Bank sektorunda köklü islahatlara ən ali instansiyadan start verildi

Tarix: 12.01.2016 / 02:41
Bölmə: İqtisadiyyat

Rəsul Cahangirli: "Hesab edirəm ki, bu il səmərəsiz fəaliyyət göstərən banklar ya birləşdiriləcək, ya da bağlanacaq"

"Faizlər aşağı endiriləcək"

İlham Əliyevin sədrliyi ilə Nazirlər Kabinetinin 2015-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclasında bir sıra məsələlərə toxunulub. 2015-ci ildə neftin qiymətinin düşməsinin və manatın devalvasiyaya uğramasının Azərbaycanda iqtisadi proseslərə də təsir etdiyini deyən dövlət başçısı bunun səbəbinin kənarda yarandığını, neftin qiymətinin azalmasının iqtisadi yox, siyasi amillərlə bağlı olduğunu bildirib.

Bununla yanaşı, Prezident 2016-cı ildə qeyri-neft sektorunun inkişafının prioritet olacağını, neftdən asılılığın minimuma endirilməsi ilə bağlı tədbirlərin görüləcəyini bildirib. O, həmçinin, Dövlət Neft Fondunun vəsaitlərinin qorunması, Fonddan dövlət büdcəsinə transferlərin azaldılması, vergi bazasının genişləndirilməsi, gömrük rəsmiləşdirilməsi və ixrac-idxal əməliyyatlarının şəffaflığının təmin olunması, maliyyə nəzarətinin gücləndirilməsi ilə bağlı tapşırıqlarını verib. Prezident bu kimi məsələlərə ictimai nəzarət mexanizmlərinin işə salınmasının əhəmiyyətinə toxunub. Bundan əlavə, dövlət başçısı biznes mühitinin yaxşılaşdırılması, nağdsız ödəmələrin artırılması, fiskal təşviq mexanizmlərinin genişləndirilməsi, sahibkarlara güzəştli kreditlərin verilməsinin davam etdirilməsi, bank sektorunda islahatların aparılması, özəl bankların ölkə iqtisadiyyatının inkişafında daha fəal iştirak etməsi ilə bağlı fikirlərini çatdırıb.

Bütün bu deyilənlərin fonunda bank sektorunda nə kimi islahatlar gözləmək lazımdır?

Məsələyə münasibət bildirən ekspert Rəsul Cahangirlinin fikrincə, bu il, digər illərdən fərqli olaraq, bank sektorunda daha ciddi islahatların olacağı gözlənir: "Prezident bank sektorunda islahatların aparılması və onların iqtisadiyyatın inkişafında daha fəal iştirak etməsilə bağlı fikir bildirdi. Hesab edirəm ki, bu il səmərəsiz fəaliyyət göstərən banklar ya birləşdiriləcək, ya da bağlanacaq. İstənilən halda, bank sektorunda təmərküzləşmə olacağı gözlənir. Çünki bir sıra bankın məhdud çərçivədə fəaliyyət göstərməsi iqtisadiyyata fayda vermir. Digər tərəfdən, kredit faizlərinin aşağı salınacağı gözlənir. Çünki neft gəlirlərinin azalması fonunda ölkədə qeyri-neft sektorunun inkişaf etdirilməsi olduqca vacibdir. Bunun üçün vacib addımlardan biri sahibkarların sərfəli kredit resursları ilə təmin edilməsidir. Artıq bu reallıqdır ki, banklar özəl sektorun, biznesin inkişafı üçün heç bir şərait yaratmır. Ölkədə bankların ayırdığı biznes kreditlərinin faizi yetərincə yüksəkdir.

Biznesə başlamaq istəyən şəxs heç zaman əhalinin gəlirlərinin azaldığı, inhisarçılığın olduğu, üstəgəl, məzənnə sistemində qeyri-sabitliyin olması və yüksək faiz dərəcələri şəraitində biznes krediti götürüb sahibkarlığa başlamaz. Bu, eyni zamanda, elə xarici investorlara da aiddir. O baxımdan sadalanan sahələrdə yeniliklərin olacağı gözlənir".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...