Dövlət qurumlarında əməkhaqqı "pripiskası" ilə yeyinti problemi...

Tarix: 13.01.2016 / 02:57
Bölmə: İqtisadiyyat

Natiq Qurbanov: "Demək, məsələ miqyasını aşıb"

"Maaş onun-bunun cibinə gedir"sə...

"İqtisadiyyatımız üçün mənfi tendensiya olan bu neqativlik də bütünlüklə aradan qaldırılmalıdır"

"Maliyyə nəzarəti daha da gücləndirilməlidir. Xüsusilə Hesablama Palatasının işi daha da səmərəli şəkildə təşkil edilməlidir. Dövlət qurumlarının, dövlət şirkətlərinin xərclərinə çox ciddi nəzarət olmalıdır. Deyə bilmərəm ki, əvvəlki illərdə nəzarət lazımi səviyyədə idi.

Bəzi hallarda dövlət qurumları, dövlət şirkətlərimiz lazım olmayan, səmərəsiz xərclər edirdilər. Buna son qoyulmalıdır. Burada maliyyə nəzarəti çox güclü, ciddi olmalıdır. Pozuntulara yol verən şəxslər ciddi cəzalandırılmalıdırlar". Bunu Nazirlər Kabinetinin son iclasındakı çıxışında Azərbaycan Prezidenti İlham Əliyev deyib. Prezident bildirib ki, Azərbaycanda bir neçə dövlət qurumu, dövlət şirkəti var ki, onlar ölkə iqtisadiyyatı üçün strateji əhəmiyyət daşıyır, dövlət inhisarındadır: "Ancaq orada, o şirkətlərdə idarəetmə qaydaları dəyişdirilməlidir. Korporativ idarəetmə prinsipləri tətbiq edilməlidir. Dünyanın inkişaf etmiş ölkələrinin aparıcı korporasiyalarının təcrübəsi öyrənilməli və tətbiq edilməlidir. Bu şirkətlər tam şəffaf fəaliyyət göstərməlidirlər.

Bununla yanaşı, ictimai nəzarət mexanizmləri işə salınmalıdır. Mən dəfələrlə ictimai nəzarət haqqında fikirlərimi bildirmişəm. Amma hesab edirəm ki, ictimai nəzarət mexanizmləri işlənməlidir. Çünki sadəcə olaraq insanlardan tələb etmək ki, gedin o və ya bu sahəyə nəzarət edin, bu, çətin məsələdir. Burada lazımi səviyyədə həm ictimai fəallıq, həm də mexanizmlər olmalıdır. İctimai nəzarət mexanizmləri mütləq tətbiq edilməlidir. Hökumət bu məsələ ilə bağlı öz təkliflərini təqdim etsin. Təbii ki, heç bir vaxt israfçılığa yol verilməməlidir, xüsusilə indiki şəraitdə çox ciddi nəzarət olmalıdır".

İlham Əliyev onu da qeyd edib ki, nağd pul dövriyyəsi sferası azaldılmalıdır. Nağdsız ödəmələr genişləndirilməlidir: "Müxtəlif vasitələr var. Buna nail olmaq üçün o cümlədən fiskal təşviq mexanizmləri tətbiq edilməlidir ki, şirkətlər maraqlı olsunlar ki, nağdsız əməliyyatlar aparılsın. Bəzi hallarda süni şəkildə iş yerləri yaradılır. Misal üçün, insanlar işləmirlər, amma onlara maaş yazılır. Sonra o maaş onun-bunun cibinə gedir. Bu hallara son qoyulmalıdır. Ona görə çox ciddi maliyyə nəzarəti, ictimai nəzarət, dövlət nəzarəti olmalıdır. Buna son qoyulmalıdır. Lazım olmayan qurumlar ləğv edilməlidir və bu istiqamətdə yaxın gələcəkdə addımlar atılacaq".

Prezidentin qeyd etdiyi "ölü canlar", yəni işləməyib maaş alanlar problemini hansı formada aradan qaldırmaq olar?

İqtisadçı Natiq Qurbanov qəzetimizə açıqlamasında bildirdi ki, Prezident son toplantıda çox ciddi mətləblərə toxundu: "Hər bir detalı da açıq mətnlə ifadə etdi. Dünyada baş verən iqtisadi böhran bizdən də yan keçməyib. Bu aydındır. Məhz bu səbəbdən də iqtisadi kataklizmlərin daha da dərinləşməməsi üçün bütün ölkələr öz daxilində ciddi islahatlar aparır. Prezident bildirdi ki, bizdə də belə qənaətə ehtiyac var. Bura bir sıra struktur islahatlarını aid edə bilərik. Xüsusilə də hiss olunur ki, bəzi dövlət qurumları birləşdiriləcək. Ən maraqlı məqam isə bəzi dövlət qurumlarında işləməyib maaş alanlarla bağlı Prezidentin narahatlıq ifadə etməsi oldu. Bu mənfi tendensiya hələ Sovet dövründə də vardı. Hamıya bəllidir ki, müstəqillik illərində də belə hallar olub. Ancaq Prezidentin bu məsələni xüsusi olaraq vurğulaması kifayət qədər ciddi mətləbdən xəbər verir. Demək, məsələ miqyasını aşıb. Bunun özü dövlət büdcəsinə külli miqdarda ziyan vurur. Hesab edirəm ki, bu siqnaldan sonra əlaqədar qurumlar deyilən istiqamətdə ciddi araşdırmalara başlamalıdır, əsasən də Hesablama Palatası. Bu adamlar işə getməyib maaş alırsa, deməli, həmin ştatları ixtisar etmək olar. Bu da dövlət büdcəsinə külli miqdarda qənaət deməkdir. Ən pis hal insanı işləmədən pul almağa öyrətməkdir. Sizi inandırım ki, sonradan həmin adam hardasa işləyib pul qazanmağa da meylli olmur. Bir sözlə, iqtisadiyyatımız üçün mənfi tendensiya olan bu neqativlik də bütünlüklə aradan qaldırılmalıdır".

Məhəmmədəli QƏRİBLİ

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...