Prezidentin ötən ildəki bəzi qərarları və qeyri-neft sektorunda 8,4 faizlik artım...

Tarix: 12.01.2016 / 01:44
Bölmə: İqtisadiyyat

Qulu İsmayılov: "Ötən il bu sahədə inkişaf olubsa, bunun başlıca səbəbi dövlətin və ölkə başçısının göstərdiyi qayğı ilə bağlıdır"

"Bura istər dövlət büdcəsindən ayrılan vəsaitləri, istərsə də yersiz müdaxilələrin qarşısının alınması ilə bağlı verilən tapşırıqları aid edə bilərik"

Azərbaycan Respublikasının Prezidenti İlham Əliyev yanvarın 10-da Nazirlər Kabinetinin 2015-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclasında bildirib ki, neftin qiymətinin azalmasına baxmayaraq, Azərbaycan iqtisadiyyatı artıb, qeyri-neft sektoru inkişaf edib.

Dövlət başçısı bildirib ki, bu, aparılan islahatların nəticəsidir: "Hesab edirəm ki, qeyri-neft sənayesinin 8.4 faiz artması əsas göstəricimizdir. Keçən il ölkə iqtisadiyyatına 20 milyard dollara yaxın sərmayə qoyulub. Bunun yarısı xarici sərmayədir. Azərbaycan xarici investorlar üçün cəlbedici ölkə kimi öz potensialını təqdim edir".

İlham Əliyev deyib ki, 2015-ci ildə dünyada bütün siyasi və iqtisadi amilləri nəzərə alaraq, iqtisadi inkişafa nail olmaq özlüyündə böyük nailiyyətdir.

Dövlət başçısı vurğulayıb ki, iqtisadi şaxələndirmə, qeyri-neft sektorunun inkişafı 2016-ci il iqtisadi sahədə əsas prioritet olacaq: "Əminəm ki, bu il ərzində bu istiqamətdə biz daha da böyük uğurlara nail olacağıq. Ümumiyyətcə, ümumdaxili məhsulumuz müsbətə doğru dəyişir".

İlham Əliyev bildirib ki, Azərbaycan neftdən asılılığı minimuma endirməlidir: "Biz bu asılılığı minimuma endirməliyik ki, gələcəkdə neft qiymətindən asılı olmayaq. Vəzifə bundan ibarətdir. Hesab edirəm ki, düşünülmüş siyasət nəticəsində, gərgin iş nəticəsində biz buna nail ola biləcəyik. Bu il biz xarici investisiyaları Azərbaycana daha böyük həcmdə cəlb etməliyik. Düzdür, bu gün dünya miqyasında xarici investisiyalar uğrunda mübarizə aparılır. Ancaq Azərbaycan xarici sərmayə üçün çox gözəl ölkədir, xarici sərmayələr qorunur. Düzdür, sərmayələr daha çox neft-qaz sektoruna qoyulur, ancaq eyni zamanda son vaxtlar qeyri-neft sektoruna da xarici sərmayə qoyuluşu müşahidə olunub. Biz çalışmalıyıq ki, xarici sərmayəni ölkəmizə cəlb edək, xüsusilə qeyri-neft sektoruna. O sahələrə ki, öz növbəsində, bu sahələrin inkişafı ixrac potensialımızı gücləndirəcək və idxaldan asılılığımızı azaldacaq".

Prezidentin qeyd etdiyi rəqəmlərdən də görünür ki, bizim üçün önəmli olan qeyri-neft sektorunun inkişafında artım var. Təbiidir ki, bunu səciyyələndirən amillər də az deyil. Bilirik ki, ötən il ərzində Prezidentin iştirakı ilə keçirilən bir neçə tədbirdə ölkə başçısı biznes subyektlərinə dövlət qurumlarının müdaxiləsinə son qoymağı tapşırdı. Bundan əlavə, biznes subyektlərinə verilən lisenziyalar azaldıldı, əksəriyyəti isə ləğv olundu. Bütün bu amillərin 2015-ci il ərzində qeyri-neft sektorunun inkişafına nə kimi təsiri olub?

İqtisadçı Qulu İsmayılov qəzetimizə açıqlamasında bildirdi ki, ötən il ərzində iqtisadiyyatın vəziyyətini qiymətləndirdikdə, təbii ki, heç də asan keçmədi. Yəni əvvəlki illərlə müqayisədə çətin bir dövr oldu. Ötən il neftin ucuzlaşması nəticəsində neft gəlirlərinin kəskin azalması, istər ölkəyə, istərsə də Dövlət Neft Fonduna gələn gəlirlərin azalması ilə yadda qaldı. Sonra devalvasiyalar nəticəsində bank sektoru çox böyük bir zərbə aldı. Kredit qoyuluşu azaldı, əmanət qoyuluşunda azalma müşahidə edildi. Büdcə xərclərinin azaldılması, yəni büdcədə investisiyaya yönəldilən vəsaitlərin azaldılması səbəbindən investisiya qoyuluşu azaldıldı. Bu da iş yerlərinin azalmasına, bağlanmasına, bəzi layihələrin yarımçıq qalmasına gətirib çıxardı. Yəni ümumən götürəndə ötən il pul azlığı müşahidə olundu ki, bunun da əsas səbəbi, qeyd etdiyim kimi, dünya bazarında neftin ucuzlaşması oldu.

Neft gəlirlərinin azalması şəraitində hökumət qarşısında qeyri-neft sektorunun inkişafı kimi bir vəzifə qoyulub. Yəni əslində neçə vaxtdır bu məqsəd var, neft gəlirlərinin azalması bunun daha da vacibliyini göstərdi. 2016-cı ilin dövlət büdcəsi də göstərdi ki, əsas yük qeyri-neft sektorunun üzərinə düşəcək. Qeyri-neft sekoru dedikdə, ilk növbədə, bizim gözümüzün qarşısına kənd təsərrüfatı gəlir və təsadüfi deyil ki, ötən il "Kənd təsərrüfatı ili" elan olundu. Bu baxımdan düşünürəm ki, kənd təsərrüfatının inkişaf etdirilməsinə çox böyük ehtiyac var. Hökumət bu sahəyə diqqəti artırmalıdır. İxrac potensialının güclənməsi üçün birinci pul-kredit siyasəti ona münasib olmalıdır. Yəni manatın məzənnəsi elə bir maksimal həddə olmalıdır ki, bizim istehsal etdiyimiz məhsullar qiymət baxımından rəqabətə tab gətirə bilsin. Məsələn, kənd təsərrüfatı məhsulları hara ixrac edilir, Rusiyaya. Rusiyada da rublun ucuzlaşması bizim ixracımız üçün problem yaradır. Düşünürəm ki, buna görə hökumət birinci pul-kredit məsələlərinə diqqət yetirməlidir. Kənd təsərrüfatı sahəsinə bu gün güzəştlər var, amma eyni zamanda təkcə xammal sahəsində güzəştlər yox, həm də emal sahələrinə şərait yaradılmalıdır. Bundan başqa, kiçik və orta sahibkarlıq inkişaf etdirilməlidir. Yəni bu tək ticarətdə deyil, istehsalda da özünü göstərməlidir.

Bizdə ərzaq sahəsində kifayət qədər inkişaf olsa da, qeyri-ərzaq sahəsinə - misal üçün ayaqqabı, geyim, yüngül sənayeyə diqqət artırılmalıdır. Ötən il bu sahədə inkişaf olubsa, bunun başlıca səbəbi dövlətin və ölkə başçısının göstərdiyi qayğı ilə bağlıdır. Bura istər dövlət büdcəsindən ayrılan vəsaitləri, istərsə də yersiz müdaxilələrin qarşısının alınması ilə bağlı verilən tapşırıqları aid edə bilərik".

Məhəmmədəli QƏRİBLİ

DİGƏR XƏBƏRLƏR

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...