Nizami rayonunun sosial-iqtisadi inkişafı: real vəziyyət və perspektivlər

Tarix: 09.01.2016 / 01:49
Bölmə: İqtisadiyyat

Paris fransızlar, London ingilislər, Madrid ispanlar, Roma italyanlar, Berlin almanlar, Varşava polyaklar üçün nə qədər vacib əhəmiyyətə malikdirsə, Bakı azərbaycanlılar üçün o qədər dəyərlidir. 1826-cı ildə Bakıda olan görkəmli səyyah Zeynalabdin Şirvani yazırdı: "Bakını Badkubə də adlandırırlar. Çünki bu yerdə daim küləklər əsir".

Küləklər şəhəri Bakının 12 rayonu var, bir-birindən gözəl, bir-birilə bəhsə girəcək inkişafda olan. Bunlar içərisində Nizami rayonunun xüsusi yeri var. Rayon 1980-ci ilin noyabr ayından dahi Azərbaycan şairi və mütəfəkkiri Nizaminin adını daşıyır. Dünyanın müasir şəhərlərindən sayılan Bakının yaraşıqlı guşələrindən birinə çevrilən Nizami rayonu ölkəmizin sosial-iqtisadi inkişafına öz töhfəsini verir.

Məlumat üçün qeyd edək ki, 19,6 kvadratkilometr əraziyə malik olan rayonda 12 iri sənaye müəssisəsi, 2 tarixi abidə, 22 səhiyyə obyekti, 1 özəl ali məktəb və 2 kollec, 20 uşaq bağçası, 1 uşaq evi və 2 internat məktəbi, 22 orta məktəb, 3 lisey, 2 musiqi məktəbi, mərkəzi kitabxana və 6 kitabxana filialı, 2 istirahət parkı, 60-a yaxın ictimai iaşə müəssisəsi, 8 kompleks idman qurğusu və 6 stadion yerləşir. Burada həmçinin 2 bələdiyyə, 3 seçki dairəsi, çoxsaylı siyasi partiyaların mərkəzi qərargahları, ictimai təşkilat, birlik və dini icmalar fəaliyyət göstərir.

Rayon rəhbərliyi dövlət əhəmiyyətli tədbirlərdə müntəzəm iştirak edir. Təkcə 2015-ci ildə keçirilən məktəblilər arasında "Kitab oxu - kitab qazan" layihəsini, "Devizimiz - sağlam həyat tərzidir" mövzusunda tədbiri qeyd etmək olar. Əlilliyi olan insanlarla bağlı keçirilən tədbirlərlə yanaşı, onlara və veteranlara göstərilən diqqət və qayğı yüksək səviyyədədir. İcra Hakimiyyəti Qarabağ əlillərinə maddi və mənəvi dəstək olur. Binalar inşa edilir və Qarabağ qazilərinə mənzillər paylanır.

Bütün bunlar ölkəmizin uğurlu inkişafının təzahürüdür. Bunun da əsası mərhum prezident Heydər Əliyev tərəfindən qoyulub. O, 1993-cü ilin yayında xalqın təkidli xahişi ilə yenidən ölkə rəhbərliyinə gəldikdən sonra Nizami rayonunun sosial-iqtisadi inkişafına xüsusi diqqət və qayğı göstərib. 27 dəfə rayon ərazisinə səfər edən H.Əliyevin rayonun gələcək inkişafı ilə bağlı göstəriş və tövsiyələri müasir inkişaf üçün bir strategiya olub.

Nizami rayonunda işsizlik problemi həll olunur

Məhz bu uğurlu strategiya sayəsində Nizami rayonunda daim işsizliyin azaldılması yönündə tədbirlər görülür. Nizami Rayonu İcra Hakimiyyətinin başçısı Arif Qasımovun xüsusi diqqəti sayəsində neçə-neçə insan işlə təmin olunaraq öz ailələri üçün xoş güzəran qurublar. Rayon ərazisində yaradılan istehsal və xidmət sahələri həm də çoxsaylı iş yerləri deməkdir. Məhz bunun nəticəsidir ki, son illər Nizami rayonunda uğurlu məşğulluq strategiyası həyata keçirilir.

Sakinlərin rahatlığı təmin olunur

Nizami rayonunun daha bir üstünlüyü budur ki, ərazidə salınan park və digər istirahət mərkəzləri rayonun ümumi mənzərəsini xeyli yaxşılaşdırmaqla yanaşı, sakinlərin rahatlığının təminatıçısı kimi çıxış edir.

A.Qasımov abadlıq-quruculuq işlərinin, yaşıllaşdırma tədbirlərinin yüksək səviyyədə həyata keçirilməsinə xüsusi diqqət yetirir. Bu gün biz Nizami rayonu ərazisində olan yaşıllıqlarda istirahət edən vətəndaşlarımızın üzündə xoş əhval görəndə fikirlərimizin doğruluğuna daha da əmin oluruq. Biz yazı hazırlayan zaman Nizami rayon ərazisində yerləşən möhtəşəm Heydər Parkı-Park Bulvarda olduq. Sakinlərlə söhbətlər etdik. Parkda dincələn sakinlərin hər birinin üzündə rahatlıq hiss olunurdu. Söhbət etdiyimiz hər bir kəs Nizami rayonunun bir yaşıl rayon kimi tanınmasına aid fikirlər səsləndirdilər.

Parkda istirahət edənlər arasında Nizami Rayon Veteranlar Birliyinin sədri Qafar Nuriyevlə rastlaşdıq. O, son illər adıçəkilən rayonda aparılan islahatlar haqqında danışdı: "Rayon İcra Hakimiyyəti başçısı ayda iki dəfə rayon sakinləri ilə səyyar görüşlər keçirir. Görüşlər zamanı sakinlərin problemlərini dinləyir. Bundan əlavə, Nizami Rayonu İcra Hakimiyyətinin başçısı Arif Qasımov sakinləri aparatda qəbul edir, onların problemlərinin həllində köməyini əsirgəmir. Nizami rayonu sakinləri üçün bəllidir ki, həftənin cümə günü "açıq qapı" günüdür. Sakinlər cümə günü icra başçısı ilə görüşür, problemlərini bildirir. Həmçinin, aparatda çalışan müavinlərlə sakinlərin görüşündə vaxt məhdudiyyəti yoxdur. Sakinlər istənilən vaxt onlara yaxınlaşıb məsləhət ala bilir".

Q.Nuriyev onu da əlavə etdi ki, qayğıya ehtiyacı olan ailələrin problemlərinin həllində İcra Hakimiyyəti onlara köməklik göstərir. Belə ailələr vaxtaşırı ərzaq yardımları, bayram sovqatı ilə təmin edilir: "Rayon İcra Hakimiyyəti sosial durumu ağır olan ailələrin güzəranı, onların problemləri ilə tez-tez maraqlanır, əllərindən gələn köməyi əsirgəmir.

Bayramlar ərəfəsində rayonda mədəni-kütləvi tədbirlər keçirilir. 2 mindən yuxarı imkansız şəhid, əlil, müharibə veteranları, aztəminatlı və məcburi köçkün ailələrinə, tənha və kimsəsiz qocalara iftar süfrələri açılıb, 630 nəfərə bayram sovqatı verilib. Həmçinin Qurban bayramı münasibətilə bayram tədbirləri təşkil edilib, 5400 nəfərə bayram payları paylanıb".

Məlumat üçün bildirək ki, ərazisi 56 min kvadratmetr, uzunluğu 800, eni 70 metr olan Heydər Parkında fəvvarələr kompleksi yaradılıb, musiqili fəvvarə quraşdırılıb. Burada inşa olunan terrasın sahəsi min kvadratmetrdən çoxdur. Park- bulvarın maraqlı elementlərindən biri də müxtəlif əyləncə növlərinin bir arada təqdim olunmasıdır. Park-bulvarda inşa edilən "Akvarium" əyləncə mərkəzində 39 müxtəlif və müasir oyun aparatları ətrafında əylənən insanların "dünyanın heç bir yerinə öz rayonumuzu dəyişmərik" fikirləri qürur verir.

Özüm də fürsətdən yararlanaraq əyləncə mərkəzində 7D kinoteatrında filmə də baxdım. Qeyd edim ki, bu kinoteatrlarda ən müasir video və akustika sistemləri quraşdırılıb.

Əyləncə mərkəzindən çıxıb "Daun" və "Qayğı" reabilitasiya mərkəzlərinin yanına getdim. Sevindirici haldır ki, humanizm missiyasının daşıyıcısı olan Heydər Əliyev Fondu bu mərkəzləri yaradıb və orada xüsusi diqqətə ehtiyacı olan xəstələrin müalicəsi üçün bütün gücünü əsirgəmir.

I Avropa Oyunlarının keçirilməsində Nizami rayonunun rolu

Açıqlanan statistik rəqəmlərə əsasən, hazırda rayon üzrə 4044 ailə ünvanlı sosial yardım, 4634 nəfər sosial müavinət, 23354 nəfər isə əmək pensiyası alır. Məlumdur ki, əhalinin sağlamlığı dövlət başçısının diqqətində duran məsələlərdən biridir. Məhz rayon sakinlərinin sağlığını önəmli tutan Nizami Rayon İcra Hakimiyyəti 19 saylı uşaq, 26 saylı şəhər poliklinikasını və 1 saylı yoluxucu xəstəliklər xəstəxanasını əsaslı təmir edib.

Ərazidə Dövlət Neft Şirkəti tərəfindən tikilən 9 məhəllədə mədəni-kütləvi tədbirlər evinin olması rayon sakinlərinin minnətdarlığı ilə qarşılanıb.

Məlum olduğu kimi, ötəl il Bakı möhtəşəm bir yarışa ev sahibliyi etdi. Ötən ilin yayında Avropanın diqqəti Bakıda idi. Çünki 2015-ci ildə paytaxt ərazisində "Bakı-2015" İlk Avropa Oyunları keçirildi.

I Avropa Oyunları 4 qrup üzrə 18 yarış obyektində keçirilirdi ki, onlardan da Milli Gimnastika Arenası ilə yanaşı, Olimpiya Kəndi və Mətbuat-media Mərkəzi Nizami rayonunun ərazisində yerləşdiyindən, əsas ev sahibliyi də məhz bu rayonun üzərinə düşürdü.

Bu Oyunlar zamanı ölkəmizə 30 yay idman növü üzrə 49 ölkədən 6000-dən çox idmançı gəlmişdi. Yarışları izləmək üçün paytaxtımıza gələn qonaqları və media nümayəndələrini, üstəlik, yerli azarkeşlərin açılışda iştirakını düşünəndə Nizami Rayon İcra Hakimiyyətinin və eləcə də rayonun digər qurumlarında çalışanların üzərinə düşən məsuliyyətin ağırlığını təsəvvür etmək o qədər də çətin deyil.

Nizami Rayonu İcra Hakimiyyətinin başçısının humanitar işlər üzrə müavini Gülnaz İsrafilova bizimlə söhbətində bildirdi ki, Olimpiya Oyunlarının təşkili ilə bağlı rayon üzrə tədbirlər planı təsdiq edilərək qərargah yaradıldı. Bütün işlər qərargahın nəzarəti ilə həyata keçirildi: "Heydər Əliyev prospektinin Nizami rayonu ərazisinə düşən hissəsinin hər iki tərəfində bordürlər quraşdırılmaqla piyadalar üçün səkilər salındı, bəzi yerlər səki daşları ilə üzləndi, 10000 kv.m-dən artıq sahəyə isə 2000 kub.m qara torpaq verilib, yeni suvarma sistemi çəkilməklə ot örtüyü vuruldu, 334 ədəd ağac və bəzək kolları əkildi.

Olimpiya şəhərciyini və Mətbuat-media mərkəzini olimpiya stadionu ilə birləşdirən yeni salınan yolun ətrafında da abadlıq işləri aparıldı. Səkilər üzlənərək, yaşıllıqlar salındı.

Olimpiya şəhərciyinin ətrafındakı mövcud hasar təmir edildi, Mətbuat-media mərkəzinin ətrafına yeni hasar çəkildi. Olimpiya şəhərciyi ilə Mətbuat-media mərkəzini ayıran və yeni salınan yolla Heydər Əliyev prospektini birləşdirən küçədə mühəndis-kommunikasiya xətləri yenilənməklə asfalt örtüyü vuruldu, işıq dirəkləri quraşdırıldı.

Bundan əlavə, Mətbuat-media mərkəzi ilə Azərbaycan Respublikası Dövlət Neft Şirkəti İnformasiya Texnologiyaları və Rabitə İdarəsinin inzibati binasının arasında Heydər Əliyev prospektini yeni salınan yolla birləşdirən küçəyə də asfalt örtüyü döşəndi".

Sonda onu da əlavə edək ki, Dövlət Proqramında nəzərdə tutulan tədbirlər Nizami rayonunda ardıcıl şəkildə həyata keçirilir və keçiriləcək.

Günel CƏLİLOVA

Yazı Nizami Rayon İcra Hakimiyyəti və Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun birgə keçirdiyi müsabiqəyə təqdim olunur.

Nizami-Rayon-Icra-Hakimiyyeti3

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...