Yerli malları süni bahalaşdıranların möhtəkirliyi Prezidentin də diqqətini çəkdi

Tarix: 12.01.2016 / 02:35
Bölmə: İqtisadiyyat

Fəzail Ağamalı: "Bu cür adamlar Azərbaycan Cinayət Məcəlləsinin müvafiq maddələri ilə qanun qarşısında cavab verməlidir"

"Bunun üçün çox ciddi tədbirlər görülməlidir"

Prezident İlham Əliyevin Nazirlər Kabinetinin 2015-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclası zamanı toxunduğu əsas məsələlərdən biri də ölkədəki süni qiymət artımı olub.

Dövlət başçısının toxunduğu bu mövzu son zamanlar ölkədə ən çox müzakirə olunan məsələlərdən biridir. İlham Əliyevin bildirdiyinə görə, şəxsən ölkədəki vəziyyətə nəzarət edir və yerli istehsal məhsullarının qiymət artımından da xəbərdardır. Maraqlıdır, meydana çıxan süni qiymət artımının qarşısı necə alına bilər?

Milli Məclisin deputatı Fəzail Ağamalının fikrincə, bəzi işbazlar Azərbaycanda manatın məzənnəsinin dəyişməsi ilə bağlı yaranmış vəziyyətdən sui-istifadə edib varlanmağa cəhd edir: "Həmin adamlar ilk növbədə öz vicdanını tərəziyə qoymalıdır. Ölkə Prezidentinə bir daha minnətdar olmalıyıq ki, o, yaranmış situasiyaya dərhal öz sərt reaksiyasını verir. O bir daha Azərbaycan xalqının maraqlarının hər şeydən üstün olduğunu, hər zaman olduğu kimi, önə çəkdi və beləliklə çox sərt mövqeyini ortaya qoydu. Bu baxımdan ümidvaram ki, ölkə Prezidentinin bu çıxışından, bu tapşırıqlarından sonra artıq ölkədə bu cür yaramazlara, işbazlara qarşı ciddi tədbirlər görüləcək. Belə üsullarla varlanmağa çalışanlar Azərbaycan qanunları çərçivəsində çox ciddi şəkildə cəzalandırılmalıdır. Xüsusilə də yerli istehsal olan məhsulların qiymətini süni şəkildə artırmaq başadüşülən deyil. Bu məsələdə manatın qiymətdən düşməsinin heç bir təsiri yoxdur. Hesab edirəm ki, təkcə İnzibati Xətalar Məcəlləsinə uyğun olaraq cəzalarla məhdudlaşmaq lazım deyil, bu cür adamlar Azərbaycan Cinayət Məcəlləsinin müvafiq maddələri ilə qanun qarşısında cavab verməlidir. Bunun qarşısı alınmasa, bu cür insanlar Azərbaycanda sosial gərginliyi artırmağa xidmət edərək birbaşa anti-Azərbaycan qüvvələrinin yanında olmuş olacaq. Bunun ayrı adı yoxdur. Çünki mağazalarda, marketlərdə, ticarət mərkəzlərində satış ilə məşğul olan Azərbaycan vətəndaşlarının 80 faizi bu gün Azərbaycanda yaranmış vəziyyətdən istifadə edib süni qiymət artımı ilə məşğuldur. Bunun üçün çox ciddi tədbirlər görülməlidir və bununla bağlı hüquq-mühafizə orqanları qarşısında son dərəcə mühüm vəzifələr durur və süni qiymət artımının qarşısı təcili qaydada alınmalıdır".

Məhəmmədəli QƏRİBLİ

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...