hər bir bölgə üzrə nə qədər investisiya qoyulub, investisiyanın mənbəyi nədir. İnhisarçılığa qarşı daha da ciddi mübarizə aparılmalıdır".

Ölkə başçısı biznes mühitinin yaxşılaşdırılması istiqamətində tədbirlər görüldüyünü, lisenziyaların, icazələrin sayının azaldıldığını, bürokratik əngəllərin aradan götürüldüyünü vurğulayıb: "Onlarla mütəmadi qaydada əlaqələr saxlanır. Ancaq indiki şəraitdə onların fikirləri hesab edirəm ki, daha da böyük əhəmiyyət daşıya bilər. Hansı problemlər var, onların biznes fəaliyyəti üçün əngəllər nədən ibarətdir ki, bunu biz aradan götürək və biznes mühitini daha da yaxşılaşdıraq".

Bütövlükdə, ölkə iqtisadiyyatında qeyri-neft sektorunun inkişafına mane olan inhisarçılıq halları nə ilə izah olunur? Ekspertlərin buna yanaşması necədir?

Sözügedən məsələni dəyərləndirən iqtisadçı-ekspert Nicat Hacızadənin fikrincə, Prezidentin iqtisadi sahədə ilk növbədə neftin qiymətinə və onun enməsi səbəbindən ölkə iqtisadiyyatının zəifləməsinə işarə etməsi göstərir ki, ümumilikdə yalnız neft sektoru ilə iqtisadiyyatda ciddi bir uğur qazanmaq mümkün deyil: "Nə etməli? Qeyri-neft sektorunun inkişaf planı hazırlanmalıdır. Təəssüflər olsun ki, qeyri-neft sektorunda artım manat ifadəsində müəyyən qədər olsa da, dollar miqyasında azdır. Qeyri-neft sektorunun inkişafı üzrə aparılan siyasətə yeni idarəetmə prizmasından baxmaq lazımdır. Ölkə Prezidenti bu sahədə idarəetmədə şəffaflığın bərpa olunmasının vacibliyini bildirirsə, deməli, şəffaflığın təmin edilməsi üçün bütün planlar yeni kadrlarla həyata keçirilməlidir. Bu baxımdan dövlət başçısının 2016-cı ildə yeni struktur dəyişikliyi tədbirləri görəcəyi gözləniləndir. Prezidentin ixrac-idxal məsələlərində şəffaflığın təmin edilməsi ilə bağlı fikirləri inhisarçılığın tam ləğvinə hesablanıb. Dövlət başçısının da qeyd etdiyi kimi, ölkə iqtisadiyyatının inkişafına mane olan amillərdən biri də inhisarçılıqdır. İnhisarçılıq bizim üçün neftin qiymətinin düşməsindən daha qlobal problemdir. Bu gün Azərbaycanda investisiya şəraitinin münbit olmasına baxmayaraq, ölkəyə xarici investorun gəlməsi və cəlb olunması prosesi ləngiyir. Qeyri-neft sektorunda indi vəziyyət yetərincə sabit deyil. Üstəgəl, bəzi inhisarçılıq faktlarının olması sərmayənin qarşısını alır".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...